Hi 各位早晨，最近比較清閒，係隨便碌嘅時候發現呢個新加坡startup出嘅nespresso cupsule兼容嘅咖啡機，由於有得獨立出水口，加上可以有得較水温、出水量同出水曲線，所以為咗節約一部水機嘅空間就買咗了。

香港要買嘅話無得直接官網落單的，要經香港嘅總代理 TCA （上面條Link）去買。當然你可以唔網購，而直接去TCA係尖沙咀嘅分店，店內亦有實機，加上TCA本身有賣cupsule，可以慢慢試，睇啱先落單或者即場買都ok。TCA啲cupsule都唔差，而且仲曾經係消委會推介的：

機身，後面有個800ml快拆水箱，香港行貨所以當然係英插，正面有個滴水盤。水箱個蓋係類似中低階nespresso機嘅一體式，水箱和滴水盤係各自嘅結合處都有磁石固定的，放嘅時候記得留意一下就會放得好。

呢個係買機嘅時候優惠價加購嘅cupsule套裝，淨機3280HKD，加5盒cupsle+杯+籃+餅乾係HKD3720，跟住再額外加咗盒貴啲嘅169HKD嘅cupsle（whiskey嗰隻）。

首先down個app，申請帳號，跟住可以pair&setup部機了。當然你可以唔setup，但你只能用build-in嘅option了。

裝好app，申請好帳號後，可以新增新嘅咖啡機。

咖啡機總共有兩個左右輕觸嘅按鍵（確認和返回），跟住有個帶阻力嘅轉盤（加/減按鍵）。同時長按兩個觸控按鍵數秒，會進入設定選單，轉動轉盤到configure Wi-Fi，跟住配合App嘅指示打咗wifi密碼之後，部咖啡機就會自動接上對應嘅Wi-Fi，就ok了。

部咖啡機本身會有default嘅recipe，會自動對應相應嘅水量、水温、預浸時間和出水曲線。你可以係App入面直接start brewing就會出。另外，部咖啡機本身會有10個solt儲存10個recipes，可以唔經app直接係機器選擇儲存咗嘅recipe用。

如果你係香港嘅TCA買嘅話，你會留意到説明書list嘅唔同，會少咗morning嘅recipes，多咗啲TCA嘅cupsule嘅recipes。

部機亦有TDS監測水温以及（可能係秤）去監測水箱嘅水量，確保水質ok以及唔會low water照出咖啡。

轉動轉盤可以揀set咗落機嘅recipe。按右邊確認之後會顯示温度、出水量（以克計），以及出水嘅flow。

分件圖片，滴水盤、裝廢棄cupsule嘅隔水籃。要注意係，滴水盤下面其實係個秤來的，部機嘅recipe用g而非ml或者時間做單位因為佢會減返個杯以及滴水盤等嘅重量去同你計返水嘅重量去控制總出水量。跟住佢有好似紅外線之類嘅偵測器睇你有冇放個杯而且要足夠靠近出水後先可以，否則佢會提示你place a cup，跟住等你放個杯上去先。

跟住咖啡機本體有個manual brew 功能，跟住會有三個sub option，coffee pod、tea pod以及tea bag，跟住各自可以記得對應嘅last time setting。要注意係由於呢部機有兩個出水口，兩個 pod會係經過cupsule嘅cupsule出水口，而tea bag會係唔經cupsule嘅清水出水口。係，所以佢可以兼職做熱水機。

不過，真係唔好買TCA 嘅cupsule，會卡紙……好似咁：

好啦，既然Morning咁多嘢玩，我就寫啲毫無用處、for鍾意自我折騰嘅人先想知嘅資料啦。

首先，我哋要開始折騰，我哋要知粉量。

按照Nespresso資料嘅資訊：

但只寫咗咖啡因冇寫重量。但easy啦，自己秤咪得， l温柔親切嘅我已經幫大家拆咗一個cupsule量度啦：

一個nespresso外殼約重1g，我哋當佢齊頭1.3g啦，跟住我哋再秤cupsule本身：

約7g，減去1g約6g。lungo嘅話會再多啲好似會上7g。

跟住，根據Nespresso官方機器出水標準，我哋首先可以得知nespresso官方基準係一粒cupsule：

Ristretto⇒出25ml

Espresso⇒出40ml

Lungo⇒出110ml

以此為基準可以作出調整。

以此為基準，可以自己調整出水量了。

之後就簡單背書了，我知買得cupsule都喺大忙人，唔想理咁多理論嘢就開始折騰，好，直接答你個影響。

研磨度：越幼細就越萃取更多口味，但過幼會過苦過酸，而且有機會穿粉導致周圍都喺；過粗就明顯地因為水較少阻力通過咗粉導致淡咗，味道單調咗。

粉量：啊就越多粉越濃味啊？

水量：啊就越多水就越淡啊？

壓力：呢個真係要講係好複雜嘅嘢，標準嘅espresso我貼係下面你自己睇。不過nespresso根本唔係標準espresso，粉量首先就唔espresso，研磨度都更粗咗，所以nesspresso嘅標準下會係15-19bar嘅壓力對5-7g嘅粉萃取40g。而壓力越大，相對水穿透粉嘅時候嘅阻力理論越大，水浸粉時間越長，所以味道會萃取更多，但過度嘅萃取會導致有些唔想要嘅味道都會出來。反之，過低嘅壓力就……滴尿咖啡……囉。

所以一般而言，上述嘅參數最好係一個比較中間嘅位置先恰當，至於乜嘢係恰當嘅比例……嗯，自己折騰啦。

先講缺點，我個人覺得可以加可能2-3粒實體掣作為指定recipe嘅shotcut，一鍵沖調常飲/一般飲品，會方便唔少。除此以外recipe限制咗咖啡出水量最少25g，如果可以set pod嘅水量可以0g In recipe，個人覺得會更實用。除此以外，比較大個問題係如果你個杯太輕（膠杯之類）或者唔夠貼滴水盤，會因為震動跌出界，其實建議個cup placer位置左右兩邊加啲curve，類似nespresso啲機（最平嗰部）咁卡一卡會更好。

優點，其實坦白講如果你攞去同所有義式咖啡機比，3k真係可以買很好嘅入門級半自動咖啡機。但如果你攞去同cupsule coffee machine比，呢個spec應該係無得打奶嘅cupsle機入面最top了，可自定義recipe/profile，有獨立出水口，穩定嘅水流，可以預浸，有壓力感應確保壓力曲線嘅穩定，有PID温度控制確保温度穩定之餘真係可以達到更高嘅水温，以秤估算出水量嘅準確性，使得咖啡出品嘅水準更加穩定過nespresso啲機仔。以及有個app可以玩下，以3k一部cupsle機來講，應該可以話係cupsule機最high-end class嘅機了，整體亦冇乜太多嘢可以投訴。如果你有聊嘅話，佢個app亦有合作嘅roaster合作出佢哋合作roaster cupsule嘅對應嘅preset，直接套用就好，非常方便。你足夠無聊嘅話，亦可以go deep，自己set 自己鍾意嘅recipe可以玩好幾日，甚至可能可以搞出60度滴5分鐘+40g尿嘅滴尿咖啡。

BTW我去睇佢合作廠商先發現，香港雖然冇乜種豆嘅（好似得一千零一間有自己種豆），但roaster 意外地唔少，而且好多都會出cupsule，甚至好似部機嘅香港總代理TCA嘅cupsle更會標榜整個膠囊全可降解，亦有啲會標榜香港本地新鮮烘焙（Cupping Room呢個無印有得賣嘅brand就喺本地烘焙），而且坦白講價錢可以接受之餘品質也不算差，隨着咖啡產業嘅壯大和產業鏈成熟，而家不少咖啡產品逐漸走向精品化，好多cupsule出來嘅品質……唔可以話可以replace 半自動或者手沖出來的，但cupsule對比以前嘅cupsule嘅品質亦進步飛快，整個咖啡行業整體嘅水準都上咗來，反而（至少係香港）而家好好笑地連鎖店嘅mccafe嘅咖啡品質唔差，而星巴克嘅咖啡反而莫名其妙。而cupsule機扮演嘅角色我會覺得係中間市場：比較直接咖啡豆嘅話會貴咗但比較mccafe/星巴克會平咗；比較mccafe或者精品咖啡未必咁靚or多選擇，但比起罐裝或者星巴克品質也算是不差而且選擇也算多；比較買現成的比較麻煩但比較自己整個半自動咖啡機嘅也算是容易而且品質穩定；同時，cupsule嘅密封使得cupsle咖啡大抵都可以最多一年、普遍半年左右嘅保管時間。

網返morning coffee machine嘅背景，都喺新加坡相當大嘅roaster，不難想像佢個策略就喺和不同嘅roaster合作推出不同嘅cupsule，跟住upload對應嘅recipe上去佢個app，最終打造個roaster直接出recipe，用户直接抄就可以有cupsule入面最prefect嘅口味，做得起嘅話，佢就可以做成類似roaster嘅cupsule打包/代為宣傳/售賣等服務等賺取更多嘅$$，而對用户而言，有足夠嘅參數可以供用户折騰，畀佢哋好似有幾多嘢選擇下玩下咁。有趣嘅模式。

最後貼啲片比大家睇睇。