唔拗新疆有無強制勞動，無意思。 如果有，黨一定唔會比你知，如果無，黨亦冇辦法證明（唔通任由你哋記者咁隨便行隨便參觀啲「教育設施」咩，BBC都唔會有咁嘅待遇啊）
但想講嘅係好多黐線佬黐線婆好鍾意攞中國佔咗佢哋公司XX%來說明中國市場對呢啲公司好重要，所以呢啲公司自己倒自己米。
Well，大概有啲人唔憂米，做生意除咗收入外，亦有支出嘅。同時，從商你唔可以睇死數字去作決定，你死L硬。早年很多公司入來中國，諗住中國係個龐大嘅消費市場，搞得掂就Fatfat。結果搵錢嘅人唔少，但有更多嘅人淪爲loser不得不離開。若果係輸能力、輸人脈我相信都還好，但有班人係落到中國，發現，哇，啲政策可以朝令夕改，今日講就聽日做，呢啲就係某些愛國人士嘅「有效率」。但對從商嘅來講，我今日做嗮準備聽日launch，跟住你即改政策，爲咗fulfill你嘅政策要求，勢必又要延期啦喎？
你話朝令夕改都還好，叫做有條文可依。中國更大嘅問題係好多範疇係不存在法律可言。好多人會屌話中國成日封殺某某電影（唔政治事），可恥云云。但唔知幾多人知，中國係無分級制度嘅——按照中國法例，中國嘅所有影視作品及刊物只有禁止售賣同全年齡。理由？其實真係好複雜，無例啦，文化部先可以緊緊掌握着「自由裁量權」，而同時就算話要推行，中國現實嘅發展不均（中國唔係得繁榮嘅城市架），以及中國人最擅長陽奉陰違，中央叫做嘅事幾多地方政府只係做面子工程就知。當然中央有時都有一定責任，有時諗啲政策係不具可行性嘅。
例如話，爲咗防止青少年沉迷遊戲，搞實名制+遊戲時間限制嘅整個政策都執行多年，成效如何？嗯……會沉迷嘅依然沉迷，唔會嘅根本無所謂。因爲有關嘅政策實施多年，繞過嘅方法多如繁星：最簡單嘅用父母嘅身份證，進化一點嘅多個帳號輪流玩，甚至有些上網「購買帳號」，小朋友要繞過還是大把方法的。要根本解決問題，要改善教育制度，唔止教育小朋友，同時亦要教育父母要如何和兒女溝通，建立良好嘅互相尊重嘅關係，關心小朋友嘅成長。但咁麻煩嘅嘢，一點一不中國。中國人畢竟都係鍾意簡單、直觀嘅嘢（即使無用都好），不論係政策、制度定係教育下一代。
所以，你入中國從商，就會發現，你識得一個有啲權嘅地方長官同你背書，你做事就通行無阻，若果無，則事事難行，你幾有料都無用。更麻煩嘅係，對外國人而言，中國嘅政壇文化和滿身G點嘅民族主義很難理解，甚至乎會因爲政治需要突然翻你舊帳反你面——好似H&M呢單嘢係一年前嘅事，點解今日先攞出來講？你真系以爲單純捍衛民族尊嚴？少年你太年輕了，1年前美中關係不和係侵先生嘅錯，而家嘅定調係整個美國、以至西方社會嘅錯。於是衡量之下，梗係傾向保留一啲安心、容易搵錢嘅市場，做生意首先求站穩陣腳，若果爲咗搵多啲錢而放棄自己陣地，把自己Allin落中國，分分鐘落得被國際制裁嘅下場，咁多多嘅錢都補唔返，有時品牌形象遠比賺更多錢重要的，但一些眼中只有錢嘅中國人大概唔明名聲嘅重要（苦笑），長搵長有先係好生意啊。