認真講，好多人會認為crypto嘅出現會去中心化，砌底美元霸權，建立加密貨幣經濟圈云云。但先講結論，crypto流行會強化美元霸權，而美國政府可能都意識到呢樣嘢所以比較積極搞規管條文。
正如嘉賓舉例，印度唔少人會因為印度貨幣嘅貶值速度過高，會把錢換成美金base嘅嘢。以前匯款、換錢成本比較高，但隨着加密貨幣出現，跨國匯款等唔少嘢被crypto賦予新嘅玩法，尤其跨國匯款如果走ETH Network（指類似ERC20嘅嘢，ETH Network not only ETH，好似USDT都喺行ERC20），每次交易成本可以低至幾十蚊港紙 instead of 幾十美元嘅電匯，而且交易時間從幾日變成數十分鐘。
所以，對於很多垃圾法幣國家嘅人民來講，stablecoin可以變成佢哋嘅新法幣，作為支付或者跨國匯款嘅貨幣，而交易只需要手機+網絡，對佢哋來講遠比換美金來得方便。而呢啲國家嘅商家亦可以從貨換貨交易（因為垃圾法幣國家例如非洲有時從商嘅可能無咁多美金，會以貨換貨交易），變成錢換貨，減低風險（例如你換箱海鮮，不幸運去美國賣時碼頭停電幾日，就隨時BOOM）。
但講得咁美好，當然唔係完全係優點。正如開頭所講，stablecoin大家都喺以美金或者歐羅其他強勢貨幣為base嘅stablecoin為主，事實上呢啲stablecoin背後其實係美金，亦即係美國政府，呢啲國家越普及usdc，事實上就喺把貨幣主權交咗比美國，實質上就會好似香港咁，至少係貨幣層面變成美國嘅附庸，導致政府嘅政策決策必然要考慮更多美國嘅利益，變相喪失一部分主權。但這也無辦法，有時有啲國家就 just no choice，好似印度或者中國政府知道呢個問題，試圖封殺crypto，中國嘅人民幣都喺比較strong嘅法幣，但印度卻唔係咁，所以封殺一輪之後，都喺（因為法庭裁決）要開放返，回頭走規管路線。
最後抱怨一下，有啲香港人尤其HKEPC Group啲，好鍾意blame加密貨幣無用途，係純炒賣嘢，小白蘿有時見到真諗緊，2000年時唔知佢哋喺咪又係諗緊，dot com係炒賣嘢根本無價值呢？