《安達としまむら》動畫完結短評

Posted on Mon, Dec 28, 2020 鹹game 作品評論 安達としまむら

今期完結嘅動畫如果要推介,我會揀《安達としまむら》。

故事講述內向清純少女安達偶然遇上しまむら跟住又唔敢表白不停做住女高中生一邊煩惱嘅事。

故事並不算複雜,值得一看嘅係入間擅長嘅精細嘅心理描寫。從安達嘅自白,你會睇到一個清純少女煩惱緊一啲冇乜所謂但青春期單戀特有嘅各種煩惱,凈係打個電話都會諗半日,又或者每天都擔憂兩人嘅關係近咗定係遠咗。最清純係,約咗人嘅時候早咗3個鐘到卻謊稱早咗1個鐘到(笑)。在入間嘅筆下嘅清純少女,藉着動畫而在舉手投足之間,一個清純毒L死宅躍然紙上。

(而且經常諗住好唔好抽しまむら水,如果唔係都係女仔,晨早因爲性騷擾入監獄)

而しまむら係個隨和受歡迎嘅超級現充(暴言),有很好嘅社交能力和其實都ok多嘅朋友,但實際上對週遭嘅人和事其實不太關心,對很多事情都冇乜所謂,最叻就係煩惱到最後就諗「是L但啦」跟住放棄咗(笑),但其實對很多事情有自己一套嘅諗法,而對人制關係嘅處理亦係遵從緊自己諗嘅一套價值觀,呢種人我會統稱爲雪娘症侯羣——雖然經常思考但其實好多事情點都好;好似很叻社交其實知心好友真係數都唔使數。

而整個故事中就 照着各人物嘅性格和喜好仔細描寫(尤其係內心獨白),整個故事嘅最大看點,就係各個不同人物再當下嘅煩惱和思考,這點真係入間先生嘅拿手把戲,希望大家得閒務必睇睇。

附圖:你睇下呢個清純嘅安達。