Hi 各位早晨，最近見Nespresso又加咗新嘢，所以諗住試試。

呢次限量嘅係同 法式糕點大師 Pierre Hermé 合作嘅，其中除咗espresso外另外兩個都喺有香料的。而Peru係常駐的，只係最近返貨，但雪娘我無試過咪買來試試。

咁，味道就中烘焙左右嘅豆，味道係淺，有着nespresso祖傳嘅麥片味。表現平均，送蛋糕之類嘅甜食可能會唔錯。或者學習nespresso推薦咁，搞個青檸羅羅勒 macchiiato都唔差的。

明顯加咗榛子碎去做香料，有一定濃度嘅所以飲落有少少似加咗少少奶個種順滑嘅感覺。坦白講因為堅果味出少少所以可以諗下索性加oatly變成燕麥奶咖啡係唔錯嘅選擇。當然，既然係榛子，就咁加啲榛碎係上面都好夾嘅。

加咗紅桑子做香料，所以聞落有啲紅桑子嘅味道。飲落第一啖係nesresso祖傳嘅中淺烘焙嘅麥片味，跟住等咖啡濃烈嘅味道慢慢散開一點之後，過渡到有少少紅桑子嘅果酸訂發酵嘅味道，混合着回甘，味道係夾嘅都，無上次南瓜胡椒嗰隻咁具衝擊性了，紅桑子味道比較低調，主味道係咖啡味，唔會搶咗個味道，而係種點綴。呢隻就好似nespresso推介咁，加啲香檳之類嘅酒類會唔錯。

…………BTW 上次個南瓜味真係太恐怖了……而家正常啲就ok了。

呢隻味道飲落普通，係熟悉嘅草味。好玩嘅係沖嘅時候有幾突出羅勒之類嘅草本味，嗅覺上好玩。