關心AI殺你全家不如關心下餐飯食咩好啦

Posted on Fri, Aug 13, 2021 時政評論 科技趣聞

AI的第一部劇本創作邏輯混亂、內容粗鄙,但所說的「笑話」讓人細思極恐 - The News Lens 關鍵評論網

文:賴佳昀 大約在一百年前,捷克劇作家Karel Čapek首次在劇本中創造了 「機器人」(robot) 一詞。如今,劇本中的虛構物件卻反過來成為劇作家。 這部有GPT-2參與創作的劇本,演出時間長達60分鐘,內容則與Antoine de Saint-Exupéry的成人童話《小王子》( The Little Prince ...

好多on9仔(邊個係你自己對號入座啦)會係留言批判話人類終有天會被機械統治,成為奴隸,或者温和少少會笑話唔好搞AI,然之後拿着呢啲隻言片字塞入口。

is it so fun? no lor.

事實上好多人作出呢啲comment之前,首先未搞清楚一個大前提,而家嘅AI同劇集、動畫等嘅AI唔同,佢哋係不具有「自我意識」,甚至連「思考」都並沒有在執行,因為我哋人類連自我意識同思考喺啲乜,都無法落到個客觀、準確嘅定義,請問佢點解要反對人類呢?點樣毀滅人類呢?對於人類依然呢啲字眼和句子可能具有「意義」,對於機械而言只係另一堆嘅「運算」罷了。好多人聽到ANN——人工神經網絡之類嘅字眼會好興奮,好憂心,又或者覺得疑惑。詳細我唔打算講啦,但ANN結構雖然模擬嘅係動物嘅神經網絡,但也係模擬而已,根本問題係,ANN根本未跳出輸入條件、調教權重、預覽輸出、之後修改輸入嘅條件和權重來獲得「人類」想要嘅結果。因為蘋果所以樹,因為橙所以薯仔,其實而家ANN把中間演算過程黑箱化咗,但亦因此變得可以通過反覆訓練、修改輸入和權重來調整成人類想要嘅結果,但説穿了,操作嘅基本都喺人類,機械依然係機械,佢無意識,亦唔知蘋果同橙有咩分別,亦唔會好似人類咁諗咁多無謂嘅哲學嘢,忠於使命,基於資料,僅此而已。

AI會唔會反叛呢啲問題,我希望大家明白,係而家可見嘅將來係不太可能,因為我哋依然無能力亦無辦法整出具有意識嘅AI,頂多只能做到能夠欺騙人類以為佢有意識嘅AI,但佢依然唔會係個有獨立意識嘅個體,因為佢嘅一切係被某人決定,基於某人預先設計嘅輸入內容和權重去調整出來嘅「計算機」而已,佢依然唔會獨立學習、獨立延展、自主地思考,基本上而而家嘅科技和技術係不可能,而除非有啲突破性嘅研究出來,例如開始研究到自我嘅定義,或者係人格嘅誕生方式及其演算法,不然,連自我同思考能力都無嘅AI,難道你期望佢可以揭起大旗推翻人類統治?人類真係浪漫又自我嘅動物,真可愛。

更何況,人類或者有一定思考能力和自我嘅生物,都會衍生出宗教和迷信、衍生出哲學和感性,而呢啲好多嘢,係基於慾望衍生嘅,作為半永久運作,無限自我複製和生存嘅機械人,即使有了思考能力亦不見得非要毀滅人類不可,或者更基本地,佢哋即使有了自我意識,也不具有任何積極行動嘅念頭,想生存、想搏嘢、想食好西、想被稱讚之類嘅諗法和追求,我諗機械好大機會唔會有,我甚至覺得,害怕AI有自我意識之後再推翻人類嘅呢件事,好聽就叫浪漫、警示片,難聽講句,呢種思想其實係作出了機械亦會好似人類咁思考、咁被壓迫,會好似人類咁有慾望,而佢哋嘅生存形態亦係人類嘅延續,但事實對於機械而言,可能人類嘅所有嘢都喺nothing,沒有意義嘅嘢,點解要加以理會。在《科学的に存在しうるクリーチャー娘の観察日誌》呢套漫畫有個很好嘅名形容呢啲非常左翼、關心機械人人權嘅人——「人類病」。

所以建議大家得閒睇下漫畫《科学的に存在しうるクリーチャー娘の観察日誌》開心下啦,諗咁多AI問題做乜柒,係擔心AI反叛摧毀人類之前,不如諗下點樣讓自己唔好顯得咁on9仲好啦。即使AI會屠殺人類,飼養人類,更大可能喺其他人類所驅使,而非佢哋嘅自由意志下嘅意願來架其實。

最後推介比大家(估唔到呢竟然係推坑文):

科学的に存在しうるクリーチャー娘の観察日誌 【コミックス8巻発売中!】 | KAKERU |試し読み・無料マンガサイトはマンガクロス

主人公・栗結大輔(くりむすびだいすけ)は、突如異世界にきてしまった。 そこは、ケンタウロスやアラクネ、ハルピュイアなどの 美少女クリーチャー娘が棲息するゲームや漫画のような世界...。 だがしかし、魔法なしチートなし、さらにはマニアックな縛りプレイetc...、 微妙にリアルなところもあって...(汗)。 この奇妙な世界に巻き起こる様々な問題をスマートに解決して、 ...