反Crypto唔係問題，畢竟現在Crypto實用有限，尤其在亞洲更加係。但麻煩大家質疑之前，讀下金融/貨幣相關嘅書先。有部分對於Crypto嘅質疑係好奇怪嘅，例如有啲乜呢？

好多人一講呢啲會撈亂咗內在價值和外在價值。咩係內在價值呢？要講好複雜，詳情自己wikipedia啦，簡單講就喺，重金屬之類嘅物質係好例子，除咗金融市場賦予嘅交易價值外，件物件本身都有佢嘅實用價值，但其實現代好多貨幣係無嘅。以前美金其實係金本位，美金嘅價值係基於黃金，而黃金係有佢內在價值。但後來美金脱離金本位，成為純屬基於信用發行嘅貨幣（無錯美金嚴格意義上來講係無任何有內在價值嘅嘢抵押架），所以現代貨幣系統理論上係可以無限增印嘅$$（理論上啦，實際上不停增印會出事，參閲舊台幣事件），但不停增印會導致價值稀釋，甚至會引起信任危機——人們覺得你會隨便就印，咁你啲錢嘅預期價值只會不停下降，不值得擁有而轉為其他嘅貨幣或物質。

若果而內在價值來否定Crypto價值嘅話，坦白講同法幣比較基本上都喺各有問題，而當中法幣最大問題係當經濟遇上問題，國家好鍾意以更多熱錢投入市場來拉起市場。但同時，呢種行為其實本質係稀釋緊大家手上嘅錢嘅價值，而寫政策嘅亦起咗個好好聽嘅名叫QE——量化寬鬆。

係，亦都唔係。Crypto暴升其實的確令到一啲週邊嘢嘅價錢急升，例如顯卡，人性當然係貪婪嘅，有錢實有人去賺，尤其係而家嘅價位攞張中高階嘅卡（即使係炒價入手）掘ETH真係一年半載（最多）實回本，之後就係賺。但大家諗下，個價係點炒起？你要炒，你都要有理由炒呀。

其實都喺疫情嘅錯。

首先，因為疫情，不少國家例如美國陷入經濟泥沼，裹足不前，唔少人持有更多嘅錢和資產，唔輕易花費來應對逆境。但對市場來講，咁嘅保守行為會使得經濟市場不活躍，錢無法好好流動嘅話會引起一連經濟問題。而為咗刺激經濟唔少國家都搞起QE或者類似嘅手法，希望幫市場打枝強心劑。傻豬見到會好開心多咗錢用，但醒少少嘅人會諗，強心針喺咪打一次？會唔會打多幾次？令到我嘅資產稀釋咗？所以面對經濟下行，傳統上有所謂避險貨幣例如日元。但係疫情下，不少傳統避險貨幣國家自己都唔多掂（日本咩情況你哋唔係唔知呀？），咁再走落去仲有咪金銀等傳統避險貨幣，以及新興嘅Crypto。上面講過，法幣理論上係政府可以隨便印（當然印太多會爆炸啦），但Crypto理論上嘅難度多好多，畢竟法幣係決策機關決定咗就印，Crypto要濫印基本上只可以靠51% attack，甚至乎大多非專有Crypto係出廠決定咗總量上限，就算點濫印都唔會超過上限。好多人揚言Crypto無價值，但坦白講，Crypto嘅價值同不少法幣類似，佢嘅價值係人賦予嘅，人們認可，就有其價值。而而家就喺因為很多問題令其有了更多、更廣嘅信任。

另外，對於顯卡價錢嘅問題，好坦白講，Crypto只係阻燃劑，係疫情大環境下根本好多chips本身貨都唔夠派，根本係物流同supply chain無好好運作。一條supllier chain橫跨全球多國，無事嘅時候當然利益最大化，有事嘅而家咪呢度塞兩日嗰度塞兩日，最終導致大家齊齊塞到無貨囉。早好多年都有啲反全球化嘅人講過呢啲問題，我諗緊係幾多人明白明白在地生產嘅重要？生產鏈本地化、近地化嘅重要？全球化下嘅廉價係有代價架，而而家大家比緊代價，囉。

啦，呢個可以啱，亦可以錯。首先我本人收錢當然無奈地係法幣，但我之下有幾名幫手嘅程式員，我係有提供以Crypto遞送工資的（因為有啲無香港户口的，要跨國轉賬真係Crypto勁方便，而且平手續費）。當然你可以話你哋都喺IT狗更係接受啦。但其實我想講係，亞洲可能爭啲，係傳統嘅西方不少國家其實正其實有不少舖頭嘗試接受Crypto作為支付方式而接受的。而因為BTC之類交易時間比較長，甚至一些大型嘅交易所例如Crypto.com各自有自己嘅Crypto Pay去收錢，減短支付所需時間後以Crypto和舖頭結算。而為了進一步覆蓋舊有嘅支付網絡，甚至不少交易所做出Crypto嘅Visa/Master嘅Debit Card，可以簡單係App入面把自己嘅Crypto轉成法幣消費。當然以法幣支付係受限於法律限制，係有限嘅限制中，其實Visa已經開始搞以Crypto嘅USDC作支付和結算貨幣了：

當然你可以屌，屌咪又係最後和美金掛鈎？當然我覺得都要承認而家嘅規制下，最後不得不都喺法幣嘅一部分。但你諗下嘅係，即使如此，不少金融機構和銀行都開始摸索，或者應該話已經開始實際嘗試係自己既有業務中應用Crypto嘅一啲技術了。例如利用Blockchain來幫自己做數簿，例如嘗試利用Crypto進行跨國轉賬來節約費用，甚至乎推出自己嘅Crypto，例如數位歐羅。

坦白講，Crypto而家仍然係起步期，大家都喺摸索緊Crypto可以做啲乜，可以應用落啲咩。甚至乎Crypto嘅Blockchain技術應用了不少非貨幣領域，例如一啲合約嘅簽訂，例如數簿嘅管理，甚至乎例如保障言論自由：

正如大多數嘅草創時期嘅嘢，Crypto仍然處於成長期，正如其他處於成長期嘅嘢一樣，少不了一啲嘅炒作。但鵝亦希望大家攝高枕頭諗清楚，難道炒賣件嘢，件嘢本身就會因此無價值？好多人覺得炒賣不具生產力，應該予以封殺，或至少加以限制。我認同一半，亦不認同一半。先不談限制或封殺嘅權力係邊個有，具體條文係點限制，甚至乎會唔會因此限制了人們嘅自由。我不認同嘅係，我覺得炒作本身係一個猛烈嘅催化劑，不論好壞，把一樣事物推到一個高位，推到一個極端，促使更多人不得不正視，不得不面對，並從中汲取有用嘅部分待炒作完後繼續運用，多餘嘅，就交給那些貪婪但又愚蠢嘅人消化代價吧，某程度上，咁亦可以淘汰一班蠢人。而最後，我哋嘅法律和金融體系亦不得不面對如何應對Crypto嘅問題，不論好壞，至少我哋不能再無視佢嘅存在了。

最後打個自己舊文嘅廣告，多多支持呀唔該。