好榮幸有人覆me page，咁所以我都寫長少少啦。
對於性別平權嘅問題，有兩派，一派係兩性派，主張得兩個性別，把社會性別和生理性別混淆討論。另一派係多元性別派，主張性別多元化，覺得性別越多越好。當然我覺得都2021年，性別喺咪得兩個同香港喺咪得泛民建制一樣係唔需要討論嘅事實，但如果你問我，兩派都有佢嘅問題。前者古董，後者on9。
如果你問我，我嘅係主張去除功能上、實用角度上不必要嘅性別聲明 means 除咗交配、醫療及公平上嘅需要外根本不應該有性別聲稱/區別嘅存在。性別存在意義係咩？區分性別根本目的係交配，ok it is fine。但老實講，你去個廁所，分性別嘅意義係咩？所以我先話廁所更衣室應該不分性別，大家一個獨立隔間，大家唔使嘈。男人會偷窺女人，唔通女人就唔可以偷窺女人？唔可以男性性騷擾男人？你估啲男仔笑人J細，女仔笑人波大又唔係性騷擾？呀哥，呢啲犯罪行為來架，你唔花心機叫人唔好犯罪，阻止人地犯罪，教育啲人學識尊重人，而係草草把人分開兩類，我覺得只係逃避問題，只係好似見黑人好似高犯罪率，所以把佢哋隔離唔準佢哋入市中心嘅內在邏輯係類似嘅，bullshit。
而某些團體不應該以性別區分，呢件事本身就唔合理（男女童軍嗰啲）。你答我有咩實用意義？一男一女嘅小童軍唔通會一齊搞淫亂多P Party啊？小朋友本身處於成長階段，對於性別嘅問題，你唔敎，唔解，簡單分開有咩意思？好多時家長對於性別教育，性教育就喺咁，一喺逃避，一喺浪漫化，最黐線一啲係把性神聖化，咩初夜好重要，冇咗就冇咗，bullshit……對小朋友你走去禁止係無用嘅，你應該同佢講咁做會點，會有咩現實層面嘅後果，以及同佢講，sex ok，但唔打算生就帶好個套，唔好好似一啲老豆老母無諗清楚生咗個仔唔識教，就開埋啲垃圾組織教人應該點教仔。
而一些運動比賽例如奧運已經好多唔係而性別區分了，應該係話，區分男性定女性係用睾酮素等作為數值參考，而非單純睇你生理或聲稱性別架，means，廁所更衣室應該不分性別，大家一個獨立隔間，大家唔使嘈。而一些運動比賽例如奧運已經好多唔係而性別區分了，應該係話，區分男性定女性係用睾酮素等作為數值參考，而非單純睇你生理或聲稱性別架。
至於性別承認制度本末倒置其實，要性別平等最終極嘅形態就喺減少、最終消除性別嘅存在，搞承認制度係增加性別，走向嘅係性別多元，會增加實務性上嘅問題，例如好多搞多元性別嘅人好多時都跳唔出兩性嘅框架，廁所依然係男女同其他囉……咁你有十萬個性別唔通十萬個性別廁所？唔可能嘛，所以最後無性別廁所最好，句號。
請大家支持去性別化，無性別就性別平等，YEAH。