[香港政治評論]
華人社會好多呢啲事情……但值得慶幸嘅係，我老竇其實唔多理我做乜，要做乜自己諗，佢比得起錢通常都肯比。當時小學三年班嘅時候，我老竇已經買咗部電腦比我，當時老母擔心我會打機而唔讀書（雖然大多數都係攞來打機就係，當時還得最多就係夢幻西遊啊），但老竇始終覺得，多睇、多想，生命嘛，會自己搵到出路嘅。
當然由細到大我雖然唔係話咩言聽計從嘅小朋友，但我很多時候比起同年齡嘅人比較識諗嘢——大概仲係論壇&MSN年代嘅時候，我其實都幾熱衷打各種OLG同活躍於各種羣組，對很多事情都有自己嘅見解（當然未必都係啱），因爲網絡嘅匿名性，當時好多人都以爲我係大學生/IVE仔（因爲不時提起返學放學），而其實當時我只係初中生（笑）。
我講呢啲係咩呢？其實我以我自身經驗勸大家，放過小朋友，比佢自由。不少父母會把自己嘅遺憾和願望投射小朋友，把他視作自己嘅延伸來培育，但佢哋都忘記了，佢畢竟係獨立嘅個體，有自己嘅思想，有自己嘅價值觀，而更重要嘅係，任何人都會把自我放到最高，尤其係小朋友有佢嘅傲氣，所謂初生之虎正是如此。極權嘅管治只會帶來極端嘅反抗，每個人都希望被尊重、被重視，但若果溫和手段唔得，那就只能選擇粗口相待、砸Camera甚至心生殺意（可能係自己或者父母）了。所以，真的，唔好把自己嘅遺憾投射落小朋友度，你覺得好嘅嘢，小朋友其實根本WFC。你話想保衛粵語，ok，但唔好迫小朋友非要講粵語不可，會有反效果嘅。
而對於受苦受難卻毫無出路嘅小朋友，我一如以往樂意聘請或轉介各類IT狗工作，忍到可以工作嘅年齡就離開屋企謝絕聯絡吧，既然你改變唔到佢，離開，或許都係個解決方法，至少，你仍然活着，而且活得更加好。