各位早晨，正值新春佳節，想必唔少人就算唔返鄉下，長假期可能都會離開一下，去日/韓/泰/台之類嘅地方旅行，不過相信熱愛工作嘅香港人無不想時刻工作。呢個時候，一個輕巧方便嘅鍵盤就好重要。

⋯⋯冇錯，我係見之前出咗一直想試試，幸好新春佳節避免唔到大回鄉，然後新年過後又要外遊⋯⋯而且係最平嘅UO航空。緊絀嘅行李空間明顯唔可以帶用緊嘅Keychron K8 Pro上機，所以一直諗住買個用。

香港官方售價係$699，不過唔好傻，左轉去apple store就可以599買到手。如果你考慮去黃金買嘅話唔太建議，因為唔知係咪太好賣，唔少舖頭直接無賣，有賣嘅最平係598。

當然更廉宜係淘寶，479RMB，折合港幣應該500出頭，香港包郵。

盒嘅正面和反面，masked嘅係barcode 同serial no.

跟住本體用紙包住，無膠紙，環保好。而家大公司都齊齊減廢，內包裝膠紙真係唔係咁必要⋯⋯

不過不得慨嘆，包裝嘅工業設計都係蘋果做得好⋯⋯其他電子消費品嘅公司就係差啲啲，唔係咁爽。

鍵盤本體和Apple watch SE 大表面版本之間嘅對比。若果你唔知幾大，可以去Apple store體驗下11寸嘅ipad with magic keyboard，呢個鍵盤嘅鍵位佈局和大小約等於11寸的magic keyboard。應該Logitech設計嘅時候都係有意識地仿照iPad 11寸而設計。

側面睇的確幾輕薄下，而且有做出斜度。

快速切換嘅說明書。可以人手強制切換Mac/Win佈局，不過mac win本身會正確識別，如無問題一般不用特別改。跟住比較刁鑽係電池用鈕扣電池都算⋯⋯而且要6角螺絲批⋯⋯

先講大細和手感。正如上面所講，KeyToGO2 其實係相當有意識仿照 10/11寸嘅iPad用嘅magic keyboard所設計，所以整體佈局、大小和手感算係相當接近。不過始終係Logitech嘅產品，所以上方3個按扭直接變成3套裝置配對嘅切換，長按會進入對應嘅配對模式；跟住按鈕手感比起之前嘅K380好咗唔少，不過對比蘋果嘅⋯⋯唔，始終差啲。不過如果對比淘寶啲幾十蚊鍵盤，還是好想不少，加上比起K380之類細鍵盤來講鍵位面積大咗，所以打字手感適應一下其實幾舒服下。

之後嘅係電池。正如上面所講，電池係用CR2032，呢個選項有啲小眾，可能為咗最細化個size，從AA電換成鈕扣電池。不過比較奇怪嘅係打開電池倉嘅螺絲係六角螺絲⋯⋯Logitech官方話 up to 36個月電量，我哋即管睇下。不過我覺得超過1年先換一次都ok可以接受了。

因為係比較新嘅device，所以理論上仲可以係蘋果全家桶嘅裝置上睇到剩餘電量⋯⋯至於準唔準⋯⋯日後補充。

跟住自帶個cover，不過真係只可以做cover，冇得話45度放個ipad/iphone上去，真係只係鍵盤嘅cover，方便放係袋時唔怕刮親。而且個cover跟住鍵盤就唔怕唔知塞咗去邊哈哈。

不過有又好過冇嘅。

跟住可以講下，如果你下載咗Logi Options + ， 嗟係Logitech個Offcial嘅 Mac/Win App，可以config上排從快速配對按鈕往右嘅按鈕：

可以設定嘅按鈕操作啲乜，亦可以整啲“Smart Actions”⋯⋯姐係Logi版嘅巨集咁。Application就係開App/關App/HIde App之類；Keystroke就係copy你跟住嘅key press；text就係直接ooutput輸入咗嘅字串；System係其他嘅key；

反正我係唔打算改的⋯⋯但係如果你有1-2個鍵唔會用（例如亮度？），可以自己試吓program自己嘅func key嘅⋯⋯

而且安裝咗會有個神奇嘅bug，如果你把cap lock設定為中英文切換，短按會係切換，長按係cap lock原本的大細寫切換。但logi options+ 安裝之後有一定機會 會短按自動變長按。解除安裝可解決。

所以如果你有customize需求，不如試吓第三方嘅app：