係FB見到呢啲，真係1999。好，擺張圖先：
source係Wikipedia。而上圖就係USB各種接口，大家可以睇睇。
首先希望大家分清楚，USB本身係個比較大嘅包山包海嘅軟硬件協議，USB 2.0 / 3.1 呢啲係USB 嘅protocol黎，主要影響USB嘅傳輸速率嘅帶寬，而USB 2.0 / 3.1嘅版本同接口可以分開，而接口有分Type-A 同B，而係Type-A/B之下又分普通、Mini 同 Micro三種接口，所以呢度就有6種接口。而到了USB 3.0嘅時候，爲了加大頻寬，又搞咗USB3.0嘅Type A同B，今次無分Mini/Micro，USB3下嘅Type-A得返一個，並且針位從4加到9位，而且可以向下兼容USB2嘅標準Type-A，而Type-B只得返一般（依然4針）同Micro-B（for一啲外置硬碟之類嘅設備用）。
而在USB3.2度，爲咗正反插同一統USB天下，又搞出大家熟悉嘅Type-C，而且一嘢更新到24針。而受惠於USB兼容特性，其實好多所謂嘅Type-C Port都係標準USB 2.0下嘅Type-A（4針），或者Micro-B（5針）搞出來，電流依然係USB2下嘅5V1A，行唔到大家市面見嗰啲5V3A、12V1.5A之類嘅快充線。
亦所以，偉大嘅祖國當年OnePlus手機，有部電話行USB 2.0嘅標準電流，但由於附送嘅Type-C先只考慮到自己機器行嘅USB2，5V1A電流，拎去其他支援快充，唔係行標準5V1A嘅電話充電嘅話可以BOOM。
（Type-C快充大多要加塊Chips去做電流控制大過5V1A嘅電流，但OnePlus條線無，啲電流就會Bypass……boom）
由於步入Type-C時代嘅線越來越詭異多變，快充嘅標準亦越來越多花式，爲了各位嘅電話安全，希望大家唔好亂淘線，至少至少，窮L要買線嘅話，綠聯真係最低標準，多謝大家。