如題，最近都玩咗一個月nespresso，玩無可玩，走去玩埋自填粉囊。

先講嘅係，一般自填nes粉囊有一次性同循環再用，而循環嘅一般係金屬製。而結論來講係唔建議用金屬的，如果你要用，請乖乖地單次粉囊去填裝。如果話有乜選擇嘅條件，基本就喺最接近官方嘅形狀效果會好，因為有啲粉囊係平底嘅，使得裝粉量相對少咗。

膠囊嘢ho而參考前文：

除此以外，要注意填粉後唔好填滿，要預留一啲空間比水衝過去，唔好把膠囊填得太密實，唔係會直接塞住（水入咗去無空間出來，亦唔會刺穿面前嘅鋁片）。一般而言我係磨6g嘅豆，然後壓平到買膠囊時附送嘅粉錘嘅下本部平的，整個浸咗入去。（大概2mm深到）

而如果你堅持用不鏽鋼嘅環保左膠，減咗填粉量嘅話可以諗諗減埋出水量，5g出30ml左右嘅水。而呢度要講嘅係，nespresso多數機（實體掣、無屏幕嗰啲）基本上可以通過長按按鍵，直至放手去控制出水量，而下次開始呢粒掣就會係你長撳期間嘅出水量。

如果要準，你可以自己準備個磅或者量杯咪可以知精確啲嘅量。但請注意嘅係，nespresso有最低/最高嘅量嘅限制，過低過高都會對應向上修/向下修，而下限大概20ml而上限大概120ml。

從左都右，分別係以kplus研磨，刻度分別係3.5、4.0、4.5、5.0、5.5、6.0.

可以見到3.5無得出水，跟住 4 - 5都喺稀。

5.5會多少少cream，到咗6.0仲有啲但已經又稀返。

跟住而5.5為中心再磨啲試試：

中間係5.5，左邊係5.3，右邊係5.7。可以見到5.3會偏稀，5.7都多cream，但都喺5.5會多啲。