Hi 大家好，最近係朋友屋企搬咗部玩具回家，HiBrew H10A，淘寶搜尋HiBrew應該就有，價錢坐落在1500 RMB左右，而PDD可以1200RMB左右……如果你要英標插頭香港用，記得落單前問清楚客服，印象中係可以改插頭的。

部機正面如同上圖，你喺淘寶買會送你壓粉器啊、奶杯之類嘅嘢，不過大多數用多兩次未必用的了……不過大概講下，原廠大概連啲乜：

機器本體
加壓粉碗單杯 / 雙杯各一
有底牛角一分2手柄
拉花杯
壓粉墊
粉匙
粉鎚
一包垃圾咖啡豆
接粉環
布粉器

當中，咖啡豆仲可以攞來試機，但壓粉器應該好快就換咗佢了……手柄和粉碗都應該好快換，主要係加壓粉碗+有底手柄真係快樂杯來。點解會話快樂杯呢，你有底，睇唔到啲水流有冇合一，睇唔到啲水去粉流出時係平均分配定已經單點串粉……而加壓粉碗睇落好多crama，但你放置一段時間會發現，大多數係空氣來……

壓粉器，就純屬精度唔夠……當然，儘管咁多抱怨，但呢啲對我而言，對於只係想爽下玩咖啡嘅人來講，其實係幾易就能有達成感，每天可以做杯還可以嘅咖啡玩。

評價

先講清楚，我無乜點用原廠嘅手柄，我去拎時候已經有個無底手柄+無加壓嘅粉碗，我貼一貼換咗嘅手柄和粉碗係度：

粉碗：

https://m.tb.cn/h.5alYtM8?tk=HhOVdssNBAl

手柄：

https://m.tb.cn/h.5ZOyTF1?tk=UpmYdseGrtv

其實換咗之後，優點係無幸福快樂air crama，可以好直覺咁睇到自己壓粉和磨豆嘅scale喺咪正確，而缺點也幾實在係，你要部ok嘅磨豆機。BTW，我嘅係Fellow Opus。

Fellow OPUS 電動磨豆機 - 集氣箱 Entrebox

高性價比家用手沖義式兩用磨豆機、簡易直覺設計，搭載 40mm 錐刀，搭載離子除靜電功能、免工具拆卸清潔，毋須校正，你的咖啡研磨新夥伴。專業級 40mm 六星刀盤 41 段精細刻度微調手沖義式兩用零殘粉離子除靜電技術

https://www.entreboxhk.com/shop/fellow-opus-electric-grinder/

至於評價，其實老實講你磨豆機ok，大概佢可以比到ok嘅水準咖啡比你，要比較嘅話我會用Delonghi嘅EC685比較，我覺得水平大概會好佢啲，但除咗大咗啲係缺點之外，仲有幾個優點：

雖然手柄唔係標準E61手柄，但粉碗係58mm，通用。
有個單孔打奶棒，原裝就可以打奶泡做latte 拉花。
有preinfusion，可從1-10秒間調整
可以從90-95度之間調水溫
可以從125-150度之間調蒸汽溫度
有個顯示屏，調出水量直接調ml數，唔使攞個秤去調整。
出水量真係按流速數，唔係按秒數

好老實講，如果按照歐美嘅售價約350-400USD去計，呢個價錢選擇真心唔少，去買部gaggia classic pro雖然少啲function，但對啡啡嘅成品質素係極大提升。又或者，可以買部morning coffee machine，雖然係pod但功能更加豐富！更大customize嘅空間！但，若果以1500RMB呢個價錢考慮，加上換個無底set嘅cost大概2k港紙來講，真係好難搵到合適嘅競爭對手。可調水溫係呢個價位嘅半自動咖啡機來講真係稀有生物……應該係話，即使放到5k港紙以上，可以調水溫嘅半自動咖啡機其實都唔多……

咁嘅價錢，有著入門級半自動咖啡機該有水準嘅咖啡，我覺得算係想玩下半自動咖啡機嘅人，順便想體驗下水溫/出水量調整/折騰嘅人，算係個唔錯嘅入門選擇。

加上，粉碗係標準嘅58mm，雖然大概手柄唔通用（標準係兩耳，H10A係三耳），但其他週邊，粉碗啊壓粉鎚啊之類都係通用，即使升級咗只係換機同手柄，拓展咗唔少嘅升級空間。

而打奶棒係單孔，可以打到細泡去做latte art嘅，呢個價位比較嘅，大概好多仲停留係粗管打cappuchio嘅程度……不過因為pump嘅壓力差咗啲，要打到可以拉花嘅話，要點技巧和時間，比啲耐性架要。

改造/配件！

最後，我想講下我大概改咗啲乜，比大家做個參考，亦留啲數字，節約大家量度嘅時間。

無底手柄+IMS粉碗

IMS粉碗

無底手柄

要注意係，無底手柄要三耳，而且要薄身，高度唔同咗，否則買咗厚身嘅，唔係唔用得，扭嘅時候要非常大力。而IMS粉碗注意係58mm口徑，啲塗層乜嘅……就其實唔需要，你個粉碗都只係接觸咖啡粉嗟……其實有點多餘，但講真啲反射睇落有點潮。要注意個手柄握把係M10螺絲，只要啱就可以換個柄，畢竟木有點怕發黴，膠又太膠……來點，金屬？