買咗個自填咖啡膠囊。比較多人會寫呢個係循環膠囊，但坦白講，如果為咗節約成本或者為咗環保，至少以nespresso而言唔係咁合理。畢竟nespresso有頗為完善嘅回收鏈，亦有提供密封膠袋減低發黴嘅機會，而且坦白講nespresso嘅回收率幾好，而且回收香港來講一喺送去專門店，一喺上門送貨時可以比埋送貨員收回，算係方便。加上Nespresso Origin系列嘅膠囊本身儼如業界標準，其實就算唔原廠都好多選擇，唔一定非要自己填。
所以坦白講，我會覺得買呢啲只係為咗玩花式或者喺都要填裝一啲nespresso真係無嘅豆甚至可能你自己玩溝豆嘅，甚至你學我咁無聊 just for fun嘅就可以買，但你期待環保或者慳錢，就……算啦。
首先填裝咗UCC 炭燒咖啡（預磨粉包裝），呢個幾奇怪下，所以我又諗咗諗，會唔會呢啲粉粗得濟，所以又揾咗hario磨豆機磨咗少少豆……
.jpg?width=960&table=block&id=e474d29c-77d9-4ad8-b878-903f7bd4c2e9)
.jpg?width=960&table=block&id=f982b9a3-bebb-4dab-b31a-93698cd87b65)
打出來會係咁，睇落啲泡同啲cream係多咗，雖然係少但似乎比起之前正常唔少。不過唔好對呢啲自填膠囊太高期望，因為明顯地cream同泡都會不及nespresso或其他副廠嘅膠囊，畢竟我個人推測可能佢封裝時有加壓或者足夠密封影響佢一些變數之類。
補一個一齊買嘅單次用自填膠囊，明顯唔對位置，壓力散佈唔均勻。
如果你煮厭咗咖啡，仲可以考慮磨啲綠茶粉去填裝。不過呢次嘅茶葉磨得太幼了，可能佢調教返做粗少少會更好。
但坦白講 it just fun……沖茶直接水沖咪幾好……