阿里有5nm自主晶片?生產都喺要睇人面色。

Posted on Thu, Oct 21, 2021 科技趣聞
眾新聞 | 阿里推自研5納米晶片「倚天710」 亞馬遜、華為後全球第三家 專家:性能頂尖,惟未解決製造卡脖子難關

撰文: 中國組記者翁維愷 | 發佈日期: 20.10.21 阿里巴巴周二(19日)在杭州舉行的雲栖大會上,推出了最新自主研發的晶片「倚天710」,成為繼亞馬遜、華為之後,全球第三家自研ARM晶片的雲端服務商。 多家外媒表示驚嘆,《彭博》形容「倚天 710」是中國半導體自給自足的「里程碑」;《金融時報》就指可與西方最先進晶片相媲美。 ...

見到中國人無不振奮,但停停先,設計其實好多廠都做到,你見M$、Apple、甚至Google都搞自家設計嘅chips,但難搞嘅其實係生產,而生產嘅難關分兩方面,一喺生產用嘅光刻機,目前中國有嘅好似最新去到28nm製程;而另一方面係生產嘅良品率——即係你生產嘅chips入面有幾多塊係用得嘅,好似5nm嘅技術生產商有samsung同tsmc,不過tsmc始終好過samsung嘅原因係因為,samsung嘅良品率始終不及tsmc,遲遲上唔到去。

咁良品率上唔去會點?咪會影響最終售價囉。簡化點講譬如,大家投入了10000元生產100塊chips,咁你良率有95%,每塊chips嘅售價咪可以10000/95 去攤分,如果你良率低可能90%嘅,咁每塊咪可以10000/90去攤分。同埋你諗諗,機器嘅購買費用、設計等各方面,chips投入嘅唔少嘢其實係固定嘅(唔會因為生產量增加而增加支出)部分其實都唔少,大生產量+好良率先有助降低成本繼而降低售價繼而增強自家chips係市場嘅競爭力。

當然啦如果你好似阿里咁只係自用,咁……無嘢好講。不過儘管如此,中國自主晶片嘅進程依然有一段距離,若果阿里好似華為咁被制裁,咁呢啲設計文件只係歷史,花咗嘅錢沒有現實意義。當然,前提係會被制裁嘅話。