相關唔係相同:股市/加密貨幣係龐氏騙局?

Posted on Thu, May 20, 2021 時政評論 Crypto Currency 科技趣聞
股市幣市是天然的龐氏騙局? - *CUP

投資市場牛氣沖天,市民樂也融融又亢奮。股市有升有跌,除了是基本的供求關係,是反映經濟的寒暑表以外,大市飛升還可歸功於股市本身的「放大機制(Amplification mechanism)」,甚至可看作是天然的龐氏騙局。 ...

有陣時見啲寫稿人識少少揸住個terms寫就頭痛,作者搞清楚龐氏騙局係咩先可以嘛,編輯部出之前都屌下佢先啦,頭痛啊唔該。

龐氏騙局根本重點係,佢哋售賣嘅貨品本身不具有價值,或者話佢賣啲咩唔係重點,重點係佢會不停叫你揾新人入局,跟住用新人嘅入會費支付舊人嘅分紅,而騙局嘅主事人又從中抽大份。而整個過程中產品本身不具有任何市值(留意係市值唔係價值),甚至乎件產品係咩唔重要,重要嘅係佢根本目的係要人拉人入局,入咗先有錢分。

而傳銷就喺很好嘅龐氏騙局嘅例子,好多時佢哋會叫你入會,升級會籍來獲得更高嘅會員級別來獲得更廉宜嘅來貨價和入會分紅比例。前者根本唔係重點,好多傳銷公司之所以係龐氏騙局係因為1.牽涉欺詐 2.貨品或產品本身不具有市值,不具有流動性。

股市或者crypto可以有人搞龐氏騙局來呃前,但唔代表股市或crypto本身係龐氏騙局。或者直接啲講,龐氏騙局同股市或者crypto最大分別係咩呢?

1.流動性。你買咗股票或crypto轉頭可以賣,頂多蝕價差和手續費。

2.信息對稱。龐氏騙局根本問題係佢呃你投資係好似好長遠,但佢盈利並非股市或crypto那樣來自其他淡友,或者來自公司嘅市值膨脹,而係來自「下線」,而且,股市等嘅市價和交投記錄理論上係公開嘅。

3.盈利來源。第三點係好明顯嘅,股市和crypto嘅利潤來自長期嘅通脹嘅增值、公司嘅價值提升或者係收割自其他淡友嘅零和遊戲。但龐氏騙局嘅盈利純屬來自新人嘅入會費,咁即使話冇咗新人,龐氏騙局就拜9拜,但股市和crypto嘅交易即使無新人加入,市場依然可以交易,依然可以造市收割淡友同on99借孖展炒crypto嘅on9仔。

股市和crypto可以被人利用用作龐氏騙局嘅操作,而某些股票和crypto因為被炒家嘅操作或公眾嘅高估處於泡沫經濟嘅狀態,而龐氏騙局亦係泡沫嘅一種,但並不代表佢哋係相等嘅。你老竇係老竇,你生咗個仔所以你又係老竇,咁代表唔代表你同你老竇係同一個人?你老竇係仆街又能否代表你都係仆街?相似唔係相等,而相關不是相同,好心啲文人寫稿手唔好亂塞terms寫文章啦,屌。真係龐氏騙局快啲去報警,香港台灣龐氏騙局都喺犯法啊(牽涉詐騙),唔好得個up字。

所以要落標題,我建議至少用「泡沫經濟」取代「龐氏騙局」,因為兩者有overlap嘅地方,但唔代表佢哋一樣。

利申:股票只持有Intel,主要存款和流動資金係ETH。