唔好攪亂澳門！！！！！！！澳門人好有人情味架！！！死港燦唔好搞港獨唔好反中呀！！！！我哋澳門人最愛國愛澳架！！！！！！！
好啦其實，我都因為各種原因（主要係工作），都識得一啲嘅澳門人，你話佢哋愛國親中，其實又唔會，好多其實只係想揀條輕鬆嘅路來行，想花時間搞業務多過討論政治事情，畢竟，每個人總覺得政治離自己很遠，對吧？
話雖如此，其實可能因為我係因為公務識嘅，有唔少本身讀英文多過中文，係逃犯條例修訂風波嘅早中期，我有幸去澳門有面談一些工作或合作機會，因為本身係fd介紹fd，所以可能因此氣氛都比較放鬆，有啲澳門人都會用種八卦心態問對修例事件嘅起因同諗法，我也只是把個人意見如實相告。
而當你溝通到嘅話，其實你都會覺得，其實佢哋都對現況表示理解但也無奈，當時也有人表示羨慕香港嘅社運「搞得起」（我真係震驚到不得了，我一直覺得香港社運界浮浮沉沉咁多年都垃圾……但用澳門標準睇香港社運真係算係咁so9sad），跟住話我哋澳門搞咁多年咩咩地方嘅咩咩水渠都未得，咩咩地方條路無王管搞到衞生唔嘚之類嘅問題。
其實澳門而家嘅和諧比起香港或者中國本土都十分不穩，畢竟澳門最大問題係基本靠旅遊、賭場及其關聯產業，只要賭場唔嘚，連鎖效應會導致澳門經濟衰退，而事實上據澳門友人所言，其實而家澳門賭場嘅福利同人工漲幅早已不及以前，不少澳門人都擔心萬一有外因導致澳門經濟急速下滑，以澳門狹窄嘅產業結構足以齊齊BOOM。而令佢哋擔憂嘅係，似乎澳門政府及澳門議員都喺認為佢哋可以長揾長有，一些產業轉型都喺形式主義嘅嘢。
當時亦有個儘管意見相左但仍羨慕香港有民怨至少能遊行示威，可以公開表達和政府相左嘅意見，而不怕報復。畢竟我哋都知道，不讓羣眾表達不滿不是代表沒有不滿。
這點澳門人不少都深有體會。
然後下一個十年，大概輪到香港人也深有體會吧。
（苦笑）