Fellow Opus 開箱

Posted on Fri, Jun 2, 2023 Fellow Fellow Opus 咖啡人生 MorningCoffeeMachine Nespresso 生活品味

早晨啊,好耐無updae了。最近Opus終於出咗港版行貨,所以去咗落單買咗個。係之前睇好多人話殘粉勁,有demo機試咗下,其實無想象中咁犀利。或者應該話,你望下個價錢,唔應該同Largon Mini 或者 P64 或者Df64系列比較,其實拍多兩拍都喺出到啲殘粉。再唔係,其實佢個豆倉蓋可以壓多幾次形成氣壓吹返啲粉出來,so far,其實還好。

於是我係集氣箱玩完轉頭就以正價買咗,唔預購,乖寶寶。

開箱

買嘅時候原廠直送嘅外箱都未拆!

正式嘅包裝,切開側邊嘅膠紙可以開盒了!

先係一堆紙張,可以送去廢紙回收!

包咗袋嘅本體,有磨豆機本體。粉碗有兩個ring,一個就一個窿,一個有圈圈可以直接倒落54mm/58mm嘅粉碗入面。

粉杯其中一角有做個斜坡方便倒粉,呢個設計真係好罕見下……

粉倉可以擰開,有刀盤。藍色嘅有個位撳實,轉動外環可以微調刀盤嘅細度,如果沖espresso可以稍為較細少少。豆倉有上蓋,有防跳豆,而個防跳豆係用螺絲固定,要清洗時候可以拆落來,咁就達成無死角清理。而刀盤有個metal提把,提起、逆時針轉可以拎起刀盤。咁清潔咗之後,又把上面嘅組返好。

拍咗片試下拆刀盤和微調內刻度。

豆倉有分隔上下方便量豆,上面小格裝滿好似大約18g。同時下面有scale嘅suggest,你可以根據煮嘅方式決定刻度。而Opus其中一個好處係,拆機唔影響個刻度(好多磨豆機拆機會亂咗個scale)。

電源掣本身就可以有定時,1下30秒,2下會60秒,3下90秒,長按會連續磨豆2分鐘咁。

磨咗18g,噴咗啲殘粉……唔,係有啲嘅但chok多幾下個豆倉蓋還可以。

可以睇下片,聽下噪音指數嘅。 so far唔算靜,但都叫做企係中間位。

小結

分別用1.6格沖picopresso、18g,第9格配16g粉沖手沖,各自兩個極端試試,感覺上味道還是可以。not the best,但算係平均水準嘅發揮。

小結

其實用落會覺得,Opus其實真的還好,無風評中咁差。有啲人會話,WPM ZD10之類嘅幾百蚊機仔可能更平但磨得到差不多水準嘅義式,但唔少人忽略一點其實係,WPM之類家電品牌做磨豆機,磨義式幼粉真的幾好,但磨粗點for手沖,會超級飄忽,慘過抽六合彩,而Opus嘅手沖表演老實講似係千元平均水準嘅手沖磨豆機,so far,其實又唔係話真係咁唔合理嘅價錢。

而且我知有啲fd會覺得fellow 產品好 america,但講真我覺得係,opus係一些產品設計上係有點巧思的,粉杯後斜邊方便倒粉,拆刀片清洗唔使清零刻度,有timer可以改變個workflow,不過好似個豆倉蓋可以吹氣呢點就有啲隱藏就喺……

over all其實係方便嘅,研磨表現都喺正常範圍嘅程度,殘粉嘅量係會多點但多拍幾下就還好……同埋個粉杯應該加工過啲粉痴杯嘅少好多,呢點係啲千元以下機做得無咁好嘅(cheap機好多用膠,但未必除到靜電,好似ZD10嗰啲個粉杯痴好多粉的……)

不過有一點要批評係,opus明明得一個power掣但竟然有auto sleep mode,大概你超過不多於十分鐘無用,佢會入sleep mode,呢個時候你撳一下係開機,再撳多次先係定時30秒,呢個真係好令人confuse……

對於Opus我會話,合理價錢,正常品質,work as expected… ok啦。