其實我見FB好多人討論呢個事件，本來趕緊Deadline唔諗住寫，但諗下都有段時間無長文（現代定義多過一段即長文），所以簡單寫少少個人意見。
首先，我覺得大家要搞清楚嘅係，今次Pornhub被搞系因爲Pornhub上面有很多嘅內容係強姦，甚至係強姦未成年人甚至兒童，呢點我覺得即使係全員蘿莉控嘅白蘿國民亦不可……唔，好啦，至少對象係人類嘅兒童係不可接受嘅，更何況強姦？唔會有人話真實嘅犯罪係可以接受吧？唔會吧？唔會吧？而坦白說，我覺得今次事件與其話兒童色情乜乜乜，我覺得更大問題係，真實強姦嘅影片係Pornhub上流傳，難道係可以接受嘅？
其次，睇返NYT嘅報導，Pornhub唔係唔處理真實犯罪影片，而係因爲Pornhub具有下載功能，任何人都可以下載備份，而即使影片刪除了仲可以offline睇——呢度我知道很多人會話Download會係問題，但坦白講你網站唔比DL啲人就DL唔到咩？youtube-dl都生存咁多年啦。而實際上更大問題係，Pornhub比人下載影片之餘，原來ban咗一條片，可以隨便再upload返，而2020年啦，Pornhub原來係冇video fingerprint去直接阻止人再upload返ban咗嘅片，實在神奇。除此以外，亦反映Pornhub似乎無智能嘢去移除影片，而事事依靠人手處理。而這點，正正係問題所在，亦係Pornhub玩死自己嘅原因——刪除影片，啲人人手就再upload返，於是審查團隊不得不處理好多重重復復嘅影片，跟住loop到一個程度係pornhub冇辦法負擔爲止。所以，引入Fingerprint 辨識，跟住自動ban啲ban咗嘅reupload嘅片真心係重中之重。
而另一個都比較多人批評話Pornhub一嘢清曬個人upload嘅片，使唔使咁激進啊？係咪倒米？我又咁睇，藉着一個大危機，Pornhub果斷轉型，從雜亂無章嘅成人影片平臺，轉型成類似Netflix嘅商業咸片點播平臺，並建立詳細、流暢嘅支付方式，讓成人影片嘅支持者能更直接支持好的成人影片商，同時最大限度降低平臺牽涉真實犯罪影片嘅機會，諗成係盈利和營運模式嘅大轉型，唔係更加合理咩？
至於最後想笑嘅係一些自稱右派，自稱市場派嘅人。我覺得，今次Pornhub被信用卡公司和NYT逼宮係自由市場嘅體現，爲咗服務特定價值嘅潛在客羣，信用卡公司決定和佢哋嘅主要客羣以外嘅人羣切割，希望鞏固既有客羣，並且透過一連串嘅操作，提高自身嘅公關形象。而Pornhub，亦係隨着市場嘅轉變和不同人羣對成人影片網站嘅要求提升，遭遇了一次幾激烈嘅衝擊，使得Pornhub爲咗繼續於市場存活，而不得不順應時勢作出營運方針嘅調整。
而這，其實相當右派。
左派嘅做法係乜？直接強權介入（通常係政府），修例，成人網站要符合X、Y、Z嘅要求先至可以營運，否則直接收皮。
而你問我搞Pornhub嘅係左定右？其實我覺得都有，左派覺得要法管制，右派覺得咁叫囂嘅話市場就可以調節，Pornhub適應唔到咪收皮。
——而左右派嘅最大公約數大概係，真實強姦和孌童，真的不可取吧。