[深夜愛國台]
最近亦揾咗啲祖國嘅朋友吹水，見大家好熱衷於啲中美貿易嘛，熱衷於中國嘅問題嘛，甚至有啲content farm例如unwire亦會寫啲美味可口嘅新聞，例如之前就有報道話中國啲芯片製造業如何「卡膊子」，ASML點樣唔可以出貨去中國，美國知識版權如何厲害，若果美國人全面封鎖，中國人連C語言都唔用得要重新搗鼓着云云。我以此作為同友人嘅討論開頭，祖國的友人語重心長勸導我少睇飛機文，無益。
我當然亦認同呢啲飛機大於現實。先簡單一講，首先中美貿易戰嘅根本，其實就喺中美開始有些問題不得不面對，繼而衝突。
咁講好啦，首先在中國嘅角度就喺國家強大鳥，佢開始發現一個幾嚴重嘅問題，就喺中國如果要繼續發展，就要靠更多嘅國際貿易喺咪？啦，而家要搞海運啦！咁跟住打開地圖揾條貿易路線就會發現，向東，日本、韓國、台灣，都喺美國盟友。向南，南沙個班國家啲乜菲律賓、印尼、馬來，Oh，全部都係美國人啲fd/手下。咁亦因為咁，中國先咁積極搞一帶一路，因為唯有向西行，先有較大空間，唔使睇咁多美國嘅臉色。而因為咁，你大概就會明白點解海參威唔係中國神聖不可分割嘅一部分但台灣會係，因為向海嘅突破口之一，台灣就係正中間，而且仲有民族大義wo，假設台灣變咗中國領土，咁中國就有條靚航線直出飲海水。唔討論價值觀問題，但在中國嘅角度，喂，我只係想賺錢嗟，點解美國人要阻止我先？於是中國為咗掙脱束縛，只能夠選擇對抗個制度，美國嘅國際制度啊。但which is 中國唔認為佢咁嘅行為係對抗緊美國。
但，在美國嘅角度，佢作為現代世界貿易嘅大佬，肯定唔會允許中國改變美國領導地位。在美國觀點入面，包括一帶一路在內一連串嘅行為，本質就喺係美國系統以外建立一套新系統，而且可能仲有得同美國競爭返先，亦因此美國並不樂見呢件事發生。而且如果中國掙脱美國制度，對美國人有個很麻煩嘅問題，就喺以後邊度再有啲平價嘢。你會話，車，好多廠房去咗越南泰國馬來嗰啲更西南地方啦，係，而家潮流係咁，但係你又知唔知，共產黨唔係白痴的，你諗得到嘅嘢，佢哋十幾二十年前就諗好了，所以中國呢十幾二十年建立起一整套完整嘅工業體系，從一級到三級生產，全部可以一手包辦。好似我一位做電子晶片生產嘅祖國朋友，佢就話而家國家係最先進嘅啲乜3nm 7nm 14nm係冇，好多都喺28nm以上嘅成熟製程，但掉反轉來講，呢啲成熟嘅製程中國可以做到中國採礦、中國加工、中國生產再中國組裝，雖然攞去打機還有一段距離，但中國一些敏感行業或者軍工企業已經可以採用國產方案，雖然成本高啲，效能低啲，但已經好堪用。唔知我講乜自己Google「863計劃」，你就會睇到一大堆成果。
亦因此，中國越來越難受美國控制了，美國希望嘅係，中國點發展都好，好好做美國嘅工廠，為美國生產價廉物美嘅產品。除此以外，美國亦面對經濟層面嘅問題，需要揾個地方釋放——其實中國境況有少少似當年日本咁，但係糟糕嘅係當年日本不同今日中國，今日嘅中國係以內部自洽為目標嘅完整體系，很殘酷嘅現實係，比起日本依賴美國，而家境況係美國反而依賴中國，甚至乎中國嘅產業鏈算係完整，而家嘅共產黨有點傲慢嘅地方係佢哋其實真心覺得即使同美國鬧翻，中國亦有底氣去繼續靠內循環維持整個系統一段較長嘅時間。亦因為咁，中國雖然被卡住外貿唔舒服，但係亦唔似得俄羅斯那樣咁迫切地把北約推返出去，所以很現實地中國嘅外交上其實比較消極，對於一些外國之間嘅關係合則來不合則去，但激親我制裁埋你都得啊。亦都因為咁，你會見到中國外交同富庶國家大多處得不算差但亦不算好，很多時都喺拉拉扯扯一番。如果你要我話，我反而覺得中國外交顯得太現實了，無遠景、無理想、無意識形態，單純只係為咗自己嘅商貿和國家利益。
至於你話，喂，咁點解美國面對呢個威脅唔強硬啲直接ban中國啊？唔嘚啊陳先生，美中脱鈎，到時啫係無得再中國生產、中國供應，首先工廠廠房如果可以自動化嘅，可能向西南發展可能得，咁但係一些進階工藝，甚至一些原材料呢？你要唔要Google一下中國稀土佔全球供應幾多？好啦或者你話，車，稀土唔稀有架。OK，咁邊度掘？美國本土？你死得啦你。歐洲？你問過北歐嘅環保L未？東歐以東嘅雪地大國？定日本台灣啊？日本睇落ok啲啲，但你諗下人工呢，跟住成本呢？而家美國面對問題係，美國國內物價高企，人權意識高漲，你話要美國生產當然好，咁但係你又唔可以太自動化，啲人會反；跟住你請多咗人又要比多啲錢，要提供良好嘅福利；甚至你要掘礦嘅話仲要注意環境問題，哇你環境部門仲唔周住你來玩。所以，係國內咁嘅境況下，要繼續維持佢哋優質嘅享受，減低成本嘅方式基本上就喺剝削新興市場，which is someday全世界嘅生產成本同美國差不多，咁佢現行嘅經濟體系難以持續。況且更加唔好講，美國人真係唔中意搞咁多實業，賺錢太慢了，玩財技打咀炮甚至搞新潮技術都好過搞實業，你睇下前十富豪邊個係搞實業的？都喺啲軟件嘢/財技嘢或者一些很服務行業嘅嘢。噉但係原材料都要有人開採，要有人做低技術加工才能比部高技術電腦你寫呢啲程式架？所以，美國很慘地佢只能靠剝削新興國家，咁囉。
或者有啲人會覺得，就算呢啲真，咁而家美國咪好灰？喺咪遲啲真係要學定普通話接受新秩序？係架，係好灰架，但我覺得中國仍然不會咁易成為第一強國，取代美國成為秩序，因為中國對國際秩序毫無興趣，佢只對自己得到啲乜有興趣。很有趣地係如果美國同盟友傾嘢，佢哋多少都會諗點樣寫份大家都開心嘅agreement去等大家都開心，而中國很多時對外就喺一副我利益最大嘅姿態，大家跟得多都後面新興市場上來了，只講實利嘅話之後就很容易地被背叛。或者唔好話背叛咁難聽，你可以見到開始有唔少國家提防中國，其中一點就喺中國外交嘅過程，對方嘅感受和利益很少納入並有完整考量的。而且雖然中國嘅外交不具有意識形態這或許能使得中國外交能更好地為中國利益服務，但係意識形態嘅外交手法也有佢好處的，所謂近朱者赤近墨者黑，以包含意識形態嘅外交即使有違利益，可能基於價值觀相近還是能讓利少許的，但基於單純利益交換嘅往來，就顯得糟糕了。
畢竟，政治還是人性，你係個冷酷無情嘅人，就切勿怪呢個世界點解對你咁無情。你點對人，人地是記在心中的。 :)
後記：
有時睇得多，不得不感慨國家換個人，但一些基於地理嘅國家政策思維還是難變的。好似幾百年來，俄羅斯因為缺乏地險以及不凍港，所以一直都係以進攻代替防禦，持續揾山同揾水的，政策係有相當侵略性的。而日本因為係島國資源少，無論如何都喺不得不揾個合適方法擴張；而美國係個海權國家而且無天敵，基本上就喺個延續了大不列顛嘅現代帝國所以可以在全球都有強大嘅控制權，而且並視呢種行為理所當然，必然有着高人一等嘅傲慢。而中國嘛，土地肥沃、領土寬闊，內部已經相當完整，亦因為咁，中國很多朝代都喺防禦國家。長城，真係中國文化和思想最好嘅顯現。 而中國呢個國家名，更係中國歷來恃地傲物嘅體現。