導入
Hi 大家好，多謝白蘿T提供題目，今日寫嘅就喺咖啡點樣玩。唔少人可能飲開便利店或者starbuck，有錢想財富增值玩下自己沖，又或者覺得咖啡粉/即溶麻麻想進階啲，但網上search很容易就幾千一萬嘅咖啡機，其實有點讓人卻步。要平嘅話可能會係膠囊咖啡……但，可能有啲人已經飲緊，有啲嫌棄佢太自動。總之，呢篇文章唔會講太深嘅咖啡知識，主要由平入貴講下想玩咖啡但又預算有限嘅可以睇落去。
基本知識
手沖 & 濃縮
雖然唔會講太深但係一些基本知識都要知道的，基本上要廉價嘅很難沖好靚嘅espresso，廉價嘅都喺手沖多，濃度當然比起espresso淡得多，亦唔適合攞來做latte，但非常適合直接飲。而咖啡豆多數都經過烘焙，通常手沖會傾向淺到中烘焙，食到豆嘅原味；而espresso會傾向中深烘焙，方便夠濃味攞去兌。
豆 or 粉
另一方面，要靚咖啡當然唔再買咖啡粉啦，因為預磨咖啡粉限制了用途，亦很容易因為二氧化碳嘅揮發容易就變咗味。用途方面，手沖傾向粗磨，espresso傾向極幼磨，如果手沖嘅磨機可能數百元磨機有不錯嘅風味，但要做espresso嘅磨機可能即使入門級都要1500 - 2000港幣起跳。而呢個講緊手動，要電動嘅話可能再跳幾倍。另一方面，咖啡風味很重要來自咖啡豆嘅二氧化碳，當你生產好就會持續揮發，風味會持續變化的，放得耐就會變味，太新或者太舊嘅豆都會變得難飲，只係方向唔同。所以，保管方面要採用單向閥嘅密封袋（你去買咖啡豆個袋本身都會連架啦，留意一下）。而你咖啡豆磨成咖啡粉，呢個揮發過程會更加快，好似兩、三個星期嘅豆磨成粉可能係幾十分鐘或者幾個鐘（比個idea你，唔代表實際情況真係咁快）就會揮發變味，所以一般要食先磨。下面我貼幾個包裝袋嘅單向閥睇睇，如果無錢可以包裝袋直接封口，有錢不妨買密封罐保存，減緩變味嘅速度。
手沖和他的近親（濾紙手沖、法壓、moka）
先講一講手沖同佢啲近親……通情住手沖先啦。因為手沖比較粗粒，所以相對地一些廉價嘅磨豆機都可以對應，而且手沖相關嘅沖煮工具因為唔需要好濃所以可以比較實惠，而且亦可以嘗試到良好嘅咖啡風味。網上有很多嘅粗幼度見解，但個人會建議係買個好少少嘅磨豆機和豆子，把刻度調至磨豆機嘅中間刻度，跟住自己試試再調整，過酸就調粗點，過苦可以調幼啲。一些人會話磨豆機很重要，但個人覺得至少手沖而言，對唔少入門嘅新手來講其實買啲靚豆更重要，畢竟幾靚嘅工具，都唔可能沖出豆子無嘅風味。唔肯定嘅可以去下面間舖頭，可以慢慢試唔同嘅豆，亦可以試試唔同咖啡工具之間嘅風味分別，唔明可以請教老細，直到試啱先買都ok。我都不時去買一包返屋企。
手沖類磨機
手沖/法壓/moka因為幼度要求唔高，所以一些比較平價嘅磨豆機都可以有很好嘅表現。但唯一一點要注意嘅係唔好去淘寶買一些過於廉價嘅磨豆機，因為個人以前唔識都買過，磨返來啲豆最細都依然很粗根本沖唔好，死苦味一啲都唔好飲。而且更可怕嘅有啲粗幼差異過大，導致同一堆豆同一部機沖出來可以尼一杯過酸，或者過苦。
我手沖以前會用hario，講真hario磨嘅豆麻麻，但叫做嘅係穩定、普通，叫做可以get the job done，而且價錢唔貴，適合新手入門理解一下整件事如何運作咗先而又有基本嘅風味。
至於保養方面，基本上磨豆機唔可以濕水、濕酒精，每次用完記得用干嘅掃仔或者吹塵機整走多餘嘅粉，再清洗掃而非直接清洗磨豆機。
首先係呢部，陶瓷刀盤，去Amazon JP買（入面有英文/中文的）並且用貴啲嘅郵遞嘅話，可以日本3日就直到香港，非常快。而且價錢連郵費應該係400 或 500出頭，寫文（2022年6月左右）嘅時候低位+特價，可以2100 + 1400 jpy，大約200港紙出頭就可以到手，而且呢個款如果我無記錯嘅話有兩層刀槽，可以先有把大刀粗磨咗再跌落細刀幼磨，會慳力好多。
第二隻係今年新款，陶瓷刀盤，亦係我後備嘅磨機來的。整機係日本製造，QC ok，而且刻度係下調式，雖然打開粉倉先可以開比較麻煩，但相對地結構簡潔一點，唔容易玩死部機。而且上面係六角形螺頭，有時手攰咗嘅話攞枝電批就可以直接電磨了。 haha。因為日本製會貴少少，但比起其他都算廉價嘅磨機。
中國品牌、中國生產，國產之光，300多港紙仲有鋼刀盤非常抵屌，而且鋼刀盤可以再比陶瓷耐用和更幼磨少少（正確保養嘅話）。但要注意嘅係，陶瓷好處係拆咗落來可以直接水洗曬干，但鋼刀係唔可以咁做的，當然水唔得，酒精就更加唔得啦。但這個價錢有個精度唔錯嘅手沖鋼刀，真係算係咁了。
進階少少嘅磨機
差不多係入門級手磨嘅頂點之一了，鋼刀盤、上調式刻度、而且刀盤仲可以磨到espresso之外，粉盤並非好似上面嗰啲係螺旋式而係磁吸式，非常方便。甚至乎，如果你粉盤係有磁性嘅話直接貼上去磨，啲粉就唔會出界，整個環境會整潔很多。就算無，呢隻kplus有直通式粉盤送，可以直接把粉跌落咖啡機嘅粉盤度（如果你用咖啡機嘅話）。
而且呢隻上面嗰個網址本身就喺代理兼咖啡店（not cafe），去直接同佢 買 k plus有一年保養之外，仲可以揾佢做歸零等日常調整嘅操作，甚至你可以係度試唔同嘅豆，試到爽調到啱先離開，服務十分周到。但，就永遠啲嘢就喺一分錢一份貨，價錢上就貴到去1800hkd左右。
同K plus類似，不過粉盤細咗，無直通，但有着極其精細嘅研磨度以及細緻嘅調節，但相對地呢部機同k plus唔同，j max只係for espresso的，而且需要力氣比較大，細力嘅人有機會根本轉唔郁，記得試咗轉唔轉得郁先。
掛耳濾紙手沖
呢個其實亦係玩咖啡嘅大類和主流來的。標準嘅setup會有濾杯、濾紙的，基本概念就喺唔同嘅濾杯會影響水接觸咖啡粉嘅時間產生唔同程度嘅萃取而影響味道，而當中好嘅濾杯和準確嘅水温會影響咖啡嘅風味。
基於呢個原理，最平嘅setup會係掛耳式——呢個可能有啲人都係街市/超市見過，但買嘅係pre包裝。但如果你去daiso可以買到呢種掛耳式濾紙，可以唔需要濾杯都可以沖自己嘅咖啡粉。
濾杯濾紙手沖
另一種亦係主流嘅手沖係用濾杯、經過濾紙手沖。上面嘅set就4000日元左右砌濾紙、濾杯和底杯，加個靚磨機和温控壺就可以享受靚靚手沖咖啡鳥，價錢廉宜，係入門開始玩手沖嘅好選擇。如果濾紙用完嘅話，daiso都有得買架。BTW，雖然有1-2杯 or 3-4杯嘅選擇，但建議就算自己飲都建議買3-4嘅size，因為1-2太細了好易沖出界……
當然土地問題你可以諗諗呢個但，風味會較平凡……
如果你再進階可能要埋温控壺提供準確嘅温度和細膩嘅水流……不過我無玩開手沖，所以如果想玩埋請參考：
法式壓力咖啡壺
簡稱法壓。原理就喺滾水+咖啡粉，跟住再用人力向下壓增加萃取度，最後把粉過濾在底部，咖啡就可以很順利倒出來。不過要自備滾水。法壓雖然唔使濾紙手沖咁要關心水嘅流速，但相對地佢要比較正確把控水粉比例，一般而言，個人偏好1:15嘅比例，即10克嘅咖啡粉嘅話，大概需要150毫升嘅水量。而且研磨程度都影響風味，如果撳落去阻力大，意味粉偏幼；反過來講無乜阻力，就可能啲粉太粗了。
個人用緊ikea嘅呢個，覺得夠用。
moka
經典意大利式家用咖啡機，結構主要來講三部分，下面嘅水杯、中間嘅粉杯和上面嘅水壺。原理就喺首先把情緒裝下面嘅水杯，把粉裝中間嘅粉杯，之後裝返好，把moka壺去用火爐或者IH爐等任何可以煮滾水嘅嘢加熱，咁加熱過程係下面嘅水變成水蒸汽上升並經過粉杯、濾網最終到達上面嘅小水壺。最大好處係結構簡單，變因足夠少，所以以前就喺家庭式沖煮咖啡嘅好夥伴。加上因為係蒸汽式設計，填裝嘅水唔需要係滾水，直接填裝水喉水都ok，甚至水質差一點都還能拯救整個咖啡，所以咖啡友最喜愛嘅露營嘅時候，必要時可以當煮水壺玩濾紙手沖。嗯。
espresso機
膠囊咖啡機
唯一推薦nesspresso，當然有些歐洲品牌都唔差，但nespresso足夠大，甚至成為了業界標準，不少淘寶咖啡機都喺以標榜nespresso膠囊見稱的。而且nespresso嘅服務唔錯，除咗買機買咖啡膠囊送貨上門外，用完嘅膠囊可以係送貨嘅時候順手幫你回收埋，方便。nespresso如果飲espresso嘅話，最平嗰部可以做得到件事了。上去嘅話嘅話會有啲打奶功能但個人唔中意，因為最平淨喺整咖啡嘅膠囊咖啡機只需要洗水箱就得，打奶嘅話仲要洗埋奶槽同噴頭，我買膠囊咖啡機就喺為方便je，但係仲多嘢洗咗……？excuse me？而且打泡我有枝蛋糕用品店買到嘅打泡棒（就喺整蛋糕會用得到個枝嘢），仲快捷方便——除非你要玩埋拉花想控制好個泡量啦，但自己飲嘅嘢唔需要搞咁複雜。
如果你用nespresso可以去淘寶揾呢啲循環使用或者一次使用嘅膠囊，方便自己填裝自己磨嘅咖啡粉。但要注意嘅係espresso嘅粉要求較細，我上面提及嘅只有1z kplus或者jplus可以磨到用得到嘅粉。而且要留意係因為呢啲第三方膠囊有更高嘅厚度，所以填裝量會少咗，味道會淡啲啲。因為唔同機嘅兼容型號都有出入，所以我唔貼link了，自己去揾一揾跟住問清楚客服啦。
但要強調嘅係，膠囊咖啡始終係膠囊咖啡，始終無辦法有正式嘅咖啡機嘅質素，我飲落始終都喺同espresso比，膠囊咖啡點沖都係唔夠濃，呢點係要注意的 :(
關於nespresso我再補充一些瑣碎嘅資訊，就喺咖啡粉同粉倉嘅size。官網沒有講只有提及咖啡因含量：
Espresso 咖啡因含量大約為 55~65 毫克，除了 Kazaar 約 120 毫克。Lungo 因為咖啡粉量較一般多 20%，咖啡因含量約為 77~85 毫克。 https://www.nespresso.com/tw/zh/faq-product-information
於是我實測手上送嘅14粒，淨喺cap咗最高最低以及淨膠囊沖涼。首先我地假設膠囊係一樣重的，跟住減去就喺粉重喺咪？上圖：
最輕重約6.57g，最重7.16g，膠囊約1.21g，減一減之後得出係 5.32g - 5.91g，湊個整數啫係最大7g左右，好啦留意呢個數字，我哋睇下淘寶某個兼容Nepresso C30不鏽鋼身嘅膠囊會點。
你會見到又寫8g又4-5g啫係點？答案就喺8g係粉杯嘅上限但你唔會填咁多，因為你個杯要預留空間比個蓋，跟住recycle cupsule針位要凸返入去避免針吉到鋼杯，最後最後你仲要預留位置比水所以唔可以裝得太緊密，七除八扣之下，4-5g就喺極限，比起官方膠囊嘅5-6g普遍少1g。點解要講呢個，因為少咗粉意味着味道必然會淡咗，所以可能要用更細嘅水量調整返啱個比例，但儘管如此粉少咗就喺少咗，風味必然亦會變差咗。所以呢個小劇場就喺講清楚如果你有個膠囊咖啡機想試下無出膠囊嘅其他豆或者純屬想自己填粉比啲儀式感自己，it is ok，我都係咁。但如果你期望以此環保或者以更廉價嘅方式獲得更好嘅味道，誠心建議你去買個staresso+kplus仲實際。呢點要特登講出來強調的，非常重要。嗯。
picopresso / nanopresso / staresso
先講，picopresso 同 nanopresso都喺同一間公司類似嘅產品，而staresso又另一間公司有點差異嘅產品，所以我會分開picopresso 同 staresso講。先講少少基本嘢先，如果你要做非咖啡膠囊嘅濃縮咖啡，你要先磨好、搞鬆啲粉唔好成粉團，再用壓粉器壓實咗粉餅先填裝的。我係youtube揾咗條短片，睇睇：
picopresso你睇圖就知佢very conpact，所有必要嘅配件包括粉杯、粉匙、粉針、接粉器以及壓粉器。而picopresso最大特色係無咗手動espresso常見嘅壓力閥，所以佢嘅咖啡品質上下限可以視乎你嘅粉有極高嘅上下限，所以從新手到end game都喺個好選擇。清洗亦簡單，拆曬所有嘢，用水沖乾，風乾即可。當然你亦可以學我放入乾燥機都得。無話唔嘚嘅。
而nanopresso係佢嘅上一代，難洗咗、大件咗配件亦無咁齊咁conpact，但好處係有轉接器可以沖nespresso膠囊咖啡，就咁。
而Staresso你見佢會大件啲，但啲工具一樣齊，甚至有埋支架，可以有位置比你接杯。而且Starresso有加壓閥，可以幫你係你嘅粉壓力唔夠嘅時候都可以通過阻止你再壓增加浸粉時間，最終導致結果係令你可以沖出品質可以且穩定嘅咖啡。而且佢有兩個出水口，調整一下嘅話可以同時接兩個杯沖咖啡。
同picopresso最大嘅分別亦正正係加壓閥，非常簡化地講嘅話，picopresso結構簡單夠conpact可以玩出很多花樣，而且咖啡可以視乎你整體實力從0 - 100分浮動；而staresso適合唔想研究咁多嘅差不多先生，差不多就ok，簡單地手動沖出合格嘅咖啡，品質大概可以係 50 - 70 分浮動咁。
豆
整個咖啡製作最重要嘅一部分，就喺豆。畢竟磨機、沖泡工具都只係工具，幾靚嘅機都無法沖出咖啡豆無嘅風味。而咖啡豆可以粗略分為淺至深烘焙，淺嘅適合手沖類並且較易磨碎所以有啲平價磨豆機都可以，深嘅適合espeesso之類嘅高壓萃取，但豆會比較難磨碎，磨豆機投入會較高。我介紹一下大眾少少嘅豆，可以作為開始試試。如果你打算長遠玩落去嘅，請去咖啡店（not cafe）自己試同買適合自己嘅豆。我講三個隨便都買到嘅豆啦就……
Ikea豆
ikea得兩隻咖啡豆，其他都喺咖啡粉（唔建議）。參數都喺差不多的，唯一分別係烘焙度唔同，所以一隻係for手沖/法壓等，一隻係for espresso。至於味道，坦白講完全唔嘚，唔好期待佢會好飲過罐裝/三合一。唯一有點係43hkd可以有250g，每克應該只需一毫二分錢港幣，適合開機嘅時候洗磨豆機或者新手唔識咁多嘢嘅時候熟習流程用。
https://www.hktvmall.com/hktv/zh/search_a?keyword=ucc%20%E5%92%96%E5%95%A1%E8%B1%86%20roast%20master
UCC都喺相當易揾嘅品牌咖啡豆，佢旗下嘅Roast Master 系列有呢堆嘅咖啡豆。佢啲咖啡豆品質都唔錯，有咖啡豆該有嘅酸和苦味，合理嘅價錢有着合理嘅品質。價錢嘅話係hktmall大約63/180g左右，每克大概三毫半，算係中間嘅價錢。啱嘅可以上面條hktvmall link直接買。要espresso嘅話記得買寫住「濃縮」嗰隻。
呢個係我飲緊嘅咖啡豆，159港紙有250g，平均每克約六毫四分。所謂一分錢一分貨，呢隻豆味道唔差而且很多變，而且易入口，手沖嘅話會有合理嘅酸苦味，最後會有回甘；而如果沖成espresso嘅話味道會更突出，之後溝奶嘅話仲會有類似香草嘅味道，唔同整法會有唔同嘅味道，非常有趣。
你介紹唔夠pro！
其實呢啲咖啡機比較入門，如果你要電動又進階嘅，其實search一下會有好多幾千幾萬嘅機。但我覺得如果我介紹嗰啲就無意思，你花點時間Google一下就有，不過我寫呢個主要想講啲負擔得到，又可以開始試下先嘅設備。所謂萬事起頭難，一下叫啲新手試萬元機……唔好咁啦。同啲攝影人叫人一來就過萬嘅A7C仲要買堆萬元鏡頭無分別，只會嚇走人sad。
咁你嘅settings呢？
我主要有兩套setting，純屬想要咖啡因嘅話，我會用上面嘅hario磨豆機，調整至鬆半圈至一圈左右磨成粉用濾紙直接沖。手沖我一般會以即熱水機嘅最高温（寫係100，實測大概落杯只有大約95左右嘅温度），沖10 - 15 g嘅粉（視乎豆類），以預設嘅150ml沖佢。
另一個setting係用1z kplus嘅磨豆機，秤17-18g左右嘅豆磨成粉，大概kplus嘅3.8左右嘅刻度，再用picopresso壓espresso，跟住直接一盒220ml左右嘅牛奶，量杯都唔使（picopresso粉杯兩段式設計，一半係9g完整係18g，壓實填平就啱啱好），秤都慳返yeah。
最後上面揾about us可以揾到我聯絡方法，有疑問或者指教請聯絡我。