Meets Nokia 8 Sirocco

Posted on Thu, Oct 18, 2018 科技趣聞 開箱 | Unboxing

Meets Nokia 8 Sirocco最近終於手痕買咗部Nokia 8 Sirocco。純AOSP,除咗Google Apps之外無多餘嘅Apps,亦唔會有一開機就要瘋狂disable一堆根本唔會用嘅apps嘅情況(係啊,講緊你啊Sony)發生。購買嘅原因主要係想體驗一番無線充電,而經過調查,初步確定 Nokia 8 Sirocco 係嗰合適嘅選擇。

系統配置

好多人買機真係好撚鍾意攞嗰spec list出來比較,嗰cpu幾快,ram幾多,之類,卻好容易忽視系統本身對用戶體驗、系統流暢以及續航力亦有相當影響。以我之前 嘅 XZ1 Compact 爲例,我用Sony Stock ROM大概放工時會有20-30%電,但我Flash咗LineageOS 15.1 之後,一樣用法,放工電力基本上30%+,甚至上返40%。而且,一般而言,CPU好意味你部機相對會更食電,你耗電量亦跟住升。對於好多人用例用去咪又係whastapp、facebook、instrgram之類,與其去追求更高嘅性能,不如先仔細思考下,自己嘅需求係咩先。

體驗

點解會講上面堆話呢?因爲Nokia 8 Sirocco正正係嗰好例子。單睇Spec Sheet你唔會覺得有咩值得一提嘅突出之處,但無突出之處有時亦係特色。Nokia 8 Sirocco 雖然無好高深嘅配置(啱啱出仲會有人問點解係835唔係845),無令人「哇」一聲嘅靚相機,無怪物級嘅續航力(會重架契弟),亦無令人煩厭嘅M字額(我知Nokia宜家有啦)。但以原生嘅Android配以啱啱夠用嘅配置已經足夠體驗到一個流暢、穩定以及令人舒適嘅作業系統。

續航

(上圖係keep住碌FB/G+/YouTube四小時嘅結果)睇返時間,用咗4嗰仲消耗咗55%電,即係每小時若13.7%到,換算下來應該大約可以有三個多小時。即合共嘅使用時間可以高達7小時……嗯,對我嚟講算豐盛啦。

鏡頭

雖然Nokia 標榜該機有Zeiss鏡,但實際上同其他手機影出嚟感受唔太大嘅分別,唯一優勢係有2x光學變焦可能會有用吧。不過我覺得手機始終係for記錄多,只要要影嘅目標能清晰記錄到,我亦唔會挑剔太多。

機身

而係機身方面,整體嘅設計得好靚,曲面mon令整體機身可用範圍增加而令機身大小相對收細,不過對手細嘅我嚟講,要單手操作依然有一定難度……而且爲咗曲面及美觀,機身兩邊邊緣收縮得好勁,雖然美觀咗,但揸上手就好似揸住部「刀片機」咁,而且邊緣部分好易誤觸,搞到要帶套唔得(跟機有,開頭覺得佢送套好on9),呢嗰我覺得係值得改進嘅地方。但整體真係設計得唔錯,正反面嘅玻璃直頭光到可以反射得勁清楚,出外必要時可以當鏡用(唔係講笑,真)。

無線充電

此外,Nokia 8 Sirocco支援無線充電,買個座或者買個無線尿袋就會顯得好方便。雖然充電座有磁力校準,但放喺袋入面,因爲地心吸力好難對準,所以買無線尿袋記得比較下大細是否合適先好買。

3.5mm頭

此外我相信好多人會介懷嘅3.5mm無咗。不過我係好耐之前就用藍牙所以影響唔大。而且集體取消3.5mm嘅好處係藍牙耳機遍地開花,技術進步亦快座,亦拜此所賜唔洗再硬食sony啲垃圾級藍牙耳機……

SD 咭

2018年啦,放棄啦好嗎?

喇叭

另一個不得不讚嘅係喇叭。雖然降級做單喇叭,不過喇叭最重要嘅其實聲音清晰。而Nokia 8 Sirocco嘅喇叭比起其他機足足大聲一本以上,係旺角都可以聽得一清二楚…… #好

Android One

而該機最大好處就係Android One。無多餘嘅垃圾Apps(除咗Gappsssss),後臺少好多嘢,亦多出好多空間去裝自己嘢,令系統簡單唔少。不過亦因此少咗啲嘢,例如NFC 切換 on notification bar、power menu screenshot之類嘅function,不過亦有方法去取代/撳多幾個掣,又唔算咩大問題。相對地,Android One係除咗Pixel/新機之外最先食到新版Android嘅機種,而且保證有2年嘅系統更新,對於錢銀唔多/唔想密密換機嘅人(例如我),係個唔錯嘅折衷選擇吧。

Ref

至於想睇部機影出嚟嘅請點下面連結: