香港土地問題嚴峻，空氣污染問題亦不遑多讓，不時起身就打哈嗤，打多兩下就流鼻水。咁見到Ikea有空氣清新機，而且仲要減1舊……或者應該話減價高達5分之一！啫係8折！原價499+99減到399+9，咁抵，即決。
開箱，首先係一沓廢紙。
開蓋，先拎走個白色嘅Hepa12嘅filter先。
咁入面係噉，你見到有兩階嘅，入啲係放黑色嘅活性炭filter，可以過濾煙味、酸餿味咁，而白色嘅hepa12係放出少少，係攞來過濾花粉粉塵嗰啲，灰層就喺兼作用外殼嘅灰色絨毛布蓋。
拆開呢個另外買嘅99元活性炭filter，塞入去。因為呢個較細，所以塞入去先。
塞返hepa12嘅filter入去，合返埋去。我覺得值得讚係一來佢有防呆設計上下調轉係合唔埋的。而且，唔係啲垃圾嘢最愛嘅卡扣式固定亦唔係扭紋，而係塑膠吸塑膠，好似屌西般順滑，非常正。我開開合合仲玩咗幾分鐘。
咁正面就喺入風口，最出面嘅灰色絨布除咗好睇仲可以最基本地過濾灰塵之外，亦係部機唯一可洗嘅filter。係，白色同黑色嘅filter都喺不可洗的，大概半年要換。
上面有條帶，可以抽起，下面亦有連腳架，可以座地，後面亦有四個口，用着掛場，全方位滿足大家嘅喜好。而且掛牆嘅話，好似都幾好睇下。唔知嘅仲以為乜高級喇叭 haha。
上咗底座會係咁。啊，上面嘅係出風口，電線如果長後面亦有藏線位等走線好睇啲。
上面有個提示燈，會提示你要檢查filter喺咪要換。而掣只有一個，0係關機，羅馬數字1-3就喺檔位，1檔真係好安靜，2檔一般般，開啲電台啊、或者睇住youtube其實啲聲音都唔太覺，3檔真係唔嘚了好似搭飛機咁，一般如無必要都喺1 or 2檔，3檔真係for你間房好糟糕先用……我係長開2檔的。
最後影個正面，真係好L似啲well designed嘅藍牙喇叭……我當初開頭見到都以為係藍牙喇叭先，湊埋去睇……先知……空氣清新機。
至於評價，我覺得499+100，加上仲要而家聖誕特價嘅價錢，過濾效果就普普通通了，一般你有鼻敏感過濾下花粉或者灰塵啊，或者屋企間房唔大有條友又好L鍾意食煙放係佢隔離，又或者你懶底間房有啲臭嘅，其實咁已經足夠用了。如果你唔介意味道只係鼻敏感過濾下花粉灰塵，黑色個過濾網真的不用買，佢黑色嗰個只係用來除味的。不過如果你屋企比較大嘅，或者又要殺菌又要UV嘅，咁就要諗諗啲比較貴嘅過濾器了。
最後你唔知空氣點，或者想知需要換檔位嘛，可以買埋Ikea呢個用作檢測PM2.5嘅檢測機去。基本上就喺typec接口供電，開機就運作，三種顏色，內置三盞燈膽處理。最上到最下分別係紅色、橙色和綠色，紅色代表差，橙色普通，綠色代表好。無數字，無花臣嘢，北歐企業嘅產品就喺如此枯燥且乏味而又簡單直接。
而説明書有記錄三個mode係點界定。綠色係0 - 35，橙色係36 - 85，紅色就喺係86以上。如果你唔明或者覺得個標準仲ok嘅，就買個睇啦。你唔認同個標準界定嘅，咁你都係正正經經買個顯示數字嘅檢測機用了。
對了，該檢測機內置得本體，無供電用嘅typec線同插蘇，記得買返或者自備。我上面嘅就喺ikea嘅USB電源線，粉紅色，so cute。本來打算白色配搭返，但ikea竟然無賣白色typec線！！！！