各位小白蘿早晨，最近揾返部gopro 9 出來，發現用到電池脹咗，而且gopro 9嘅auto upload經常斷線，於是便買咗GoPro 嘅 Hero 10。下面會儘量寫啲嘢。

購買GoPro嘅話基本上兩條路，一喺香港本地retailer買，一喺上官網買。而GoPro最平當然係官網買，以GoPro Hero 10來講，平價版係2700HKD，Bundle版係3100HKD，仲連一年會籍（如果已經係會員兩者都喺3100HKD）。本地買嘅話，豐澤仲掛緊4000HKD……而且係非bundle嘅普通版……除非係為咗方便換貨+即刻有貨之外毫無優勢可言……

而如果你喺GoPro.com購買，所有包裹都會經由UPS運送，有辣有唔辣，辣嘅係GoPro.com一旦落單係唔可以修改/取消訂單任何嘢的，你要改大概只能咁：係派送前一天你會收到類似下圖嘅短信，所以電話電郵千祈唔好寫錯。入面有條LINK可以click入去改一次咁多嘅地址 or 派送都便利店自取，所以萬一打錯地址/每天工作20小時，都唔怕錯過包裹。

除此之外，GoPro嘅退貨服務好似外判埋比UPS，所以各位如果係GoPro長期客户嘅話，建議註冊埋UPS帳號，方便快速申請退貨。當然，真係要退貨嘅時候GoPro係會包郵費的，會由UPS上門收件的。

之後郵件會經由UPS派送，因為而家疫情唔送上門，所以基本上都會轉到去順豐櫃。記得留意嘅係而家UPS會打電話問你確認樓下交收定順豐櫃……時間難夾嘅話一般都係順豐櫃方便。

入面直接一個袋裝住個盒，仲有張出貨單咁。

正面係咁。

之後底部有條加咗膠嘅紙條可以輕易撕開，撕開就係個硬布袋了。

硬布袋本身係收納盒，各位小白蘿要好好珍惜。而GoPro亦乘着環保嘅風潮，從Hero 9 嘅可回收塑膠變成咗紙盒作底，而保護嘅邊亦變咗紙。

主機嘅同腳架嘅保護膠變咗紙，而且中間無膠，只係普通嘅白紙所以應該可以輕易回收。不過屏幕同鏡頭保護嘅部分依然係膠啦當然。

之後再介紹一下係GoPro版本唔內容物啦。

首先如果你去豐澤買應該只有：

而如果你係GoPro網站買嘅普通版會再附加：

而如果你喺GoPro網站買Bundle版本仲會再附加：

邊樣係邊個唔寫了，官網睇圖就估到所以算啦，大概就喺咁，你比較一下就知基本上單以$$來講，一定係買GoPro官網嘅，只係差異係如果你有Hero9基本上普通都啲配件都通用無所謂，但如果你喺新嘅User一定建議直接Bundle，因為散買一定唔係呢個價……

之後可以講下機身外觀，好明顯見到10代把logo同number轉咗做藍色（上代係灰色），顯眼很多。

而電池蓋亦從左邊嘅pure金屬面變咗帶少少磨砂手感。而且電池蓋很明顯地比起上代好開咗，唔會好似上代咁好有彈性，而係會有很明顯嘅阻礙感，可能這也能加上咗佢嘅氣密性能啦。

開機，揀咗語言之後，之後叫你配對app啦。要注意嘅係，你唔一定要App的，你可以撳左上角嘅返回按鈕，可以跳過App嘅配對就咁淨機咁用的。

如果您張卡太慢會彈呢個提示你換張靚卡碌4k的。而官方建議嘅Micro-SD基本就喺：

但其實得Sandisk算易買，所以基本上either Extheme 或者Extheme Pro多。當然你如果係打算永續1080p/30fps嘅，其實唔使咁靚嘅卡……係唔可能的。請睇官方嘅Micro-SD建議嘅頁面：

GoPro Hero 10 係建議用 microSD card with v30 or UHS-3 rating 的，Icon就喺個U底入面有個3咁。個原因讀寫速度其實會影響GoPro嘅性能和温度的，所以請揀返兼容的卡，OK？

跟住GoPro Hero 10 更新咗唔少嘢，當然有人會戲稱應該係 GoPro Hero 9.1，因為基本上只係改善咗以前歷代嘅問題，功能上有好多微小嘅進步但無必要到一代機。但其實真係睇其實一些小功能嘅改變其實都影響幾大的。

而GoPro終於有新嘅晶片組——GP2晶片組。因為GP2晶片組嘅換代，當然電量倒水速度快咗啦（下面會有測試），但係，亦有好幾點改進因為改變咗晶片組而有變化的，個人比較有感嘅係：

先講個唔關晶片事架啦，以前GoPro落手機嘅App係經藍牙，有夠慢的。而家更新咗之後可以插線享受快速抄落手機跟住直接手機Edit/Share，唔使下下都揾個讀卡器出來，尤其係我本身裝咗Media Mod之後，要拆Micro-SD卡有點麻煩，所以如果可以有線sync落電話/ipad嘅話都會方便唔少。

另一個GP2非常有感嘅影響係，隨着晶片組效能嘅升級，藍牙、Wi-Fi以及有線傳輸等嘅處理速度都有提升，當中最大影響嘅其實係Wi-Fi信號嘅改善。因為係Hero 9嘅時候，GoPro 有收費嘅Membership，其中一個功能係當叉電時會自動Upload影片同相片上個GoPro Cloud，Make多個備份無人嫌多嘛。之但係係GoPro 9嘅時候，呢個功能upload相片還好，但一些大size影片很易會因為悠長嘅時間入面因為信號不穩而斷線跟住整個自動upload嘅progress就失敗咗。而在10代，so far試咗十幾條測試片（都喺5k 半個鐘嗰啲），似乎就冇乜問題，好慶幸呢個問題有所解決。

雖然呢個唔係GoPro嘅主要用途，但坦白講，佢既然有，就可以用。

首先有燈地方係噉，左邊係Hero 9 右邊係Hero 10。好咗啲啲咁多……主要係GoPro9嘅油畫感幾明顯下，而10會顯得自然點。

跟住呢個係超暗處，無nightshot係上圖咁。

真係好暗嘅地方就拉近無咁大分別了，一樣左邊係9右邊係10。

上面嘅相片都喺用GoPro9或者10影嘅，點開圖片再點左邊photo info就會見到包括型號以及iso 光圈之類嘅資訊。

隨着GP2嘅出現，10嘅系統操作睇落好似流暢很多，反應時間亦顯得無咁疾。不過睇片或者切換時候，佢整個動畫仍然係流暢嘅但明顯速度慢咗啲，可能以前針對9嘅動畫本身set長咗，但10可能應該校個動畫嘅時間短啲，會更顯得流暢一點。

另一個比較隱藏但幾大嘅改善就喺一些選項從左邊改成右邊咁，按壓嘅空間同切換方式都方便很多，亦唔會咁反人類要逐個切換先知喺乜功能了。

另一個比較突出嘅改變係，GP2勁咗，但亦食電咗，所以GoPro亦有新嘅慳電模式，不過佢喺基於限制功能實現的，我基本上都喺會唔會開的。

不過，我揾到有人測試個差異，大家可以參考一下。

之後講下配件啦，我基本上只講我買咗而且仲用緊嘅嘢。

正如其名，十分短嘅手持/桌面嘅腳架，就very short……

跟bundle送的，質感普通，長度都很短，所以要求不能太高。或者咁講啦，反過來講，Shortly輕巧而且夠細，如果你腳架唔使延展唔需要咁多奇奇乖乖要求，手持或者擺係枱面就拍，咁Shortly已經滿足你要求了。

呢個其實從我幾年前仲用緊單反年代就用嘅腳架了，因為係相機嘅螺絲後我加咗轉換口可以繼續用，冇乜特別，只係呢個長度對我來講啱啱好，加上有防滑材質，非常好，所以同大家介紹下。轉換器後買的，淘寶鏈結係下面，請〜

BTW如果你冇特別要求嘅話，建議GoPro買原廠的，因為我發現副廠嘅配件/轉接有時啲孔位/厚到唔係咁準，會要大力出奇跡（新嘅時候）。

腳架：

轉換器：

TODO

呢個都喺以前用落嘅補光燈，要點就喺彩色LED、2000毫安時嘅電池、冷靴連接、再上/左/右再有冷靴可以兼職埋冷靴延展器以及好似唔重要其實很重要嘅背面磁吸。彩色嘅色域幫大家增加唔少玩法、而延展冷靴可以啱啱好接個Rode Wireless GO II 做埋真立體聲，而磁吸可以方便係屋企痴啲金屬片方便收納來做埋屙夜尿用嘅電筒，必要時可以把佢磁上雪櫃或者欄杆之類帶磁性嘅物件增加光源都喺選擇。我之前一次買兩個，因為電力有限，輪流使用嘛。

LED燈：

引磁片：

呢個其實係Bundle有送嘅，不過比起Shortly呢個玩法十分多。首先佢首先係夾式所以可以夾係背包或者衣領去拍攝第一身角度。而佢亦有磁吸，可以用以收納或者必要時吸係欄杆之類嘅地方都係好實用。又甚至可以夾滑板夾桌邊或者夾上去比較重型的無人機也可以係一種選擇。

如果你唔係買bundle或者之前無買到，就買個，好實用。

充電盒，三個充電口，兩個micro sd收納位，蓋有少少磁力避免揈下揈下開蓋，TYPEC 接口，就咁。

……嗯。

如果要講不如話點解唔考慮官方嘅，因為，一來電池口多咗一個仲有得收納micro sd卡，跟住幾重要嘅兩點係TYPEC（好多副廠仲micro sd）以及嘅蓋蓋得幾實，可以兼作收納盒。官方嗰個charger得兩個口，而且無蓋，所以你無得可能用晒電入返個盒，放入背包充電，用官方個個充電一定要揾個水平地方放置、再充電，限制多了。而且有Micro SD收納，如果旅行時候可以方便帶多一兩張卡，唔使揾多個盒。當然你多過兩張嘅話，都喺準備專門嘅大盒啦。

充電盒：

如果唔係要水下防水嘅，建議立即買，唔好諗。

講原因之前，首先同大家報告一下，GoPro9/10嘅Digital Port只有TYPEC，而且GoPro已經ban咗所有unauthorize嘅第三方配件，所以如果要外接mic，你只有揀官方嘅media mod或者官網有賣typec 轉 3.5mm jack+TYPEC充電口嘅轉換器。先講點解唔後者，因為你要接，要移除原本嘅蓋子，跟住為咗固定個轉換器，你要換個附帶可以放置個轉換器嘅外殼，搞咗一輪你會發現，media mod會係更conpact以及更多功能嘅選擇：

如果你做開media嘅，個hdmi接口可以比你接你自己嘅大mon睇preview、同時可以接埋自己嘅3.5mm mic，好似以Rode有冷靴啲mic咁，可以把接收器直接放喺上面，幾方便。而且官方嘅機殼，所以size公差控制得非常好，非常流暢，而且亦不會阻礙換鏡頭或展開個底座夾，非常好。唯一留意係GoPro本身係水下密封的但Media Mod之後頂多只生活防水。

其實佢已經出咗二代啦……而我仲用緊一代。基本上呢個mic就喺youtuber專用mic咁，因為輕巧，無線而且收音好，信號穩定+範圍廣，單以無線mic來講綜合佢應該係最好的，係Youtuber界應該係壟斷地位，我見好多youtuber都用佢。而且仲有夾以及可以放入冷靴，如果你嫌棄佢本身收音唔好仲有3.5mm jack，可以輕易把其他3.5mm有線mic變無線。

本體就喺一個接收器一個發送器咁，唔係啲乜藍牙嗰啲，信號穩定很多。而且到咗二代，仲可以一個接收器同時接兩個收音，適合一些訪談、講座或者搞立體聲之類可能要多過一個聲源嘅情況用。因為rode可以3.5mm口外接，雖然一個接收器只能最多配對兩個，但你有錢嘅話可以買一接二嘅二代以接上接嘅方式去達成三個或者四個甚至更多嘅無線mic。但當然，你要好多嘅mic，永遠係加個mixer抵啲。

豐澤2700上下，而Rode官方推薦嘅retailer B&H要299美金（折合2346左右HKD），平5舊，計埋郵費都夠做，不過差異無GoPro咁大，其實可以考慮下買行嘅。

跟機送嘅藍電大概係1720毫安時，而最近新出嘅白電係for低温環境嘅。但除此以外GoPro亦聲稱可以提升效能，增加充電速度，以及現場使用時間，但仍然一樣大細，一樣嘅容量。

於是我就用兩部機試，睇睇結果如何，狀況如下：

簡單測試就喺咁。

大家會留意到，Hero 9 同 Hero 10本身嘅電量消耗差異好大，更快嘅晶片，更高清嘅畫面，咁用多咗電又好正常……但同一型號唔同電池都喺有所提升嘅，如果你唔係等個幾十元開飯，買後備電池都可以直接買Enduro的，不過比較貧窮，買多兩粒藍電甚至副廠電會係更化算嘅選項。

最後講個GoPro嘅訂閲啦。價錢美金49.99 / 378HKD年費。首先大家應該係官網買嘅話呢，就實買咗一年先嘅（除非你堅持比貴$$啦）。首先買嘅時候會發現首先會有得係GoPro買嘢平咗啦，除此以外都仲有唔少benefit嘅。

咁啦。

首先呢個冇乜好講但係其實對我來講幾重要的，因為只要放喺度充電，佢就會自動make 份 上cloud，係方便嘅。而且佢本身未限容量，所以基本上除咗gopro之外，你自己嘅相片影片都可以自己上傳。不過要注意嘅係，如果要開Collection咁，係冇的，你最多只能揀相，跟住create share link，跟住一條share link就會好似gallery咁，但一但share意味知道條link就等於公開。不過作為單純backup多一份或者唔使插線download 相片/影片，係方便的，只係上傳速度嘛……嗯，過夜應該會傳完的。

要留意，GoPro Subscription講嘅直播只係GoPro提供嘅直播服務，可以直接生成一條直播Link。但，如果你喺YouTube或者Twitch或者Facebook，可以直接鏈結咗，經GoPro嘅 mobo app進行直播。如果係除此以外嘅，你可以透過RTMP URL去進行直播。基本上啦，支援RTMP就支援9成以上嘅直播平台，只係，RTMP要自己打參數，YouTube/Twitch/Facebook/GoPro Private Link可以直接用罷了。

而一些共通嘅係，直播最高1080p、要由GoPro直接連接Wi-FI進行直播，以及可以直播同時Micro SD卡都可以make一份copy的。如果你用GoPro 嘅直播服務會限制你最多2小時，其他平台各自適用各自嘅限制。

我無用，冇嘢好講，對唔住。

不過，我揾到啲講得比較完整嘅片，自己睇啦。要注意Quik係GoPro嘅手機App+Edit App，Reelready係Desktop App來的。

最後嘅最後，多一個就喺GoPro可以通過安裝程式+USB連線，把GoPro當USB WebCam用。要做到這點，當然要安裝軟件先。參閲：

基本上官方教學講得好清楚啦，認真睇就ok。而由於個程式只支援Win/Mac，Linux嘅話本身唔支援嘅。不過由於protocol共通，有人寫出 cli tools可以output成信號再模擬webcam。參閲：

坦白講運動相機入面已經算最好的了，而且你要記得佢喺運動相機，係預你出街撞風的。如果你要係室內用，一喺買個風扇仔吹佢，一喺開冷氣。

請買多兩粒電池。如果你唔想買/長錄唔斷片，有個方法係把電池移除，接入typec尿袋持續供電嘅情況下去做拍攝，要注意你個尿袋電力足以抵消用電消耗，而且線路要穩定唔好容易甩，如果唔喺嘅話有機會一半停咗就有機會file損毀BOOM。點解要拆電因為拆電可以降低熱耗之餘，可以減低電池嘅壽命消耗，因為持續供電又錄影仲有電池嘅話會非常熱，很易令到你粒電池膨脹的。

請首先檢查你嘅Micro SD Card，至少係UHS-3以上嘅class，跟住把設定都調低第一個class，尤其係HyperSmoth 4.0之類嘅功能，一律下調到標準，因為最高級別嘅唔係設計比我同你用，標準夠我哋用料，最高級別嘅防震其實反而係prefer極限運動，高速且多風牆撞嘅人用。

參閲：

內置嘅糟糕，media mod嘅指向性咪ok但唔算話好靚（對比rode嘅咪），但係好用，要求唔高嘅話media mod已經很好。當然，最好嘅方案永遠係你自己加mic。

你應該首先拎起你部手機，總之拍啲作品出來先。跟住可以多啲睇youtube嘅一啲影片學下打光、角度、轉場等嘅攝影或拍攝技巧之後，如果堅持到起碼數個月，再諗呢個問題。

而很好彩地你堅持到了，而且仍然有熱情，想拍一些動態一點嘅影片，或者想多幾個鏡頭做AB Roll，咁你可以首先買部GoPro Bundle先。通常你會發現聲音唔夠好先買media mod接mic，或者買燈加強打光，跟住頂多根據情況買唔同嘅腳架用。買齊呢啲基本上就足夠了，當你有更多嘅要求，你自然會自己揾來睇了。

唔好太覺得買靚機就可以有靚作品，攝影技巧其實係很緊要的，無充足嘅底子，靚靚貴貴嘅機都難以拯救你嘅作品嘅品質。

Shut up and just roll now.

要唔要試下可以換鏡頭嘅GoPro？介紹：