乜而家蘋果日報先支持言論自由啊?

Posted on Fri, Jun 18, 2021 時政評論

對於蘋果日報嘅事,我嘅立場好簡單,共產黨仆街,蘋果日報及肥佬黎更仆街,所以睇大家咁熱鬧支持蘋果日報,我係不解嘅,難道你哋唔記得狗仔文化點來嗎?唔記得抄報風潮係邊兩家報紙帶起嗎?唔記得鬥減價風潮邊個搞起跟住搞到報紙難以加價嗎?唔記得邊個報業集團嘅CEO公言唔會被本土派係自己報紙有任何聲量嗎?

在我而言,司徒華、肥佬黎其實同共產黨係無分別嘅,佢哋都喺希望有權有錢,只不過用咗唔同嘅思想和制度來包裝,可能佢哋原本同林鄭一樣滿懷理想,但理想唔可以當飯食架,不論中間經歷咗咩,佢哋都成為咗社會中嘅仆街,佢哋排斥異己大多只為鞏固自己利益和立場,當你哋哀悼有名有姓嘅蘋果CEO同蘋果高層嘅同時,仲記得嗰啲被蘋果送上庭、被蘋果CEO打壓、甚至乎可能因為蘋果記者報道而面對緊法律訴訟卻毫無光環嘅真正「黑暴」嗎?

我支持言論自由,但唔支持蘋果日報嘅言論自由,正如蘋果日報唔支持本土派有言論自由一樣。畢竟,唔支持言論自由嘅人/報紙,無資格叫人支持佢嘅言論自由。

句號,繼續打機。

(圖片偷自熱狗報)

黎智英認封殺本土派

壹傳媒集團主席黎智英今日在其網台節目《壹錘定音》中表示,中港不能分割,自己及壹傳媒的立場均是反對「港獨」,更自爆封殺本土派言論。 《人民日報》海外版昨日發表文章,指斥黎智英「禍港亂港、支持台獨」。黎智英表示從未支持台獨,亦覺得現時情況台灣是不可能獨立。 ...