[PSO2]長杖Ph Solo T母神少許攻略,b,

Posted on Sun, May 5, 2019 PSO2:NGS

寫係最前

官方宣傳話Hr係易上手、Ph係難上手。但實際上手會發覺,Hr其實純屬操作容易,但要維持高傷害一定唔可以被打。而Ph難上手其實只係同時loop多幾招PA/Tech,熟手之後基本上唔使用腦。

而Ph長杖係Ph當中最尷尬嘅。雖然長杖係與PA,但其實PA比較功能取向。

前言

大家好,較早前官方宣佈五月尾會有新嘅專家條件:

而當中T母神同狂想識打嘅方向唔同嘅……狂想基本上識打,攞好少少嘅14/15星配上之前官方送嘅Unit基本上可以過,不過真係都要練……你再懶啲,應該步槍Ph都可以輕鬆過……而T母神都係要練……不過練嘅方向唔同……因爲除咗識打,對火力(DPS)亦有一定要求。

事前準備

基本原則

月母

開場

首先開場佢會有一段時間無嘢打,呢個時候上下紅藍嘅加攻/防Buff,跟住儲定風陣、係風陣用光符打,係咁loop。啲攻擊可以墊步反擊當然好,唔得無謂勉強,直接閃走,放風陣+光符繼續打就好。

倒地

月母倒地時,可以直接用Shift閃斬(シフトシュヴァルツカッツェ)衝上去,跟住放齊Shift刀圈、暗球、風陣用光符打。

月母手

而Ph嘅Marker除咗倒地時打月母外,亦可以視乎情況,Lock手跳過去跟住引爆,裝備ok嘅話可以直接爆一個手節約時間。而場面上啲車爆時候會出成地汁嘅地板傷害,使用地板傷害汁應該可以執多少墊步反擊到。

吸人開城牆

而打完第一定第二輪手之後,月母會多一組動作係吸人落地圖中心跟住開一堆牆。係吸途中可以開一次加攻Buff,之後用火扇(零式サ.フォイエ)逃離,跟住繼續風陣+光符打手。

階段切換

而打齊幾圈手之後,月母會放吸cute動作嘅招式,呢個時候記住啲佢嘅語音,切換到長槍,用Shift連射(シフトクーゲルシュトゥルム)應該好快清完,之後再切換落嚟。

月母落場

之後月母會落場打,呢個位基本就係Shift刀圈、暗球、風陣之類跟住儘量貼住打。不過就算貼唔到,淨係風陣+光符,適當執啲墊步反擊嘅傷害都應該要。之後傷害差唔多會最後一次吸Cute,切步槍輕鬆掃完後就會倒地,跟住開齊嘢,瘋狂飆傷害就得。

造神

開場四龍頭

一樣,開場有段空白,上齊加攻防嘅Buff,企落角落打龍頭。打完一個頭之後佢會加樹木鎧甲,可以切換到下一個龍頭繼續用風陣+光符打。如果距離比較遠,可以善用Shift閃斬趕路。打爆曬四個龍頭之後,龍頭會噴儲氣球,用S閃斬+普攻兩下應該就爆。唔夠就改S閃斬+光符啦。呢度無謂開風陣,啲儲氣球HP唔高無謂曬。

あなたの階段二

之後造神會對準你吸+錘一拳。好痛,要避。不過靠火扇應該離開到命中範圍,仲有啲時間就補紅藍Buff啦。之後出返四龍頭,打法大同小異。不過打爆四龍頭後,造神會倒地,記得用火扇趕路衝上佢Core,開齊Shift刀圈+暗球+風陣配光符飆傷害。有Marker亦儘量對Core用啦。但如果剛好有Marker滿,亦可以係打爆最後一頭龍頭時候儲定,一出儲氣球就爆。

真人PK嘅階段三

打完兩輪之後,造神就會突入下個階段。由佢親自打你而唔靠龍頭。呢個時候,就要從光符轉用光箭(グランツ)。因爲造神幾多時間個Core都係靠光符打唔到但光箭係打到嘅,DPS嚟講無視距離嘅光箭比較高,所以呢時靠風陣+光箭即可。至於招式,應該就畫面左方斬、直錘、地面生樹枝及移動噴火。左方斬同直錘係儲墊步反擊好機會,真係儲唔到就儲個風陣避開啦。

之後移動噴火亦係輸出良機,風陣+光箭打啦。之後移動噴火到盡頭時會反過來撞嚟,呢個時候亦係儲墊步反擊嘅好時機。之後就倒地狀態,儘量輸出,開齊Shift刀圈+暗球+風陣配光符飆傷害。有Marker亦儘量用。

月球要爆嘅最後階段

呢個階段最好預留3分鐘以上會比較安逸。開場會出齊8龍頭,唔好理咩,直接變身ダークブラスト,咩無所謂,最緊要儘量最快打爆所有龍頭,造神會倒地。儘量預留時間,將變身特別高傷招技車落去先解除變身。

之後亦無咩好講,就係一堆動作快咗,啲地面樹枝、追擊光彈多咗,個畫面混亂咗。但其實動作模式同之前一樣,只要留心啲,用返之前個光箭+風陣打,倒地開齊Shift刀圈+暗球+風陣配光符打就得。

YEAH!

裝備

最後附上所用嘅裝備參考一下,Yeah。

15星破損長杖:15星破損長杖

12星Loser背:

12星光跡手:

12星光跡腳:

マグ攻擊加速戒:

法擊暴擊戒: