裏世界ピクニック ANIME 02 —— 八尺さま

Posted on Tue, Jan 12, 2021 作品評論 裏世界ピクニック

壁咚!
約嗎?

kusa

八尺さま

今集出現嘅八尺大人其實係2ch創作之一,正如入面所提及,係個長髮,身高八尺,身穿白色連身裙或者西裝嘅女人,會迷惑人們,甚至模仿佢哋親人嘅聲音引誘佢哋靠近或接近對方。而其實佢仲有個原版故事,大概係咁嘅:

話說故事主角趁着假期返鄉度假,你知鄉下地方屋可以好大,而主角係庭院行街見到八尺大人,跟住主角同祖父祖母提起件事嚇L死佢哋,所以佢哋又搵來個熟悉事情嘅老婆婆幫拖,並且主角從中得知每隔幾年或者十幾年八尺大人會現身禍害他人。

之後主角拎住老婆婆比嘅符咒,把主角安置落房間並比佢食物和其他必要嘅嘢,並把房間所有透光和進出口封實,又在四角灑鹽和安置了一尊小佛像,並叮囑主角帶住符咒、係第二日朝早7點前唔可以離開房間,然之後危險嘅時候向佛像祈禱。

而主角半夜醒來嘅時候聽到敲窗嘅聲音,又聽到祖父嘅聲音叫佢,但主角sense到把聲其實係八尺大人假扮,然之後靠近佛像唸經,捱到了朝早。而到了朝早,主角被連同祖父、老豆同各種男性親屬以及嗰個道士老婆婆上車,並囑咐主角閉眼而老婆婆在路上唸經。

最後主角離開了祖父母屋企,返回了自己嘅屋企。但係事發幾年後,祖父病故,主角亦接獲祖母告知封印八尺大人嘅地藏廟比破壞,而且可能會通向主角屋企。而最後主角半疑半信,擔心日後再遇上八尺大人嘅獨白中結束整個故事。

而其實八尺大人都算幾出名嘅都市怪談,在各種作品中出現,例如恐怖game《零》入面擔任彩蛋角色,而亦有基於原本故事大改編嘅鹹溼漫畫/動畫 嘅《八尺八話快樂巡り》。

煩膠空魚

如果有留意OP歌詞,係基本上大半係空魚嘅獨白。點解我會話空魚係煩膠,因爲空魚其實個心理狀態就係冇朋友嘅毒L,對表世界嘅人事不屑一顧,甚至有少少中二病早期嗰種憤世但其實係自己無融入過嘅感覺。而其實,呢類毒L只係覺得世界很醜陋,同人保持距離既係(自以爲)唔鍾意人羣,但其實害怕深交然之後被傷害,害怕行出舒適區。所謂沒有朋友就唔使怕被朋友背叛(笑)。但其實雖然空魚口上多少有啲埋怨,但其實有fd其實係開心嘅,而到了八尺大人事件後先發現自己感情(係,唔好唔記得呢個分類係百合作品)。

跟住有啲思想更激進和更鑽牛角尖嘅黐線佬會覺得世界好黑暗,人類社會好多陰謀,周圍好多人歧視佢……跟住……唉。只能說人畢竟係社會動物,和社會脫節得太勁嘅人能正常活着嘅都係少數,尤其現代城市社會。

另外,OP碟會係2月3日發售,希望各位支持一下:

【主題歌】TV 裏世界ピクニック OP「醜い生き物」/CHiCO with HoneyWorks アニメ盤 | アニメイト

CHiCO with HoneyWorks13枚目シングル決定! 映画『樹海村』主題歌と、 TVアニメ『裏世界ピクニック』オープニング主題歌の、両A面シングル! チコハニ