😄

To fight, to run or to join

Posted on Mon, Mar 1, 2021 時政評論

Log into Facebook

Log into Facebook to start sharing and connecting with your friends, family, and people you know.

好彩我屋企得一件羽絨係黑衫。

Anyway,我係投降+騎牆派所以以下嘅純屬勸誡/勸勉/建議:

大家要揀清楚to fight, to run or to join。

頭盔在前:純屬推演和鳩噏,唔好用國安法來搵我,我港豬來,只懂鬧唔打算做。

Fight

其實可以講嘅唔多,但若果大家決定to fight首先我非常建議大家讀好書,增值自己,不論係出國好,定上大西北好,浸返5年,10年,若果大家嘅「港獨夢(共產黨定義)」依然無法被年月消磨殆盡,咁呢啲年月識落嘅人脈和資源自然有用。留取有用之身。同時記得健身,記得有機會就係外國地方燒下真槍,學識安全用槍,唔好到某天,真係發生武裝革命(雖然機率無限接近0不過至少唔係0嘛)時候連槍都唔識用/亂咁用。

Run

增值自己,唔好搞到自己窮得只能靠層樓收租;多啲識人,多啲融入當地文化,唔好成人覺得人地歧視你——喂啊哥,本地人唔中意外人係理所當然架,去得人地地方就擺低樽鹽啦,唔好學啲垃圾KOL咁搞香港城,實起衝突架。不過都係個句,讀好書,增廣見聞,多啲同人吹水唔好做毒L纔是不二法門。同埋揀地方時候最好真係搵啲當地人問下代移民友善唔友善啊,治安點啊,有無乜嚴刑峻法啊,會唔會好似德州一天災就大停電啊,又或者網絡速度會唔會慢過3G啊,最好甚至試下搵啲working holiday嘅program過去試下生唔生存到先。

Join

普通話當然係Must,但唔好以爲識普通話就橫行,我非常建議你學好英文甚至學多幾門外語,多啲熟習唔同國家地方嘅文化和特色,中國唔缺外語人才但能夠理解和融入當地嘅在地化人才其實意外地稀缺。同時記得保持尊嚴不自降身價,唔好以爲小粉紅就係中國,唔好盲信中央政府啲鳩噏嘢,你要明白因爲政治原因,中國人口講同心諗係可以完全相反嘅,對住鏡頭日日稱讚黨嘅英明領導,私下係屋企屌共產黨屌到開花嘅人你以爲好少?中國嘅防火長城只可以阻止蠢人架,聰明人想睇真新聞同世界大事其實真係有佢辦法,唔好諗住糊弄人,提高知識水平,打穩基礎,用品質和誠意取信於人。

結語

條條大路痛羅馬,都係建議大家讀好書,讀多點書,提高自身見識纔是正途。