真可怕。
首先安心佢係可以offline 使用，佢喺DL個感染清單，然之後係本地比較，有相同先會通知你，甚至通知你呢個動作政府可能係唔知嘅，所以你唔上報或者被警察捉到你check 安心，基本上係唔可能知道你有無中嘅。亦因為咁，理論上只要你部機上唔到網 or scan完清空App資料，咁你個安心出行永遠係0感染。甚至乎在政府角度，佢哋完全唔知你scan咗乜，亦無任何keys可以related到你。
咁台灣簡訊實聯制呢？唔知你知唔知，台灣電話係全部實名制嘅，我以前去台灣玩張卡，實際上係以我當時女友嘅名義登記比我用嘅，所以實聯制實際上就喺collect咗你電話，咁有你電話號碼加上實名登記資料，就已經正確locale到你，係種變相實名制，呢一點其實當初台灣嘅在野政黨就鬧過，但香港人真係當睇唔到。
講多兩句，填紙仔其實係安心/實聯制/紙仔入面最不私隱，最易外泄私隱，亦get得最多資料嘅嘢。因為安心上面講咗佢真係唔知（驚咪去買部唔上網嘅安心機囉），而且可以控制得好好（私隱資料上繳方面）；而實聯制佢可以拎嘅資料有限，要知道你嘅資料仲要經法律程序問電信商攞，係可以拎到但唔算易；但填紙仔就唔同啦，任何人行過都可以有辦法偷紙，甚至乎你唔知道店鋪夜晚archive咗會唔會偷偷睇一次，技術上不能防止到有啲不特定多數嘅人藉此濫權，甚至乎你提供嘅資料遠比安心同實聯制多，但香港人不少覺得這樣更私隱，更能保障個人資料，如此反智，也蔚為奇觀。