曖昧的藝術——評中國特色嘅政治玩法

Posted on Tue, Dec 1, 2020 香港政府 時政評論
Hong Kong's Courts Are Still Independent. Some Want to Rein Them In.

The judiciary is crucial to the city's status as a global hub for trade and finance. But the Chinese Communist Party has been gaining more authority over it. HONG KONG - They were arrested on one of the most violent days in Hong Kong last year, when protesters threw firebombs at the main government offices and set a barrier aflame outside Police Headquarters.

我係忙緊project嘅小息時,拎津路飲期間碌下Telegram,見土豪S share NYT嘅評論講香港司法有險可守,跟住又有人笑OMDB,跟住一面倒鬧香港司法過度愛國/唔愛國,真實在可笑。

其實我覺得,面對愛國主義嘅新形勢,香港司法其實都嘗試摸索、接受現實之餘,亦維持司法獨立。咁點做呢?就係把案件分成一般案件和政治案件處理,一般案件就一如既往處理,而政治案件則按中國邏輯處理。

呢種double think嘅玩法畢竟係無規則之下順從規則、接受現實嘅一種妥協,本身就好難話對錯,甚至乎唔咁玩嘅話司法可能仲糟糕。但噉樣嘅妥協並沒有令任何人滿意,任何人都不滿意。在香港人嘅角度而言,相當部分不滿意司法系統作出此等改變,因爲相當部分香港人仍然沉迷於香港係「民主自由嘅國際城市」嘅大框架之下,始終無法接受香港嘅衰落和中國實際上已經殖民/侵略/同化/再教育香港同香港人,佢哋會覺得任何退讓會係衰落嘅開始。

(而中國化=衰落已經牽涉價值觀嘅判定,並非必然事實——雖然而家係事實衰落緊,但中國共產黨並非唯一嘅原因,有人問先暢談。)

另一方面,強權嘅中央政府亦要求法庭要基於國家利益和愛國主義作出恰當嘅判定。但咩爲之恰當呢?

「有乜講得有乜唔講得你劃條界講清楚得唔得」

「這個嘛,也不好說,你也懂的……國家的政策嘛,還是要看人大嘅決議」

「那麼人大能出個判決標準邊啲係國安邊啲可以正常判嘛」

「這個嘛,要看案件詳情,有時候可能這樣也可能不是……」

「(拎出具體案例)咁呢個案件按照呢個同呢個標準就噉樣判啦。」

「這個你的判決和對法律的理解就有偏差了。」

「那麼正確嘅理解方法係?」

「永遠遵從、捍衛黨和國家的利益,始終把黨和國家,以及領土完整等理念。」

——就咁,中國共產黨及其黨羽就係玩呢啲,唔講清楚,你自己諗啦,收得緊佢咪賺兩句你,收得唔夠緊啦喎,你就係千古罪人。咁講清講楚得唔得?——得,你判咗先,唔啱我先推翻。而到呢度,如果你覺得有問題,恭喜你,你係正常人。而如果你唔覺得有問題,亦恭喜你,你可以係跟住落來嘅香港新秩序下成爲被收割嘅幸福生菜仔。

所以,在批評啲咩錯誤理解法例之前,好心國家講清楚,寫清楚規則——而黨偏偏不會講清楚,畢竟這也是中國政治嘅根本。事情不說清楚,弄得怨聲載道,就攞國家大義壓人,批評人地干涉內政。——啊哥,寫清楚規則得唔得啫?

得,我知唔得架啦。