我見到有篇好juicy嘅文章，但諗唔到咩好長嘅comment，所以翻譯埋湊字數，簡單comment係後面。

===== Translate, ON! ====

歐盟委員會提出新嘅「規管議案（Ruling Proposal）」，要求所有手機及其他電子設備必須有USB-C口以供充電。該議案目的係為咗減少仍在使用不同且不兼容接口嘅電子設備之間而造成嘅電止垃圾和對消費者嘅「不便（inconvenience）」。同時，委員會仲希望製造商把充電器和電子設備嘅本體分開銷售。

歐盟亦表示，在過去十年中，已經同業界合作，成功地把手機充電器嘅數量從30個減至3個。其中一個係在歐洲有20%市場佔有率——蘋果公司嘅Lightning 接口。根據歐洲數字時代（a Europe fit for the Digital Age）嘅執行VP， Margrethe Vestager 嘅聲明，歐盟希望改變呢種情況：

舊年，歐盟對通用充電器進行投票時，蘋果發表聲明話該議案將「扼殺創新」，而佢嘅立場亦沒有改變。蘋果發言人對BBC記者話：「我哋擔心嘅係，強行監管只要求一種接口/連接器會扼殺創新，而唔係鼓勵創新，而會因此反過來傷害歐洲同世界各地消費者。」

然而，自iPhone12 推出而來，蘋果公司已經停止係包裝盒中提供充電器，據稱因此而節省了約8.6萬噸銅、鋅和錫。但同時，蘋果因為USB-C支援更大電壓嘅供電，蘋果公司係最新嘅Macbook及部分iPad型號使用USB-C，而非以前嘅Lightning。

而包括三星以及其他公司在內嘅Android智能設備都已經使用USB-C叉電，並且好多都不提供了叉電器。僅舊年一年，歐洲就售出咗約4.2億部手機以及其他嘅便攜式電子裝置。而據彭博社嘅報道，歐盟每年丟棄1萬2千噸充電器，其中一部分甚至未曾使用。與此同時，消費者花費在不包含設備中嘅獨立充電器——即另行購買充電器共花費合共24億歐元。而有關法案仍然係處於提案階段，需要歐盟嘅立法議員以及政府嘅通過。如果通過到嘅話會在兩年後生效（翻譯備註：有關法案有兩年嘅過渡期）。

===== 翻譯結束 =====

講少少嘢啦，首先影響，坦白講，除咗蘋果之外基本上影響不大，因為一些食電嘅例如PC或者PS5或者Xbox之類基本上唔可能唔用AC/DC供電，而睇返個範圍七除八扣剩低嘅除咗蘋果都應該冇乜……真係要講可能係有啲好舊嘅電話或者週邊設備（例如舊嘅充電式藍牙鍵盤）可能會仲用緊Micro-USB吧，但呢啲真係好少，我諗有兩年時間嘅話足夠清貨。所以咁嘅情況下，影響最大嘅會係蘋果公司。

首先而家蘋果有咩產品線呢，我哋可以數數：

備註文章：

AirPod充電速率測試報告（不超過5W）

AirPod支援2V2.4A，可以用12W嗎（答案：可以但官方不建議）

整體嘅情況係噉啦，你可以見到，除咗AirPod、iPhone系列、Ipad無印同佢枝筆外，基本上唔係祖傳5W嘅專有接口，就喺USB-C了。跟住你拉一拉iPad類，你會見到有30W、有35W但送嘅都喺20W，Macbook都喺類似嘅現象……或者咁話，支援快充嘅基本上USB-C都會送比實際較低一點嘅充電器，應該係蘋果公司純屬為咗保障充電安全、發熱等多方面嘅取捨。但同一時間你會發現，Lightning基本最多就喺20W，我諗啦，可能呢個就喺Lightning嘅樽頸位（蘋果公司唔係好想改進，畢竟專有嘢來）。當然良善一點諗，亦可能係Lightning嘅話可能做到更薄——USB-C嘅話裝置位嘅高度會厚一啲啲，你自己比較一下，Lightning係一塊正反面金屬接點入，每面得8PIN而且得一面可以用。

而USB-C最多支援24PIN，每面各12PIN，同時亦可以支援12PIN（為咗兼容USB2），或者6PIN（for充電only，無data transfer）。我唔打算去講USB-C同Lighting每個PIN有咩用，點分佈啦……我最後會補幾條講解嘅Link，有興趣自己去睇，但講到最後嘅係，Lightning基本上係同 USB2.0差不多時代搞出來嘅嘢，而且因為各種限制所以你會見到佢嘅峯值其實相對有限（不過講真，Lightning有USB3.0傳輸速度已經好勁）。

蘋果話限制接口會限制創新，但在我嘅觀點來講，正正因為各種原因（例如lighting要裝載蘋果chips去比授權費），導致了蘋果公司係單一接口上發展嘅停滯不前，否則蘋果公司不用為了Macbook / iPad 等Notebook或者Tablet裝置嘅現實需要和充電功率而改用USB-C，而這點亦係相對地iPhone / AirPod堅持用Lightning嘅原因（iPhone因為功率唔高，20W足夠。而Airpod……唔好玩啦5W都無嘅嘢就求其啦），而家蘋果話創新？你問下大家覺得三星、索尼、甚至谷歌、華為等公司及Android系統創新啲，定喺蘋果創新啲？先不要談小米華為啲on9企業好了，單論其他大牌子嘅旗艦機，40W+係基本，65W都好常見下，最多係samsung可能因為炸過有部好似從45W縮返25W……都喺多過蘋果。咁蘋果你講乜嘢創新呢？你專有接口都不及開放接口，請問你講乜創新呢？我都未攞埋啲USB嘅讀寫讀寫速度來計了……哦，大概蘋果有一點真係創新過Google嘅，iPhone嘅Safari 係支援extension，而Google Chrome仍然未有。

所以，我非常樂見歐盟搞呢啲左膠法例，講真曾經嘅蘋果係創新和穩定嘅代名詞，係Android混亂橫飛嘅年代，iPhone真係個好好嘅手機產品，可惜年月過去，曾經嘅領頭羊成了老屎忽，真係時代變了。

好啦咁如果係噉，蘋果固然嘴炮啦，但係蘋果喺咪咁鐵板一塊呢？我不太覺得會係咁。首先你睇到扣除配件真係冇得講，真正仲用緊Lightning嘅裝置其實只得三部iPhone以及一部iPad無印，首先iPad無印本來就喺廉價嘢無乜好講，而iPhone算係蘋果最賺錢嘅Product，如果歐盟真係過到，蘋果就算嘴炮都會乖乖咁轉，就好似之前Google被強迫分錢比報社咁。即使過唔到，係通過之前蘋果公司一定會諗定Plan B to USB-C，加上效能嘅增加，相信蘋果會認識到限制後台都喺有極限嘅，我要加W數來維持手機嘅功能啦JoJo！！！！！！

咁講啦，雖然損失Lightning嘅授權費很可惜，但講真要擁抱開放嘅USB-C，對蘋果亦唔係咁不可接受嘅事，説不定真係過咗，打下官司，最後蘋果可能又會忽然成為環保生產商了。哦，如果能以此淘汰蘋果嘅USB就更好，用過都知，蘋果嘅Lightning極其脆弱，標榜環保卻因為不耐用/難用變得更浪費，就喺呢啲。另外有啲人話會cut 叉電port，但其實咁唔work亦唔係好符合條例，更有可能嘅係，蘋果可能會為咗符合法例有齊兩個port，Apple搞一個Lightning Port，最多20W，一個Type-C port，不過downgrade落USB2.0+最高5W，USB-C啊啦！

另外好多會鬧蘋果移除了隨機附送嘅充電器，但你睇返歐盟嘅話，其沙歐盟同一份議案係支持嘅，歐盟亦希望把充電器同裝置本體分開銷售，根本原因就喺呢點導致每年好多充電器被浪費，好似報道咁講當中好多根本未用過，尤其有啲人好似我咁會買支援快充嘅1開N嘅火牛更加係，基本上跟機嘅火牛無用，得一個port，唔好玩我啦……Apple應該認真諗下轉型，變成更有包容和具開源精神嘅公司，你睇曾經封閉嘅M$，而家幾成功，幾受開源社區喜愛。

#堅決擁護全力支持歐盟有關決定 #至於Windows就依然不了

歐盟新聞稿：