話説有人問我先發現未寫個篇文整合啲捐錢方法，為了響應祖國嘅號召，堅決擁護和支持中烏友好，抵制可惡嘅侵略者，給予堅決維護領土完整，捍衞烏克蘭主權嘅人民一份支持，除咗真係去打仗之外，最直接就喺捐錢捐錢捐錢。
捐錢之前，要留意嘅係，捐錢比烏克蘭，會分為人道援助、醫療援助和支援烏克蘭軍火三大範疇。或者簡化一下係人道援助同送軍火去烏克蘭當局啦。所以如果你係大愛左膠堅決反對戰爭嘅，死都唔想捐軍火嘅，要留意唔好直接捐助烏克蘭當局而係一些國際嘅人道機構。反過來講你喺個超級左膠，堅定嘅反法西斯嘅國際主義者，想捐點軍火嘅，直接捐錢比烏克蘭中央銀行係最直接嘅選擇。此外，亦要留意嘅係捐助嘅款項嘅行政手續費（which is 而家好多都唔敢收太多啦），亦有留意會經幾多手以及支付方式所牽涉嘅手續費等隱藏支出，咁你先可以估計邊個方案能夠給予烏克蘭人足夠多嘅$$去做你想做嘅國際支援。
我係下面會儘量講解各捐錢方式嘅特點同我知道嘅細節，無提及嘅就喺我唔知道，自己衡量一下點捐先捐得多且符合自己嘅belivef啦。
國際轉賬到烏克蘭中央銀行
首先最直接係經國際轉賬去烏克蘭中央銀行户口，有關款項會直接交由烏克蘭當局分配做人道物資支援一般市民和各烏克蘭軍隊，當然亦會有部分會用以買軍火子彈，你係大愛左膠唔想支持人買軍火嘅，就要留意啦。當然如果你真係好想畀錢支持烏克蘭購買軍火擊退邪惡嘅侵略者，捍衞烏克蘭嘅主權，咁呢個應該係最直接，最少中間人嘅方案。
捐錢比烏克蘭軍（經歐盟嘅IBAN轉賬，要留意支援有限嘅貨幣，主要係西方各大國嘅貨幣）：
Beneficiary Customer (Name): The Ministry of Defence of Ukraine, 6, Povitroflotskiy Pr., Kyiv, Ukraine, 03168
IBAN (account number): UA963223130000025307010029738
Currency of Bank Account (only accepts the following currencies): US dollars; Euro; British Pound sterling; Swiss francs; Canadian dollars; Polish zloty; Czech crowns; Australian dollars.
信用卡捐比烏克蘭中央銀行
另一個就喺信用卡，烏克蘭銀行嘅官網有信用卡支付嘅表格可以用Google Pay或Visa/Master等國際信用卡付款，以此援助烏克蘭軍，就好似購物咁方便，開心：
經monobank用信用卡捐助烏克蘭中央銀行
或者烏克蘭當地嘅銀行 monobank 亦有個表格可以以信用卡捐助，有關款項會轉去烏克蘭中央銀行。鏈結：
Crypto捐助去烏克蘭軍
當然如果你有玩crypto會留意到烏克蘭官方收咗唔少加密貨幣嘅捐款，可能想以此捐助烏克蘭軍，咁你可以直接去把crypto轉賬去烏克蘭軍嘅crypto户口：
Ethereum – 0x76136B4d578Df727B132053d9a392eeF202F9a80 Bitcoin – bc1qdcg86r4rcgf9s6y9nxtyl80xxz62sunw9nevzr TRX – TMoeioXTNK1xowtuXFQxnFnf5ZLEJmu7y7 USDT – TMoeioXTNK1xowtuXFQxnFnf5ZLEJmu7y7 BNB – 0x76136B4d578Df727B132053d9a392eeF202F9a80
經網站捐助Crypto去烏克蘭政府
當然如果你覺得複製地址/打地址怕錯，烏克蘭嘅科技轉型部以及同烏克蘭嘅加密貨幣公司 everstake以及大平台FTX合作搞咗個靚靚網站，除咗支援比上面更多嘅crypto款式（BTC，ETH，USDT，LUNA，SOL，DOT，ADA，DOGE，ALGO，HBAR，XMR，ICX，CSPR）之外，亦支援直接經browser用metamask畀錢，所以如果你用metamask嘅話連地址都唔使打可以直接捐助。而網址亦有烏克蘭中央銀行嘅USD、EUR、GBP、AUD、CAD嘅轉賬户口，你可以入去睇睇。而經呢個網站嘅款項會先去咗FTX嘅平台跟住平台收到會自動轉成法幣再定期（應該係每日）轉賬入烏克蘭中央銀行嘅户口。不過就算唔捐我建議都入去睇下，做得幾靚下。網址：
支票（美國限定）捐助
如果你喺美國想以支票畀錢嘅話，亦可以考慮捐助Razom for ukraine專户，有關款項亦會捐去烏克蘭當局：
我要大愛，唔要軍火；捐助紅十字啊！
如果你覺得捐錢買軍火太暴力，和平Good Good，只想捐錢做人道支援嘅嘅話，亦有個好選擇。全球都幾大下嘅加密貨幣錢包CRO都有同紅十字（唔係中國啊，國際紅十字啊）合作搞咗個捐款網頁，可以用Crypto.com 嘅錢包支付或者以信用卡付款都ok。或者你覺得無啲嘢揸手唔實在，亦有提供購買NFT作支援烏克蘭嘅選項，如果你有Crypto.com嘅户口或者想捐助紅十字做人道支援，會係個好選擇。網址：
其他慈善機構，專款專用！
下面我在list一啲個別嘅人道支援機構啦，有關嘅款項會係入佢哋袋，所以佢哋可以指定款項嘅用途，而且個別亦有指定嘅用途，所以唔想變咗軍火款項嘅話，捐助呢啲指定機構會更能確保款項落到更細小狹窄嘅用途。有部分亦有招收義工，大家可以入去瞭解下：
協助撤離和藥品
Fight for Right係烏克蘭嘅慈善機構，原本係幫助殘疾人士嘅慈善機構。係戰時嘅而家，FFR主要會協助烏克蘭難民撤離、提供必須藥品及提供撤離等文書層面嘢所必要嘅法律支援工作：
經英國組織幫手撤離烏克蘭難民以及之後嘅生活援助
DEC係英國嘅收錢機構，並非單一嘅慈善機構而係匯合咗英國15間嘅慈善機構，負責收錢之後幫手集中把呢啲錢送去英國人關心嘅國際危機當中使用，今次收集嘅款項DEC亦會以此幫助烏克蘭難民撤離或提供必須嘅生活援助。詳情：
幫助烏克蘭嘅小朋友
Voice of Children係個專門幫助小朋友及其成長以及小童權益相關提倡嘅烏克蘭慈善組織。而係烏克蘭戰爭當中，VoC會協助小朋友及其家人撤離、提供必須嘅物質和教育，提供小朋友所必須嘅心靈支援。
畀錢當地學校去幫助仲係烏克蘭嘅烏克蘭一般居民
跟住呢個係基輔經濟學院，字如名係當地嘅學校，佢哋收到款項主要用來購買食物及藥品予以當地居民，並同時把錢投入去確保鐵路運輸網絡等人道物資運輸路線嘅安全。鏈結：
喵喵汪汪！（幫助小動物）
除咗人之外，大家仲會關心貓貓狗狗嘅安危。所以係烏克蘭戰爭入面，亦有當地嘅動物組織收集捐款，用以援助當地被遺留，或者流浪嘅貓狗。其中一個係 sirius.shelter，係當地最大嘅動物權益組織。佢哋嘅INS：
用Paypal捐助 Sirius Shelter（USD）：
Paypal 捐助 Sirius Shelter（EUR）：
幫助埋掠食動物
跟住係HomeZoo Center係烏南最大嘅掠食性動物嘅保護組織，幫助一些掠食動物從虐待嘅殘酷對待中恢復。INS：
佢哋嘅Patron：
至於嗰啲咩宣明會啊，無國界，真係要嘅，你哋識自己揾架啦？