港府對香港嘅異見人士都不見得有幾好，何況呢啲羈押人士/難民呢？
不過本身懲敎署管理、行政乃至執行其實都幾多可以黑箱嘅部分，加上懲教本身係羈押中心/監獄入面個種封閉式環境，係權力極不對等情況下，基本上監獄內部係個任懲教職員魚肉嘅地方（唔係講笑，認真），使得好多懲教職員做事就喺很極權個套——畢竟權力站在自己一邊，同港府其他部門比較投訴人通常都喺能壓制甚至已經控制佢人身自由，使得很多懲教職員遇上投訴或者對抗都會傾向打壓落去，畢竟對方任你魚肉嘛。
至於太平紳士就算吧啦，本身太平紳士探訪就喺好象徵式嘅行為，實際上97前效果都相當有限，畢竟做唔做嘢太平紳士嘅裁量有很大空間。係97後，你知我知單眼佬都知好多都喺啲建制內部嘅「自己人」，點會係建制入面非要攞啲唔係問題嘅問題來製造問題呢？
而懲教改革更大問題係，一旦開始討論呢啲問題，好多蠢人（唔止平民，有啲社會賢達心裏都係咁）會即刻落個位係：「咁唔通坐監就要好舒服咩？坐監就喺懲罰佢做壞事啊，佢唔做壞事咪唔使坐監囉，唔通坐監仲要好好招呼佢比埋佢咖啡任飲好唔好？」。但我諗嘅係，懲教重點從來唔應該落在如何懲罰而係落喺如何教育，懲罰係手段，教育係亦係另一種手段，而最根本目的係，減少犯罪同時使得儘可能多嘅罪犯回歸社會並不再犯罪，而這一連串當中，好老實講都2021年了，好多地方都做過類似嘅研究都話比大家知，訴諸壓迫和壓制式嘅懲罰方式不能算很有效嘅例子，古代常用嘅拷問和嚴刑逼供路線其實好多地方都以實例話你知咁係行唔通，所以懲教先叫做懲教，所以懲教下面先會有更生事務處，監獄不應該係重點，監獄只係過客，重點應該係成功更生，重歸社會。
或者你會話我大愛左膠啦，但呢點真係好基本人性的，暴力和高壓換來嘅服從通常唔會係真心服從，佢只會表面迎合你同時封閉自己嘅耐心，只要情況改變或者 #時代變了 ，必然就會反撲，所以這亦是啲極權統治點解越走越極端，因為佢哋同單眼佬都知若果不再執政下場會點，甚至乎很多極權國家反反覆覆都重複被推翻 重組政府 然後再極權統治再被推翻咁loop，因為係呢個輪迴中，無人係想長久解決問題的，佢哋都只係想「得過且過」，唔係自己倒霉就得。
最後我講個都介乎關事與不關事之間嘅小故事。講起黑獄美國啲非本土監獄例如關塔那摩羈押中心（好重要，美國堅稱呢度係羈押中心唔係監獄，為咗可以合法嘅咬文嚼字嘢來，而羈押嘅唔係罪犯唔係俘虜唔係民兵而係「羈留人士（Detainee）」）可謂遠近馳名，咁但係大家有冇諗過伊拉克戰爭當中作為開戰理由嘅，所謂嘅大殺傷力武器呢個情報點得出來？好簡單，就喺美國透過「強化偵訊技巧」 aka 嚴刑逼供嘅方式刑求，使得對方為了不再受苦而附和地虛構一些讓偵訊人員開心和認同嘅情報，而白宮團隊就依照呢啲所謂情報加上其他地方收到嘅資料穿鑿附會之下搞起了伊拉克戰爭。而呢啲嚴刑換來的唔係合作與悔改，而係屈從。
這一點，不論監獄、拷問有或是統治都喺類似的。壓制換來的只係屈從，而屈從為前提嘅系統，是難以久遠維持的，或者就算能維持，也恐怕是千瘡百孔問題叢生。我成日都講嘅一句説話係，誠實與透明唔係益人地，而係益自己，只有互相信任互相尊重先至可以長久經營。不過可惜的是，亞洲有太多地方尤其是華人社會不真心信奉誠實與公平係美德，很多人心裏都喺相當想當然、投機和利己主義的，實在可惜。而懲敎署亦只是折射出了一個社會整體人嘅品格，橙。