最後實質中國主導嘅自由貿易協定RCEP最後都係齊齊簽名。雖然歷史無如果，但坦白說如果唔係美國總統退出TPP，搞得TPP縮成日本主導嘅CETPP，恐怕RCEP亦唔會咁順利到簽名呢一步。
TPP除咗真係自由貿易之外，某程度上亦係希望維持美國主導嘅地位，令美國在國際貿易上維持着主要嘅影響力。而其他嘅盟友亦打算靠着地球最大嘅霸權國家搵食，同時一些週邊嘅國家亦希望減緩中國嘅一帶一路對佢哋影響。
但無啦，美國退出TPP，跟住日本主導但日本唔夠powerful，所以好多週邊國家甚至一啲美國嘅傳統盟友都基於利益走去東盟搞起、但實際已經係中國主導嘅RCEP。而靠着RCEP，作爲生產大國嘅中國亦可以憑着低廉嘅關稅從日本等晶片之類高科技材料進口，組裝生產，然之後傾銷到其他RCEP國家，而更大好處係以前揀供應商要諗關稅但之後直接從RCEP入面揀就得（反正0關稅），選擇多了，競爭激烈了而品質和市場價錢都會大執位，對消費者和廠商而言都係有益的。但對舊有霸權嘅美國或其他中國制度嘅受害者而言，卻係另一個故事。
不過無啦，都已成定局，大家都係諗定點樣同中國搵錢會實際好多，無限商機啊。而下面影片有詳細講解RCEP嘅前世今生，以及可能嘅影響，大家可以睇睇。