最近因為Fitbit真係好悶，作為smartwatch雖然續航力很好，但功能真係好有限，而且fitbit pay到而家香港都未有銀行開通……見政府消費卷又來，打算預支先，於是搜尋一下留意到Fossil嘅smartwatch，唔似Ticwatch咁加料，會更加原生，而且Fossil好處係佢自己本身係做手錶嘅，所以錶帶基本上係通用，唔會太多奇怪嘅嘢，而且amazon uk特價緊，223 GBP嘅售價，折完都仍然係比香港嘅行貨強大。

而且Fossil通路極少，好多通路仲係Gen5散貨緊，要買要去到海港城Fossil嘅分店，但門市好處係你可以揾店員setup完無問題先走人，而且仲可以唔明問到明（因為我留意到門市店員都喺帶返公司嘅smartwatch的）。不過除此之外無分別，因為Fossil提供嘅係真.國際保養一年，無論你係邊度買嘅Fossil錶，係香港都喺受保的，所以如果一般情況下唔係太科技白痴嘅人要人guide真心建議Amazon入手。

我Amazon買咗個比媽媽，我自己特登去海港城嘅門市直接買，並體驗一下。雖然貴係貴，但我好耐無用Wear OS改咗好多，好多嘢唔識用，尤其係我而家先知Heart Beat唔止要permission grant之餘，Wear OS嘅HR仲唔係實時嘅！我當場lol咗，因為一直習慣嘅fitbit係實時更新，而我同店員好疑惑，直到另一個店員過來解難先resolve件事，同時亦感受到門市貴係貴嘅好處嘅……

途中行經仲見到有呢本書買，作為文明玩家順手就買咗，不過唔知幾時先會有心情睇曬佢……但小白蘿要文藝一點嘅話建議睇睇，當然更建議玩住文明睇，非常正。

盒側邊有Fossil Logo、Wear OS、以及gen 6嘅字樣。不過不得不説個盒設計非常簡單——即是話有種山寨味……我攞落手第一個諗法係喺咪去錯淘寶訂貨……但盒嗟，事但啦。

電源線，手錶本體同一堆紙張，無其他了。順帶一提，如果你去門市會送你一個2個USB port 嘅萬用叉，可以有英式、美式兩腳以及歐式插頭切換，旅行會幾方便嘅，但一來而家無得旅行，二來個供電我都諗緊夠唔夠力。而保修會直接寫在廢紙（保修條文）最後，要記得同收據一齊保管。

喺嘞，佢個旅行充其實兩部分做成，前半係單純萬用轉插，後半係兩口USB插，所以佢個唔啱都可以插自己嘅……

錶嘅本體係咁，側邊有三粒掣，中間係電源，上面係預設啓動運動計算，下面預設係啓動谷爹支付，不過會根據App唔同有變，例如播放歌曲時候上面同下面會變成上一首/下一首。

底部有充電同心跳sensor。留意充電係兩圈嘅，啫係代表呢個充電可以365度隨便旋轉，都可以順利充電，比起其他智能手錶要對準算係進步了，但係如果可以嘅話，我比較想可以直接Qi無線充電啊……

跟住Gen6當然有心跳偵測，而且會同Google Fit連接。不過要注意一點係，要記得比表面/App讀取嘅權限；同時同Fitbit嘅唔同，心跳唔係即時而係大概平均隔10分鐘左右會偵測一次，會持續記錄，呢一點要注意。雖然可以有App較到1分鐘跳一次但唔建議，Wear OS太食電了，較咁密會倒水，預設就好。

呢個真係要講會好廣，因為Wear OS唔似Fitbit咁小眾……講啲我應該講下架啦，不過Wear OS比較多APP，大多數需求都總會有App的，可以試試search下先。

Wear OS嘅通知係下面拉出來有夠奇怪的……

首先係錶面比較多但係好多其實比較固定，如果要自己配鹹濕wallpaper同佈局就會用到呢啲。呢個好處係有web ui，可以係desktop慢慢設計完推送到錶上面。適合各位鹹濕白蘿。

跟住按下按鈕可以出谷爹支付，畀錢有時方便，離線都好似ok。但要注意係同手機唔同，要按入呢個畫面先可以支付，唔似手機開咗NFC任何地方都ok。

電量統計係從3點開始，，5點24分結算，過程中把可以開嘅咩NFC、GPS、WIFI、藍牙嘅可以開嘅都開晒，並且同時開始運動計算功能。以此經過84分鐘後（5點24分），剩餘65%電力，即84分鐘消耗了35%電力，即每2.4分鐘消耗1%電力，以此推算可以得出4小時。但要留意係開晒所有嘢+實時GPS定位並長期keep住熒幕。

之後我把GPS閂咗，退出計步，只係行街/居家辦公得閒睇下通知咁，電量會係咁嘅curve，從下晝3點到凌晨一點，前後共10小時又7分，咁睇嘅話用一日唔係問題，但如果要再要求嘅話唔太可能，基本上就喺Wear OS嘅宿命，一日一充走唔甩。