今日好多人亂傳咩「健康碼襲來iOS」之類嘅文章，真係救命……所以求其寫少少嘢啦。如果睇完都係唔明，歡迎留言/電郵 [email protected] 詢問。或者其他你聯絡到我嘅方式都得，我會儘量回復並添加落來呢篇文章。
概述
首先呢個「COVID-19暴露記錄」嘅開關僅僅只係API嘅開關——Application programming interface，佢僅僅只係只係接口，佢亦係離線運作嘅。具體而言，所有手機會係安裝相應嘅App並開啓該功能後，手機會自動隨機生成一個單一且匿名嘅ID並加密處理，而當用戶附近有其他手機而且開啓藍牙嘅情況下，互相交換加密嘅ID，並儲存彼此嘅接觸時間、時間長短等資訊，而有關資訊最長只會儲存十四天。而使用該API嘅App只能由當地嘅衛生部門開發或委託開發，而一個國家/地區只能有單一個App。而係安裝該App後，當有接觸史人士確診後，如果佢有開啓該功能且他願意合作，政府可以透過App推送某條加密Key係確診患者，之後手機收到後會比較係唔係自己嘅接觸List入面，如果係，再通知機主快啲求醫。
對於實現方式大家可以參考以下文章，會介紹得更詳細：
常見問題
係咪健康碼黎架？
唔係，呢套系統就係唔可能事前知個ID對應咩人，同政府嘅健康碼差遠了。反過來說呢個系統香港政府唔支援，就係因爲呢個系統太匿名，冇辦法實時追蹤到人們去過邊，所以先唔寫App支持而搞健康碼。
哇呢個App好可怕我想熄咗佢
睇清楚選項附近嘅說明！你連開啓都做唔到點熄？因爲呢個功能嘅具體App要政府寫，而香港政府話唔會寫，所以香港地區係用唔到嘅。粒掣只係系統更新附送個樣比你。
政府可以用來監控我哋嘅行蹤？
唔可能，政府拎到嘅係隨機嘅加密ID，佢冇辦法知道呢個ID對應邊一個人——除非佢物理角度解鎖並用到你部機啦，咁佢就知道你一個人嘅ID，而已。
咁我唔裝個App係咪開咗都無事？
係，你唔裝App政府連你個ID係咩都唔知，點追蹤你？係唔裝App但開啓暴露記錄API嘅情況下，只會在本地交換及作對比，完全唔會上網，所以理論上要Access到呢啲data而唔裝App，只能物理角度地掂到你部機並解鎖先得。
政府唔追蹤啫，Google/Apple咪會追蹤我？
唔可能。因爲佢只係同其他電話用藍牙交換資料，並不牽涉GPS所以首先不能定位。其次佢亦只能知道你A時間同B定C嘅電話一齊過，呢啲資料亦難以追蹤你去過邊（除非政府唔知道大多數裝置ID對應咩人）。
咁Google/Apple會唔會暗渡陳倉幫政府架？
至少唔會幫香港政府。呢個系統維護都要員工，啲code/documents經咁多人手而仲要唔被發現邊可能？任何一個員工篤灰，間公司可以被鬧+美國告到執笠，邊個美國公司會冒呢個風險？
咁咁方便，點解香港政府唔用？
啦呢個問題唔係政府要員真係好難答實。但我估其中一個可能係因為呢個API保障得太徹底，如果假使哪天要強制嘅時候，無辦法確定某人有冇係某個場所入面開啓咗呢個API 嘅tracking嘅功能，亦即使話執法角度而言呢舊嘢不能用任何法例強制人使用/或者用法例強制咗都無辦法確保佢係呢個場所有用到（which is 最多只能強制安裝， super useless）。
下但係我都係好擔心喎
I just want to reply: DONT BE TRUMP.