Call of Duty: Cool War 通關鳩噏

Posted on Sat, Nov 14, 2020 Call Of Duty 作品評論 PS5遊戲 Cool War 時政評論

年貨Call Of Duty:Cool War於13號發售,作為年貨CoD系列嘅最新作,當然一堆人9rush玩多人模式,但其實CoD劇情亦又唔少人沖,甚至我見YouTube已經有其中一個END嘅全流程影片(差不多4小時)。

無錯,呢代具有多重結局,我同個段片嘅都喺打通咗反派計劃成功,而Make USSR Great Again嘅EU DEAD END路線。

故事

而整個故事基本就係同宣傳片類似,講話美國嘅核彈落係支持蘇聯嘅恐怖分子手上,美國為咗排除問題叫mason一行人去解決問題,結果係路上發現到一個隱藏已久嘅Second Plan:綠燈計劃。該計劃簡單講就喺係EU埋核彈,蘇聯打過來不得已嘅情況下就引爆曬佢嘅焦土政策,而反派亦得知呢個計劃嘅存在,因而打算引爆核彈並公開計劃詳情,摧毀EU並促使EU同美國鬼打鬼,之後世界唯一霸權就喺蘇聯。

到了故事後段,揭示可以自定義姓名嘅主角吖BELL其實原本係反派嘅傭兵,原本用完就要處理嘅,不過被CIA執到,並洗腦作為自己嘅Agent使用,使得可以活用佢俄語同密碼學嘅才能,以及陰啲陰啲獲取蘇聯方嘅資訊。

而係EU DEAD END入面最後就喺主角係審問中記得返啲嘢,表面合作卻暗地裏通蘇,set個陷阱處理曬美國啲Agent。而最後嘅最後嘅最大反轉恐怕就係其實主角啊bell亦可能係反派安插嘅間諜,諜上諜嘅方式處理掉了美國方面嘅特工勢力吧。

最後當然係世界冚家剷,USSR great ever。

系統

今代嘅年貨亦加入多種有趣嘅系統,而且好多係非戰鬥嘅。

首先呢嗰嘅騎劫人質功能,可以用敵人做盾牌,雖然無恥但係一啲比較開擴地形嘅槍戰入面好玩又有啲用嘅。

另一個比較特意嘅係有個有限空間入面可以揀唔同嘅方式達成任務,例如可以潛入伺服器嫁禍比將軍來創造機會偷access key之類,呢段玩落有幾分以前嘅《刺客信條》嘅味道。

(慘遭嫁禍嘅將軍)

BUGS

レンちゃん@闇落ち系エロゲームのヒロインです。✓ (@[email protected])

Attached: 1 image PS4 remote play save my life for temp fix #COD_COOL_WAR_CONTROLLER_BUG

呢代其實自從Beta便有個Bug,就係PS4下手掣會隨機斷線並且無法重新連線,直到強制重開爲止。而到了CoD Cool War更進化成劇情模式全程都會無法使用Controller,直到重新開機,入去又斷連,LOOP。

所以我姑且靠PS4 Remote Play通關後便放棄再通關其他路線,都係等佢Fix咗先算。

感言

以Cool War爲背景嘅遊戲係美中對抗更熱烈嘅時候發售頗有一番以史借今嘅味道,甚至很多社評人會話中美搞嘅係新冷戰。但我覺得首先呢種講法第一忽視了今日嘅中國同蘇聯唔同嘅係中國經濟穩定很多,唔會學蘇聯咁搞共產搞到自己半死;另外,中國對美國而言係個地位上、經濟利益上、文化上嘅對手,並非蘇聯嗰種,非整死不可嘅敵人。甚至乎如果直接整死咗中國亦不符合美國利益,雖然潛在對手少咗係件好事,但亦意味着美國失去龐大嘅利益,更多時候美國也僅僅是想中國乖乖進入「美式體制」中,接受既有嘅規則,不要挑戰美國嘅霸權地位,乖乖地,而已。而坦白說,美蘇冷戰當時美國人真係會怕蘇聯打過來甚至征服佢哋,而而家嘅中美對抗雖然都係美國人普遍支持,但並無美蘇冷戰當時嗰種生死時刻嘅恐懼和非對抗不可嘅危機感。

遊戲截圖

Call of Duty: Cool War - Len Chan

This gallery hosted by SmugMug; your photos look better here.