先上購買連結
官方MV：
歌詞
学校で友達の定義とか習わなかった
學校學唔到「朋友」嘅定義
人間なんて面倒くさい生き物
人類真係麻煩嘅生物
裏で何言われてるか分からないこの世界が
唔知人地係背後點話你嘅呢個世界
少し醜く私には映っている 係我眼中來講有啲醜陋 思いやりとエゴが天秤でゆらゆら
天秤係體貼他人同自我中心之間搖擺不定
君と出会ってからゆらゆら
同你相遇以來就一直搖擺不定
不法侵入 引っかき回す 非法入侵 製造混亂
誰でも良いわけじゃないのよ
唔係任何人都得架
共感も共犯も思わせぶりなの？
咩共感啊，共犯啊，係咪喺度挑逗緊我呢？
水を失った魚みたい
就好似冇咗水嘅魚咁
デリカシーもリテラシーも
慎重也好 素養也好
必要ないのかも
或者都係唔係必要嘅
求められたいばかりで醜い私
醜陋嘅我渴望被需要
天秤は傾いた 友達へ
而天秤傾向了朋友
平等で仲間外れとかない社会ってやつは
平等又不排外嗰種社會
どこにあんのさ？天国か地獄か
會係邊呢？天國？定地獄？
服を着た猿が猫背で画面見て火をつける
着住衫嘅駝背馬騮睇住熒幕點著咗火
笑い話さ
真可笑
私もその一人だ 我都係當中嘅一人
失望と期待が天秤でゆらゆら
天秤係失望同期待之間搖擺
君が触れた日からゆらゆら
同你相遇以來就一直搖擺不定
不正アクセス 致命的エラー 未經授權存取 致命嘅錯誤 友達って片思いじゃダメ？
唔通朋友就唔可以單戀？
忖度も束縛もめんどくさいでしょ？
揣測也好，束縛也好，唔係都好麻煩咩？
寂しさ誤魔化す兎みたい
就好似想掩飾寂寞嘅兔仔咁
プライドと見栄と壁で
自傲、虛榮以及牆壁
私はできてた
構成了我
認められたいばかりで卑しい私
想被認同嘅我係何等卑劣
見せられないくらいに真っ黒だ 裏裏外外都係如此污穢
自信作の壁が君のせいで崩れる
引以爲傲嘅牆壁因爲你嘅錯而崩潰
「ムカつくやつだな」
「嬲死你啊」
本当はぶっ壊されて嬉しかったんだ 其實心裏對牆壁嘅崩壞十分開心
誰でも良いわけじゃないのよ
唔係任何人都得嘅
共感も共犯も思わせぶりなの？
乜共感啊，共犯啊，係咪喺度挑逗緊我呢？
水を失った魚みたい
就好似冇咗水嘅魚咁
デリカシーもリテラシーも
慎重也好 素養也好
必要ないのかも
或者都係唔係必要嘅
求められたいばかりで醜い私
醜陋嘅我渴望被需要
それでも君といたい
即使如此都係想係你身邊
君となら 同你一齊 秘密の場所で会おう 係祕密嘅地方相會
翻譯筆記
思いやり
思いやり其實係名詞，意思係「體貼/爲別人着想」嘅意思，我Google見有人翻譯成「思想」真係得以。
不法侵入
字面上嘅意思，非法入侵，或者可以話擅闖民居啦。呢點牽涉到小說入面空魚同小櫻話佢以前經常去廢墟、無人屋玩而被話「唔係非法入侵咩」。
デリカシー
來自英文delicacy，對人有有「慎重、微妙」嘅意思，對物件嘅話亦可以話件嘢脆弱，慎重一點爲好。
リテラシー
來自英文嘅literacy，一般譯爲素養比較多，所以就咁啦。而其實英文有個term叫「Information Literacy」資訊素養，講緊係21世紀嘅人要有點嘅能力去獲取和分析資訊嘅綜合能力。
共犯
字面上嘅意思，共犯。係作品中鳥子曾經話佢同空魚嘅關係係「共犯」，而「共犯」亦係世界上最親密嘅關係，而呢個keyword亦貫穿了整個故事中嘅兩人關係以及折射出煩膠空魚嘅自卑。
思わせぶり
暗示嘅意思，要準確翻譯嘅話大概會係英文嘅「flirt」，通常係異性之間具有調情、挑逗嘅意味。考慮到係百合作品，所以係挑逗。
猫背
字面上意思係貓背所以有啲人又望文生義直譯，但日文其實解作駝背更常見。
不正アクセス 致命的エラー
其實都係常見嘅電腦用語，Unathorized access 同 fatal error，所以，按照慣用語翻譯。
感想
要label空魚係個點嘅人嘅話，就係麻煩中二病毒L。空魚因爲過去嘅經歷，其實性格都幾扭曲下，又自卑、離羣而且覺得世界醜陋，時不如我，想被愛但其實亦唔識得點去愛人；自我中心又自私，所以有點難以融入羣體當中，點都覺得自己格格不入。當然唔全然係空魚嘅錯，畢竟空魚冇朋友某程度因爲邪教嘅追殺，難以有穩定嘅長期朋友關係，久而久之，空魚亦習慣孤家寡人。但其實心底裏都係有啲寂寞嘅，你話吊橋效應好，毒L多情好，係「祕密嘅地方」相遇嘅鳥子成爲佢嘅暗戀對象——好啦，其實開頭還有啲埋怨阻L住佢獨處，你睇幾毒L。
但其實空魚嘅性格本身都有問題嘅，可能習慣獨處，空魚嘅想法非常利己，甚至可以話有點自我中心。例如一開始遇上八尺大人嘅時候，當鳥子被帶走時，空魚諗嘅係「唔好拋下我」；而係美軍撤退戰時，鳥子係真心想救人，而空魚諗咩？諗緊點樣不動聲色自肥咗美軍帶唔走嘅軍備；而當談及大學嘅時候，空魚覺得無所謂，反正可以靠裏世界賺錢，而且仲好搵——功利主義者。當然，當時嘅小櫻聽到之後非常擔心，亦斥責空魚唔好咁毒L，大學唔單止大學，亦係建立關係嘅渠道，小櫻擔心嘅係若果空魚對現世無留戀，好容易就會被裏世界吸引而永久滯留裏世界，對表世界有留戀才有活着嘅動力，才能夠活得長久。但大部分嘅時間嘅空魚都係咁，諗嘅基本只有自己，無論咩原因都好。
但幸運嘅係，空魚藉着鳥子，慢慢和人建立起關係，建構出自己嘅人際網絡，慢慢地也會唔咁毒L，漸漸變得和善和利他少少吧。——等等，我發現，呢部作品比起乜乜弱角改造記更適合詮釋點幫毒L脫毒啊。各位要脫毒嘅，不妨首先放下空魚那種莫名奇妙對現充嘅敵意同怒火吧，嘗試放開心胸認識下人，你會發現，世界遠比你想象嘅簡單，亦唔係人人心懷不軌嘅，甚至你會發現，你點對人，人地就會點對你。