Hi，大家好，我係窮L，最近處理緊啲project嘅prod，撳一次掣跟住就起碼等十幾二十分鐘跟住就又試，遇到有新bug，改完又㩒掣，等十幾分鐘……所以其實都幾無聊，加上NGS要下個禮拜三先開……sad。

跟住研究緊有咩財富增值嘅方法，最簡單就喺買定期，講真對比法幣個倍率唔錯，而且穩定，不過，對比市場嘅波幅真係唔算高。

所以在無無聊聊之下就研究緊玩自動交易，因為好多交易所受限於香港嘅垃圾法例不能對香港人直接提供交易所服務（例如我主力嘅Crypto.com wallet），所以我就諗喺咪可以靠著Binance嘅API可以寫到自動交易嘅ROBOT。

不過實際寫咗之後發現畢竟係program仔，要改數字比較煩，如果要方便改，勢必又要搞個user panel，一搞又係個大工程。跟住其實用交易所咪幾好，因為Binance好似都終於有爬格仔了。最後我而家用緊嘅係台灣嘅Pionex 派網，基於Binance 嘅交易所API創建，叫做係台灣算係大牌交易所，比起嗰啲專業走佬/不能套現交易所好得多。

如果你要註冊 Pionex 可以用 我個邀請碼 hlYXK3kc 申請新賬户，或者經下面嘅鏈結註冊。

註冊好之後可以去充值到揾到自己嘅地址，轉錢入去。

為咗避免打錯可以有qrcode scan to pay。

轉賬好之後可以等錢到，等到咗之後可以交易。

Pionex有個預設嘅自動規則，唔識嘅話直接用AI策略都唔錯。

當然你可以自己手打規則啦。記得留意嘅係每種交易同唔同幣種會有唔同嘅最低交易限額，轉賬之前要留意夠唔夠錢。

不過咁，交易方式都比較多，好多人都未必知每個點玩，所以我可以簡單講下我玩過嘅玩法。

其實原理唔算複雜，首先要知道crypto世界都有期貨，而且有種期貨合約叫無限合約，字面上嘅意思就係噉，無交貨日期嘅無限期合約。之後因為crypto係有大量做多方，所以很長嘅時間內期貨嘅價錢係高於現貨嘅，所以同時買入市價嘅期貨同現貨，基本上係可以賺到期貨嘅利息同好大機會賺到價差嘅。所以投入嘅錢年利率大概1x - 2x%，對比瘋狂嘅crypto大市而言唔多，但勝在相對穩定，以及比起普通理財產品有較理想嘅利潤。

又稱爬格仔，理論最簡單嘅一款，但風險跟隨crypto大市波動，唔可以話係咩低風險嘅投資。理論係咁嘅，你set 最高價同最低價，跟住根據最高價或者最低價，再按等比或者等差嘅方式分為x個網格，當跌落下面嘅網格時就會買入一格嘅預定價錢，當升嘅時候就會把低於呢個嘅其中一格放出套利。優勢係升跌嘅波幅越多次嘅時候就賺錢，但最怕遇上連跌噉就會被套牢直至反彈。

Pionex首頁嘅GIF我覺得好好解釋咗點運作嘅：

利潤來講以過去一年求其年利率都可以過100%，所以可謂話對個crypto大市嘅直接投機。好多人會直接投個大市，但係佢跌爆/升爆之前，你唔知幾時係高位/低位，所以與其追高/低，我覺得不如爬格仔等佢24小時慢慢跑。

啊係啦，網格仲有兩個變種我玩過嘅可以講講。

爬格仔嘅變種，就喺唔set高低線，總之跌就買一份，升就放咗佢。風險會更高（因為可以瘋狂下跌）但盈利亦會更高，短期暴跌會好傷不過長期如果係升嘅話其實都和味。

基本同普通爬格仔類似，不過把最高同最低嘅線拉得勁開（例如ETH/USD嘅話可能拉1000 - 10000之類），基本係長期投資做退休金嗰啲嘢，因為夠長所以只要長期係升嘅基本係賺嘅，缺點係短期波幅會比較無咩感覺（因為格仔會比較大未trigger到），適合FBK嗰啲ETH as 退休金嘅人。

呢個係Pionex新嘢，原理都算易理解。例如你想同時賺A幣同B幣，而且兩隻幣有相反關係，咁參考對USD嘅價錢，當任意一方下跌嘅時候就會賣出另一方買入自己，相反地一方急升就會放出並買入相對下跌嘅另一方。

優勢係你可以同時投資兩個之間波幅都高，而且對法幣嘅波幅比較勁嘅crypto，BTC/ETH 未必係好選擇（因為佢哋市價有關聯性），揀其他之間波幅高，對USD嘅波幅都高嘅幣會有更好嘅預期盈利。

當然，如果兩個幣齊齊仆街嘅話，咁，你都跟大市齊齊仆街啦唯有（笑）。

如果你覺得實用，請share。有問題想問/訂正嘅 ，FB揾我嘅Page 或者 PM我 Mastodon 。最後如果你想註冊Pionex試試嘅 請用呢條邀請鏈結：https://www.pionex.com/zh-TW/sign/ref/hlYXK3kc ，咁我哋齊齊有錢送。

最後來緊NGS禮拜三開始啦，可以來一齊玩，我係 JP 1船 嘅 「レンちゃん」，歡迎揾我玩。