大家好，又係我6uo公主雪娘。用緊嘅係LogiTech K380，雖然方便，但第一畢竟係藍牙Only，加上最近想啪啪聲，更好聽，所以開始研究機械鍵盤。

首先機械鍵盤有好多種結構方式，並以唔同嘅顏色作區分。常見嘅係紅軸、青軸、茶軸、黑軸之類，基本上唔同嘅軸心有唔同嘅手感。例如青軸有清脆嘅聲音，非常有手感，勁似以前啲打字機，但唔中意嘅會覺得太嘈。紅軸相對安靜但個手感比較平淡。每個軸心都有唔同嘅優點缺點，係決定之前非常建議去黃金之類嘅地方試試自己嘅喜好，多於就咁聽人講咩軸心適合打機/文書之類。

首先係黃金買咗Polar嘅PGK-113，作爲3舊水以內買到嘅鍵盤可以話非常超班，舒適嘅手感，啪啪聲嘅清脆，唯一可惜係無藍牙，所以入咗倉。

而對於鍵盤，我事前有啲咁嘅要求：

係咁嘅要求下，第二個就係Fl eSport嘅F11啦。

作爲中國品牌中國制嘅機械鍵盤，400左右嘅價位有一把有線+無線藍牙連接嘅鍵盤實屬物超所值，手感可以接受而做工……嗯，咁嘅價錢唔好太高要求。總之，咁嘅價位有咁嘅spec真心抵屌。但可惜嘅係唔支援PS4連線，所以又入倉。購買連結@TMALL

下一把嘅係同樣中國品牌嘅Ganss GS87-D，都係400左右，有Bluettooth 5.0，啫係chips係新嘢，應該實可以連上PS4。，不愧中國國產中嘅知名品牌，到貨之後試試，手感不錯，而且可以連接PS4打字，但。個K鍵壞咗。同CS傾一輪之後話直接用tmall嘅7天無條件退貨啦。但，順豐表示：鍵盤寄去中國要以公司名義寄出並打稅。我：…………FUCK YOU CHINA，算啦算啦，入垃圾桶啦。購買連結@TMALL

難道天就要這麼對我嗎？要滅絕我對機械鍵盤嘅愛嗎？對啪啪聲嘅追求嗎？寂寞難耐嘅我係黃金遊蕩，係高登流連，走到2000FUN嘅專門店，見一堆鍵盤，咪試下玩囉……跟住發現……無錯。

青矮軸，支援藍牙及有線連接，18個RGB光污染你嘅房間，輕巧嘅重量以及MAC/PC雙鍵盤佈局切換（包括remap switch同兩套keymap）能夠切合所有Devices。雖然矮軸沒有那麼清脆大聲，手感亦無咁好，但對用慣Notebook類Keyboard嘅我嚟講可謂啱啱好，有Notebook鍵盤嘅輕巧之餘，亦有機械鍵盤嘅啪啪聲。而且冇咗中國品牌鍵盤嗰種粗糙造工嘅感覺。不過佢出廠嘅時候layout係MAC OS嘅，如果你要用於Linux or Win最好就自己更換佢送嘅keymap。當然你覺得mac layout in pc爽嘅咁你就爽啦……亦因此，如果你係主力用MAC但覺得mac嘅鍵盤唔夠爽，想黎啲機械鍵盤信仰以及光污染，可以去買一把。當然燈係可以關嘅，當普通鍵盤用都ok。

——THIS IS MY WAIFU！

如果你要即刻買到嘅話可以去2000FUN買。

購買v2@2000FUN

或者唔急嘅話建議上官網買，慢慢等shipping。因爲我手上呢把係version 2嘅K1。而官網售賣嘅係最新嘅v4，除咗紅軸、青軸外更有啡軸揀，而且去到最新嘅Bluetooth 5.1。購買v4@官網

如果你覺得都係想要傳統嘅高軸以及數字小鍵盤但又想細啲size嘅鍵盤嘅話，Keychron K4亦係你嘅好選擇。而且仲有青光軸啊！購買K4