玩Master Duel開始發現多咗好多人懷念舊時，覺得而家環境好快，來來去去都幾副Deck，喐啲手坑卡得準就乜都做唔到好無聊。
但我覺得，而家環境雖然加速好多，但相對地環境其實友善咗，尤其對二三或者四線Deck。加上Master Duel係BO1賽制，唔怕被針對，所以落嘅大家都會落泛用一點嘅坑，除非超主流否則唔會被針對的。而且Fuck Draw咪直接下場，只要勝率唔好太低，基本上白金1係時間同次數嘅問題。而坦白講因為手坑嘅加持，一啲非主流嘅展開Deck反而有機會用手坑卡到對面做唔到嘢/count 對面嘅坑輔助展開，講真我玩純閃刀時候就發現，經常會出現情況就喺卡死曬跟住只能1500點嘅怪跟住慢慢Beat死對面（其他動作卡被手坑卡死曬）。
更加唔好講，大家對舊時嘅Deck有個很大嘅誤解，或者話太多人可能太老，美化咗自己嘅童年，或者根本唔知以前嘅環境係點，自己同朋友玩嘅環境就以為係以前遊戲王嘅環境。事實上真係要講，初代遊戲王係有着冥府逆轉、天施老艾、八汰鳥Lock、科學怪人呢啲放喺現代遊戲王都喺根本唔使旨意交流嘅超on9 Deck，到咗5DS仲有泛用嘅御用者2600攻人人都落3。之後仲有DT出之後仲有三叉特化Deck，當時手坑根本唔發達，真一卡展開嘅deck都喺唔係咁多，先攻叉你 起碼 3 - 5張hand跟住你你做啲乜？主流一點嘅有全盛時期嘅綠帽眾……打錯，六武眾、QDW之類嘅超展開Deck，當時手坑唔多嘅年代基本上抑止力很有限，順draw+先攻基本上贏咗半。
之後嘅Zexal超量嘅出現又把環境超加速，甚至牌組單一到2012年嘅世界大賽，前四名都喺甲蟲裝機。係，除此以外嘅Deck係之前淘汰曬。緊接其後嘅2013年好少少但亦係另一段黑暗時期，當時比賽基本上係征龍同神判Deck，兩者都喺基本上無限資源嘅Deck（征龍可以瘋狂堆龍族展開，而神判可以用晒魔法之後End turn檢索返同樣數量嘅系列卡再運用），當時除咗呢兩者之外，頂多就喺入魔呢啲meta beat可能偶爾有個先攻卡死對面，然後下一場。
但講真呢個時候就還好，到咗Arc-V年代先知糟糕。開頭Arc-V嘅P招基本係垃圾，後來K社為咗賣卡除咗各種強化舊卡之外，最大嘅震撼就喺搞出了EMEm。呢副卡最恐怖嘅地方係除咗當時係新興嘅手坑同Extra很貴之外，正編Deck基本上一堆N卡，我嗰時甚至把開盒嘅EMEm卡倒成一個牌組，一副成本200 - 300左右嘅（唔計Extra）Deck，基本上能吊打千元EMEm以外嘅大多數Deck，勁無聊又超級勁。之後更加出現了真龍Em，死咗之後又出現了EM威風，拉個風鳥乜都Counter得，係當時手坑新興嘅年代，非常之難過。當然，係EMEm或者EMEm真龍嘅全盛時期，都喺近乎100%採用率嘅Deck。
唔知喺咪ARC-V環境超加速讓K社看到新嘅可能性，到咗VRAINS之後環境更加加速，但亦開始出現了更多手坑，使得以前嘅猜拳遊戲變成了手坑檢查遊戲，無手坑嘅話很容易被OTK或者卡死但相對地有手坑嘅話只要你熟悉對方嘅Deck開啱位，大多數非Meta嘅慢Deck，都會因而卡死而過turn，使得一些二三線嘅展開Deck亦大有可為。好似我依家打MD咪一堆人攞魔術師、光波、老艾甚至仲有輸過比天氣Deck添（純閃刀，沒有fuck draw，純屬對面手坑超準確）。
我想講嘅道理唔單衹遊戲王，好多人都好鍾意復古覺得以前好，但佢哋嘅「以前」只係人腦自我美化咗嘅「從前」，係以前沒有咁多規則和對抗手段嘅年代，遊戲王環境可以話比現在更糟糕更單一的，但大家卻喜歡把自己同朋友嘅二三線Deck當作以前嘅主流環境來作標準，這也是很糟糕的。這點對遊戲王以外的也是適用的，香港也是不乏懷念以前，覺得以前乜都好嘅人。講笑就還好（有時我都會啦），但我見有啲人真係會奉「人類歷史最大嘅教訓就喺人類沒有從中汲取教訓」為金科玉律以此説明歷史沒有進步，今天嘅世界沒有更好嘅佐證。但我覺得，即使人類嘅歷史偶爾可能退步（可能幾十或者百年間啦），但overall整體我哋各方面包括自由民主人權科技發展各方面都是有着進步的，又或者説，大家會覺得王權時代會被科技寡頭時代更好？很多人幻想以前嘅話自己大概會係個領主或者地主咁當個浪漫嘅農家，但其實佢哋唔知佢哋返回以前嘅話，可能只係個負責生育嘅生育奴隸，而已。
以前定而家好？我會覺得明天會更好，喺咪啊，哈姆太郎。
知乎有人寫歷屆世界比賽嘅Deck，你哋可以感受一下：
醬汁：