😀

About

Q&A

Q1.請簡單介紹下自己。

A1.大家好,我係Len Chan,性別雪娘,又被稱作雪娘也。

Q2.現在嘅職業係咩?

A2.目前係某個社會企業入面擔任Full-Stack Programmer,貨真價實IT狗啊汪。

Q3.IT狗唔多可能係女,啫係男人啦。

A3.咁性別嘅嘢,唔係得男同女嘅……

Q4.啫係扶……(消音)

Q5.言歸正傳,可否介紹下呢個Blog嘅有啲同將會有啲咩內容?

A5.簡單而言,三個字:堆填區

Q6.即係……咩都會有?

A6.差唔多啦,不過我諗主要會係我啲電腦折騰筆記會最多就係……因爲可以寫得好hea……其次應該係各種奇怪嘅散文,短片故事之類掛。

Q7.之前唔係好多時政文嘅咩?

A7.人大了,方知天有幾高。停下了,方知走了彎路。時日太快,無知的小孩,一晚長大。

Q8.有無鍾意嘅動畫、劇集、或者角色可以講下?

A8.私は神だ、私の夢は、不滅ダダダぁぁぁぁぁぁぁ!(翻譯:下面會講)

Q9.除此以外,仲有無咩興趣

A9.買下玩具仔玩下砌下咁囉。

Q10.啫係……高達?

A10.乜我似咁高深咩?我份人好膚淺,有女有高潮。

Q11.死毒撚!膚淺!嘔心!

A11.多謝〜

Q12.有無話打開咩機呢?

A12.有架都,屋企都有部PS4,周不時都會打下機……例如有女有高潮嘅PSO2.

Q13.………………屌。

A13.喵。

Q14.諗住你會話研究下咩新科技/工具/程式之類。

A14.會有嘅,會有嘅,間中會有嘅。只要心情好,咩都有可能。

Q15.呢個Blog係用咩架設架咁?

A15.使用Hexo架設,並使用基於spectre主題修改而嚟嘅spectreX

Q16.最愛嘅CLI文字編輯器?

A16.nano

Q17.最愛嘅GUI文字編輯器?

A17.冇乜,基本上睇需求係咩,單個文件咪KDE嘅Kate。Project Base例如Node.JS就用VSCode,Android咪……VSCode囉。

Q18.日本語ができますか。

A18.いいえ、全然できません。

Q19.有無開發緊嘅App可以俾我玩玩啊?

A19.有,JUST Browser。不過好多Bug,歡迎嚟幫手試bug: Play Store | GitHub

Q20.聽聞呢度會有女裝相。

A20.女仔著女裝有咩好睇……

Q21.啦……………………

A21.……………………屌!

ACGN

由細到大,我份人都比較孤僻,所以基本上大半嘅時間都係同部電腦度過。而最初係小學五年班嘅時候,係無聊網絡遊蕩時,偶然之下接觸到日本動畫。當時嘅新番是Shana和涼宮春日,百無聊賴咪整咗嚟睇。看罷,又搵咗唔同類別、體裁嘅動畫睇,然後慢慢連同漫畫、小說和遊戲都有涉獵。就我而言,我個人比較喜愛嘅作品有:Fate/Stay NightC只有神知道的世界(神のみぞ知るセカイ)肯普法(けんぷファー)魔法禁書目錄(とある魔術の禁書目録)Clannad圖書館戰爭(図書館戦争)空之境界(空の境界)境界的彼方(境界の彼方)

而當中Fate系列係我一直都十分熱愛嘅系列作品。F/SN原作乃文字冒險遊戲,分作三線(原本有四線的不過……),Fate線講嘅係聖盃戰爭表層;UBW講嘅係主角士郎嘅理想和正義,特別是Archer同士郎對劈嘅一節,兩人之間嘅對話特別精彩(不劇透不劇透……);HF線是整個聖盃戰爭的黑暗。若有興趣,請用自己嘅方式購買正版。而且我之前就Fate系列有個感想,Fate——正義的命運。

另外,空之軌跡系列(英雄傳說六:空之軌跡/英雄伝説VI 空の軌跡)當中嘅殲滅天使蕾恩十分可愛我敬愛嘅蕾恩大人哦哦哦!!!

(可惜的是後作閃之軌跡II是個糞作sosad。)

Open-Source

大概係2011年秋初,偶然之間(點解又是偶然其實……無聊小朋友嘛……)接觸到Linux,從此就開啓了禁忌嘅大門(絶望よ、来たれ)。

記得第一個玩的發行版自然係知名度最高嘅distroUbuntu,當時係1110版本,已經採用了Unity作爲預設環境(Shinity)。不過令人可惜嘅係,當時BUG同各種細節爛得黐線,因此輾轉前後嘗試過GnomeKDELXDEXFCE一堆DE,不過很可惜當時挑剔的我統統無法忍受,所以不斷調教以及切換不同的發行版。例如預載咗Cinnamon嘅發行版Linux Mint、基於Gnome3並有類似於Windows界面嘅Linux Deepin、圖書館盡是佢嘅教學書嘅Fedora等等,也因此慢慢懂得啲關於Linux 嘅知識和癖好……例如習慣了用CLI的包管理器。

及後Ubuntu1204、1210就慢慢咁修復咗各種詭異嘅BUG以及細節的完善之後,終於可以用啦(?)。於是我就開開心心地用到……1304。1304版本當中嗰個iBus嘅新Control Panel簡直又讓我不能忍,於又跑去咗用Chakra Linux

Chakra Linux之後,又試過用OpenSUSE。至於而家用緊嘅distro係Manjaro,轉換的原因主要係穩定同習慣掛。唯一使用嘅DE嘅KDE,使用嘅輸入法係由CS Slayer大神開發嘅Fcitx,瀏覽器係Vivaldi開發的Firefox

社政

唔好講呢啲啦,今晚食咩好啊?

其他地方嘅我

Mastodon

Twitter

Steam

聯絡方法

Email:[email protected]

Telegram:@lenchan139

奉獻 To Me

如果你覺得呢度嘅任何嘢實用,而又想酬謝一下我飲杯酒水,你可以經Stripe用信用卡奉獻/捐贈:雖然唔是十一奉獻但你可以點我往捐贈頁面