大家好，久違3年一次嘅雪娘換iPhone時間鳥。最近去完北海道返來又到3月發佈會，蘋果發佈了（大約）3年一次嘅廉價產品線——iPhone SE嘅升級，不過由於價錢問題，為咗改變expectations，所以新一代嘅SE唔SE，叫做iPhone 16e了。

雖然叫做16e，但事實上外觀係iphone 14嘅外型，並精準切割了一些「非必要」嘅功能，但同時又加咗一些16嘅特點，甚至電池容量比16多但又比16pro少。

以定位而言，16e更接近係一次過取代14和15，讓SE3 or 11/12或更之前嘅用戶升級上來更有感，同時把輕度用戶唔在意嘅功能去除內降本增效。同時根據Target Users嘅特點，通過閹割1粒GPU+把節約出來嘅空間上咗粒更大嘅電池增加續航，使得目標用戶能夠享受佢哋在意嘅嘢。不得不佩服添曲總裁真的刀法精準。

雖然16e叫16e，但若果你把16e同16比嘅話，16e會係：

聽落好似cut咗好多嘢，但係如果你換個角度，從14睇16e嘅話：

若果你好似我從SE3轉會嘅話，16e更似係大升級：

首先，我之前用嘅係iPhone SE3，同時有iPad Mini 6同Mac Mini M1 8+256GB，睇呢個combo大概估到就係其實我唔係咁需要upgrade咁多嘢，更多時候係just work其實就足夠，甚至係蘋果三大產品入面最平嗰款已經夠。

而以SE3作比較嘅話，很明顯地優點會有：

跟住係一啲比較個人口味嘅考慮：

跟住有啲無嘅嘢：

經典嘅3481紙皮箱

開！

開來見我！mon貼從純膠變咗紙but膠紙塗層，為環保，好。

盒內除咗一疊無人睇嘅廢紙之外，就係一條 C-C線同sim卡針。

之後搵埋部舊機一齊就可以setup返部新機鳥。

之後就係等待嘅時間，等待完之後就係漫長嘅各種apps登入了⋯⋯

簡單試咗下，可以以此反推返續航。

12:33到19:28大約7個小時，消耗咗 100-63=37%電力，再把7*60=420 分鐘，即每%電力可以用 420/37~=11.3513分鐘，反推返即係1135.13分鐘for 100%電力，即大約18.9小時，一般而言足以用一天鳥。

我原本唔係好想寫呢part⋯⋯但有朋友問就寫下。冇錯，就係16e當中多數人冇乜感覺，科技愛好者會攞來講嘅應該係蘋果自研嘅新基帶Apple C1。其實用起來唔會覺得有太大嘅分別，儘管如此，蘋果開發咁長時間先出自己嘅基帶，與其話係能力問題，雪娘我更覺得係要繞過高通專利但又要有塊差不多效能嘅晶片先係佢難處。但無論如何，Apple C1已經喺度。

參考極客灣嘅評測，你會見到Apple C1效能大約打咗9折幾，實際使用無感嘅程度，但同時基帶嘅電力消耗減少咗20%+，唔少媒體都會寫巨大提升，但如果你佢哋嘅參考5G測試：

其實整體而言係有所提升的，和16比較明顯長咗續航時間，但有冇話好壓倒性？無。而且從7小時變成接近8小時嘅續航不單是C1基帶嘅功勞，更多其實係包括電池容量、少咗1粒GPU等嘅多種因素堆疊的。

參考上面嘅拆解圖片見到，基帶和鏡頭減少咗嘅空間使得蘋果可以塞入更大嘅電池同時保持同樣大小機身，呢個亦係我對C1基帶嘅評價：其實C1無咁大影響和提升，但同時影響又可以好大；C1嘅影響唔係話呢代機如何，而係蘋果終於有自己嘅基帶晶片，意味著未來可以有更大空間去塞入更大嘅電池or其他元件。並且，可以與其蘋果可以直接做到按Apps嘅不同分配不同嘅速度/波頻限制，甚至可以根據位置訊息動態調整訊號廣播嘅間隔。呢啲微細嘅細節最終可以更好地壓榨其性能好能耗比，而呢一切要做到首先蘋果要真係自主可控嘅晶片——而C1嘅就係可行性嘅證明，係iPhone歷史嘅新篇章。至於具體嘅haau

使用體驗⋯⋯整體係必然比SE3好的。

首先電量嘅提升可以日常使用唔太需要有電量焦慮問題，反正正常用唔打機堅持到收工唔係咩問題，真係要打機⋯⋯公司實有得叉電得，你唔係公司通常做外展唔會有心情打到機的，象徵點配個5000或者10000毫安。

其次，螢幕和機身比起SE3大咗一圈。不得不說螢幕大咗之後睇嘢轆FB係爽咗，跟住返回主頁面/切換App嘅手勢亦更直覺，不過唯一缺點係手細難以按到左上角嘅位置，要花點功夫先按到（可以改變手拿取嘅位置or homebar向下滑手勢可以把畫面上半部縮落來操作）

跟住Screenshot操作從電源+home改成電源+音量加，可以單手操作截圖了。動作按鈕改成相機之後亦方便唔少。除此之外，動作按鈕改成翻譯亦幾優雅下（按住錄音，放開就自動翻譯；自帶語言辨識所以旅遊之類翻譯場景ok實用）。

至於Magsafe充電問題，我個人係帶咗個套去解決。不過如果套太厚其實會影響手感，單手操作會特別明顯，如果係咁嘅情況之下建議帶個背貼再DIY個淘寶嘅magsafe磁石圈上去。

總括而言，蘋果出品基本係信心保證，用落其實冇乜大問題。而之前比較多人會擔心嘅C1晶片，你真係同其他iphone比較當然效能較差，但係如果你單獨用，就算效能打個九折其實冇乜覺，反而電量嘅增加可以影響整個出行嘅流程/模式。

所以你問雪娘我呢部手機適合乜嘢人，我覺得適合要求唔高，手機主要功能都係影下街景同美食之類單純紀錄生活，同時上下TG whatsapp 之類，把手機單純當生活工具嘅人。

不過部嘢始終搭載A18（雖然少咗粒），打而家流行嘅手遊其實毫不遜色。